پیاپیں ٹَوک (شانزدھمی بھر)

 

رجانکار: اُزیر مھرؔ

۱۔جیڑہ ایش اِنت کہ مردم وتی زندگی ءِ تہ ءَ وشّی ءِ بے کساس اُمیتوار بنت۔ من اِے ھیال ءُ گُمان کت نہ کن آں پرچا؛ بلے مردم چوش کن اَنت۔ آچہ  سیر ءُ سانگ  کنگ ءَ پیش ناوشّ بنت ءُ گوں وت ءَ ھیال کن اَنت کہ آھانی ناوشّی ءِ سوب ھلاس بیت وھدے کہ آ سانگ کن اَنت۔وھدے کہ آ انگت وش نہ بنت گڑا دومی مردم ءَ میاریگ کن اَنت کہ تچک ءَ  ناھودگیں  کارے۔منی  سِتک ھمیش اِنت کہ چوناھا  ھمے چیز اِنت جیڑہ ءَ بندات کنت۔

۲۔ ملکے ءِ تہ ءَ مزن اُگدہ داریں تبک ھما نکینکیں مرگ ءِ پیم ءَ اِنت کہ سرئِے گڈّگ بیتگ ۔ اِے بگندئے  زندگیں وڑے روت ءُ تر اِیت بلے بُندر ءَ مرتگ۔

 

نینسی  مٹپورڈ

 

۱۔وھدے کہ تئی دژمن ردی یے کنگ ءَ اِنت آئی ءَ بِھ مہ دار۔

۲۔ راجکاری ءِ تہ ءَ ھوڈی اِلت ءُ اڑاندے نہ اِنت۔

۳۔من ءَ وانوکانی کھولے پیش دار، من ترا ھما مردماں پیش دار آں کہ دنیا ءَ بدل کن اَنت۔

۴۔نیکراہ لسّ مردمانی ھاموش کنگ ءِ جوانیں ازبابے۔ اِے نیکراہ اِنت کہ نیزگاریں مردماں ازگارانی کُشگ ءَ دار اِیت۔

۵۔ اگاں تئی ھیال ءَ تو اپس ءِ سر ءَ نندگ ءَ    ھراب ءُ  نادان گندگ ءَ کائے، تو گڑا یک جنگے ءِ راھشونی ءُ مستری ءَ کت نہ کن  ئے۔

۶۔ دِلاوری جنزگ ءِ زور ءُ تاکت ءِ نام نہ اِنت۔ اِے ھما جُنزگ ءِ نام اِنت وھدے کہ تئی گور ءَ زور ءُ ھاٹیگ مہ بیت۔

۷۔راجدپتر دروگانی ھما مُچّی ءِ نام اِنت کہ آئی ءِ سر ءَ تپاک کنگ بیتگ۔

۸۔ھِچّ چیز چہ شَور ءُ پیسلہ ءَ کنگ ءِ لائکی ءَگران تر ءُ    گرانبھا تر نہ اِنت۔

۹۔اگاں من ءَ یک نیکراھے گچین کنگ ءِ گُشگ بیتیں، گڑا  روچ کہ تیوگیں کائنات ءَ زندگی دنت منی  ھُدا وند بیتگ اَت۔

۱۰۔ وت ءَ را گوں کست ءُ کینگ  ءَ بندوک مہ کن کہ اِے پہ پیلھی گوں نابودی ءَ درشان کنگ بیت۔

۱۱۔ جیڑگ ءُ سسا کنگ ءِ ھاتر ءَ وھد بہ کشّ، بلے وھدے کہ کار ءِ کنگ  ءِ وھد کیت، جیڑگ ءَ یلہ بہ دئے ءُ ایر کپ۔

۱۲۔مردم ءَ کار ءُ سر ءُ پر ءَ پرماوکیں دو چیز اَنت: یکے تُرس اِنت ءُ دومی زاتی ھُب ءُ شوک اِنت۔

۱۳۔نہ بیتگین (Impossible) تھنا یک لبزے کہ اھمک ءُ چپورتیں مردمانی لبزبلد ءِ تہ ءَ گندگ بیت۔

۱۴۔چہ مھر ءَ باج برگ ءِ ایوکیں راہ پرواز اِنت۔

۱۵۔وتی کول ءُ مسام ءِ دارگ ءِ جوان تریں وڑ ءُ پیم ھمیش اِنت کہ کس ءَ اِش مہ  دئے۔

۱۶۔تئی سما ءُ ایشتم ءِشھار ءِ  ھدّ ءُ بند تھنا گوں تئی مھر کنگ ءِ بود ءُ لائکی ءَ، ءُ گوں ھمے مھر ءَ  تئی  چپ ءُ چاگرد ءَ ءُ ھرچی ایشی ءِ تہ ءَ ھست آھاں ھسار ءَ زیرگ گوں بندوک اِنت۔

۱۷۔تو اگاں لوٹ ئے چیزے یا کارے شرّ سرجم کنگ بہ بیت گڑا وت ئِے بہ کن۔

۱۸۔ وتی دژمن ءَ ھجبر مہ گُش کہ آ ردیں کارے کنگ ءَ اِنت۔

۱۹۔اِے سبب  اِنت  مرگ نہ اِنت کہ پاکمر ءَ جوڑ کنت۔

۲۰۔من بس ترا دیستگ، من بس تئی توسیپ ءُ ستا کتگ۔ من بس ترا لوٹ آں۔

 

نیپولن بوناپارٹ

 

۱۔جُھد ءُ جپا تھنا ھما وھد ءَ وتی بیرگیں مز ءُ   نیبگاں دے اَنت وھدے کہ مردم جھد ءَ انگار نہ کنت۔

۲۔ھِچّ مردم ءَ گرانبھائیں سوبمندی  نہ رس اِتگ اگاں آئی ءَ یک برے یا باز براں، وتی پاد  کم ءَ چہ کم یک برے   بے سوبی ءِ تیاب دپ ءَ   شرّی سر ءَ مان نہ داتگ۔

۳۔سوبمندی پہ ھما مردماں کیت کہ سوبمندی ءِ سما ءَ اِش گور اِنت۔ بے سوبی پہ ھما مردماں کیت کہ وت ءَ بے مارشتی ءُ نابودی بے سوبی ءِ رزا ءَ دے اَنت۔

۴۔تیوگیں سوبمندی ءُ  مزنیں کارانی بندات ھُبّ  ءُ واھگ اِنت۔اِے گپّ ءَ مدام وتی مجگ ءَ بہ دار۔ نِزوریں واھگ نِزوریں آسرال ءُ برورد کار اَنت انچوش کہ کسانیں  کساس ءِ آس تھنا کسانیں  کساس ءِگرمی یے ودی کنت۔

۵۔اگاں تو کٹ ءُ کمائی کنگ ءِ وھد ءَ در نہ برگ ءَ ئے گڑا تو وتی مز ءِ مزنیں ءُ شریں بھرشتے ءَ وت ءَ راریپینگ ءَ ئے۔

۶۔ھر مردم کہ کٹگ ءُ باجبرگ  لوٹ اِیت  گڑا باید اِنت آئی ءِ گور ءَ اِے شرّی ءُ ھاسیت بہ بیت، آ  شری مول ءُ مراد ءِ سدکی ءُ گیشواری اِنت۔ مردم ءِ چیزے ءِ لوٹ ءُ تلب ءِ اِلم ءُ زانت اِنت ءُ آئی ءَ را وتی کنگ ءِ چاھڑیں واھگ اِنت۔

۷۔بہ چار ءُ بہ پول کہ ترا چی ءُ کجام کار ءِ کنگ پہ گواچنی  وشّ بیت ءُ پد ءَ یک انچیں راھے بہ شوھاز کہ ھما کار  ءِ کنگ ءَ شریں وڑے ءَ کٹ ءُ کمائی بہ کن ئے۔

۸۔دراھیں سوبمند ءُ مزنیں کار، دراھیں کٹ اِتگیں مال ءُ دولت ءِ بندات یک ھیالے بیتگ۔

۹۔بے سوبی ءِ درستیں لسّ سبباں چہ یکے یل دیگ ءُ انگار کنگ ءِ ھیل ءُ آدت اِنت وھدے کہ ادارکی بے سوبی مردم ءَ  پیڑاایت۔

۱۰۔بنی آدم ءِ درستاں چہ مستریں نزوریاں یکے  ھمیش اِنت کہ لسّ مردم چہ لبز نہ بیتگین (Impossible)  ءَ آژناگ اَنت۔

۱۱۔ ھرچیز  ءَ کہ انسان ءِ مجگ   جیڑ اِت کت کنت، آئی ءِ سر ءَ بیسہ ءُ سِتک کت کنت، آئی ءَ را  الم رس اِت کت کنت۔

۱۲۔ھِچّ مردم شکست دیگ بیت نہ کنت داں وھدے کہ مردم ءِ جند آ شکست ءَ راستی یے مہ من ّ اِیت۔

۱۳۔مجگ ءُ سسا ءِ ھِچ اڑاند ءُ گٹّ نیست اَنت بید ءِ ھماھاں کہ مئے جند اِش من اِیت۔

۱۴۔من اِے گپّ ءَ سرجم ءَسرپد آں ءُ  زان آں کہ ھِچّ مال ءُ اگدہ پہ مدامی نہ مان اِیت اگاں آ راستی ءُ آمید ءِ بنھشت ءِ سر ءَ جوڑ نہ بیتگ۔ پمیشکا من  ھِچّ چُشیں کارے ءِ تہ ءَ ملمہ نہ باں کہ آ دراھیں مردماں سیت ءُ نپ نہ دنت کہ آھانی سر ءَ سانمند بیت۔

۱۵۔ مردمانی تہ ءَ یک انچیں نِزوری یے ھست کہ آئی ءِ ھِچّ توجیل ءُ اِلاج نیست۔ آ نِزوری جھانگیریں نزِوری یے کہ مردم ءَ را ھِچ ھُبّ ءُ واھشت، اُمیت ءُ جوزہ مہ بیت۔

۱۶۔سوبمندیں راھشون باید اِنت  وتی رندگیرانی ردی ءُکوتاھیانی زِمہ واری ءِ منّگ ءُ زیرگ ءَ رازیگ بہ بیت۔

۱۷۔سوبمندیں راھشون باید اِنت وتی کار ءِ مراسا ءَ بہ کنت ءُ مراسا ءِ کار ءَ بہ کنت۔

۱۸۔اِے دنیا ءَ مردماں اِے چیزّ ءِ مز ءَ نہ دنت کہ آ چی زان اَنت بلکیں اِے چیز ءِ مز ءَ دنت کہ آ چی کن اَنت یا دگہ مردماں کارے ءِ کنگ ءِ سکین ءَ دے اَنت۔

۱۹۔ چریشی ءَ پیش کہ تو جاوراں بہ دار ءُ بہ سمبال ئےباید اِنت  پیسر ءَتو وت ءَ را  بہ سمبال۔

۲۰۔بے سوبی  مُھر گامی ءُ مھکمی ءَ  اوشتگ ءَ داشت کت نہ کنت۔

۲۱۔چوناھا ھما مردم کہ موھانی تہ ءَ یکے ھم گچین نہ کنت ءُ نہ زیر اِیت وھدے کہ دگہ مردم گچین کنگ ءَ اَنت گڑا  آئی ءَ چہ سراتکگینانی تہ ءَ یکے زیرگی اِنت۔

۲۲۔کانودی رِد ءَ مال ءُ دولت ءِ  جم کنگ ءُ دارگ ءِ تھنا یکیں لائک ء بیسہ ئیں راھبند اِنت ءُ ایش اِنت کہ سیتمندیں ھزمت ءُ  کار  پیش کنگ ءُ پیلو کنگ  بہ بیت۔

۲۳۔گیشتر مردم کہ وتی ھاجت ءُ زرورتانی ھاتر ءَ  درکاریں زَرّ ءِ جم کنگ ءَ بے سوب بنت چوناھا ھما مردم اَنت کہ آ دگرانی ھیال ءُ لیکھانی سر ءَ پہ آسانی ءَ سانمند بنت۔

۲۴۔ھما ھیال کہ آئی ءِ با پُشت ءَ مھکمیں واھگے ھست ، وتی داب ءُ دروشم ءَ راستی ءَ مٹ  بیگ ءِ  بروبریں تب ءُ میلے دار اِیت۔

۲۵۔ گیشتر مردم وتی سیاد، دوست ءُ لس مھلوک ءَ مزنیں وڑے ءَ اجازت دے اَنت کہ آھاں سانمند بہ کن اَنت کہ آ وتی جند ءِ زندگی ءَ وت گوازینت کت نہ کن اَنت  پرچا کہ آھاں چہ نگد ءُ ایراد ءَ تُرس اِیت۔

۲۶۔کار ءُ زِمہ واری مردم ءَ وتی جند ءِ زاتی ھُب ءُ واھگانی ھلاس کنگ ءُ گٹگیر  کنگ  ءُ وتی وڑ ءَ زندگی کنگ ءِ ھکّءِ نیمگ ءَ نہ بارت۔

۲۷۔مردم باپار ءُ کاروبار ءِ تہ ءَ موہ زیرگ  ءَ انکار کن اَنت پرچا کہ آ نگد ءُ ایراد  ءَترس اَنت  کہ بیت کنت آھانی رندگیری بہ کنت وھدے کہ آ بے سوب بنت۔

۲۸۔گیشتر ھیالانی  بنزہ ءَ نگد ءُ ایراد ءِ ترس اِنت پمیشکا گیشتر ھیال ھجبر مراسا ءُ اَمل ءِ تبک  ءُ آپسر ءَ نہ رس اَنت۔

۲۹۔ ایوکیں موکل کہ کسے آئی ءِ سر ءَ بیسہ ءُ یکین کت کنت آ وت زُرتگیں موکل اِنت۔

۳۰۔مال ءُ دولت واھگانی رِد ءَ اسرمند نہ بنت۔اِے تھنا   گوں  پکا ءُ گیش اتگیں مراسا کہ آئی ءِ باپشت ءَ پھتوئیں واھگ ءُ جوزگ ھست، یکشلیں ءُ دائمی مھر گامی ھست، سانمند بنت۔

۳۱۔ھرکس ءَ کہ دلپھکی ءَ مھر کتگ، آ سرجمی ءَ ببا دات ءُ شکست وارت نہ کنت۔

 

نیپولن ھِل

 

۱۔یک بامردمے داں ھما وھد ءَ بامرد بیت کت نہ کنت داں وھدے کہ بامردی دنیایے ءَ مہ بیت۔

۲۔پھک ءُ پلگاریں دست  دستانہ ءَ پوشگ نہ لوٹ اِیت۔

۳۔یک کوھنیں نِکان ءُ نبشتانکے، اگاں آئی ءَ تو  شَرّ، گرم،  درپشوک ءُ وش تبیں بچکندے ءَ بہ بُکین ئے چہ نوکتریں ھما نِکان ءَ جوانتر ءُ شر تر بیت کہ ھمائی ءِ سر ءَ تو مورک مُجینتگ ءُ وتی پیشانی کِرچک کتگ۔

۴۔جنین ءِ پاکدامنی ءُ پارسائی پیماز ءِ پیم ءَ اِنت، پوست ءِ سر ءَ پوست۔

۵۔راستی ءُ تچکی ایمانداری ءِ ءُ ناراستی ءُ ردی بے ایمانی ءِجاڑیں برات انت۔

۶۔وشّی یک  پاتو یے ءِ پیم ءَ اِنت ھردیں کہ تو ایشی ءِ پُشت ءَ کپت ئے اِےترا  دست نہ دنت بلے اگاں تو ھاموشی ءَ بہ نندئے بگندئے کیت ءُ تئی سر ءَ نند اِیت۔

۷۔زندگی  مرمر ءِ سنگ ءُ  لچ ءَ جوڑ کنگ بیتگ۔

۸۔مھر تُری نوک ودی بیتگیں یا مرگی واب ءَ چہ پاد آتکگیں  باید اِنت مدام انچیں رُژنے ودی بہ کنت کہ دل رُژن ءُ برانز ءَ چکار بہ  بیت ءُ انچو سریچ بہ بیت کہ دری دنیا ءَ جھلاد ءُ پدر بہ بیت۔

۹۔ماھکانی بُت تراشی ءُ نکش گیری یے۔

۱۰۔ھِچّ مردم داں مزنیں مدتے ءَ  وتی یک دیمے وت ءَ دومی دیم ءَ مھلوک ءَ پیش داشت کت نہ کنت آسر ءَ اِے گپّ ءِ سر ءَ اجّکہ بیگ ءَ ابید  کہ کجام راستی بیت کنت۔

۱۱۔مئے درستاں چہ  نزیک ءُ گمواریں دوست آ نہ اِنت کہ آئی ءَ ما وتی ھراب تریں تب ءَ پیش داراِیں بلکیں ھما اِنت کہ آئی ءَ ما وتی جوان تر ءُ شرّ تریں تب ءَ پیش دار  اِیں۔

۱۲۔نیکراہ ءُ اِزم چہ یکیں روتگ ءُ بنزہ ءَ درکاینت ءُ یک دومیگ ءِ نزیکیں سیاد اَنت۔معاش ءُ اِزم چہ یک دومیگ ءَ درآمد اَنت۔

۱۳۔وتواھی  مھر ءِ باھند دیوک ءُ پاد کنوکیں شرّیں ھاسیتاں چہ یکے۔

۱۴۔روچ ءِ روژنائی نکش گیری یے۔

۱۵۔وھد مئے سر ءَ چہ گوز اِیت بلے وتی ساھگ ءَ پُشت ءَ یل دنت۔

۱۶۔ما باید اِنت گوں ما بیتگیں نِھادی ءِ کسہ ءُ داستانانی بابت ءَ گپ ءُ تران مہ کن اِیں ھرچی کہ گوں ما جنگل  ءَ پیش کیت۔

۱۷۔ما برے برے وت ءَ را چہ اڑءُ جنجالیں وابے ءَ پاد آیگ ءَ مرادباتی دے اِیں، اِے وھد بگندئے چہ مئے مرگ ءَ پد بیت۔

 

ناتنیل ھاؤتھورن

 

۱۔اِے پہ مردمے ءَ یک کسانیں گامے بلے بنی آدم ءِ ھاتر ءَ یک مزنیں دَورے۔

۲۔تُرس پما چیر ءُ نزانتگیں  مارشتے نہ اِنت۔

 

نیل آرمسٹرانگ

 

۱۔ چہ  گیمرگ ءُ ھلاس بیگ ءَ  دمبرگ گھتر اِنت۔

۲۔من ھاس  ءُ گیش اِتگیں نیکراہ ءَ نہ آں۔ منی سِتک مھلوک ءُ ساچشت سازیں ھما مزنیں ھستی  ءِ سر ءَ اِنت ءُ اِے مارگ اِنت کہ ما دراہ تھنا ابرم ءِ بھر اِیں۔

۳۔انچوش کہ تو زند ءِ راہ ءُ رنداں روان بہ ئے ترا نگورد دیم، کوھی گٹّ ءُ ٹُل ھم چارگ لوٹ آں۔

۴۔وتی آجوئی ءِ  پھازگ ءِ ھاتر ءَ مارا وتی کمے آجوئی کسانیں وھد ءُ دمانے  ءَ یل دیگ لوٹ اِیت۔

۵۔تو اگاں وتی ھر واب ءِ رندپداں کپ ئے گڑا توبگندئےگار بہ ئے ءُ رنگراھاں کپ ئے۔

۶۔وھدے کہ مردم ترا جست کنگ ءُ گُشگ ءَ بندات کن اَنت کہ یکیں چیز  ءَپہ پرام یکوئی بہ کن گڑا اِے ھمے وھد اِنت  کہ تو اِے زانت ءِ بازنزیک ءَ ئے کہ ترا   اِے چیز ءِ نزیک ءَ بیگ نہ لوٹ اِیت۔

۷۔من ءَ جنگ دوست نہ بیت۔ من پہ ھاس جنگ ءِ شاتکامی ءَ نہ کن آں کہ منی نِزّ ءَ  پرآئی ءَ  سرکار  کمے ھجالت ءُ میاریگ اِنت۔

۸۔یک نوکیں دروشم ءُ تاجگیں ھیال ھرچیز ءَ بدل کت کنت۔

 

نیل  ینگ

 

۱۔وانگ ءُ زانگ درستاں چہ مستریں زورآوریں سلاہ اِنت کہ دنیا ءِ بدل کنگ ءِ ھاتر ءَتو ایشی ءَ کارمرز کت   کن ئے۔

۲۔من ھمے دربرتگ کہ ھمت ءُ توکل ترس ءِ نہ بیگ ءِ نام نہ اِنت بلکیں چریشی ءَ باجبرگ ءِ نام اِنت۔ دِلاوریں مردم  آ نہ اِنت کہ آئی ءَ نہ تُرس اِیت بلکیں ھما اِنت کہ چہ وتی تُرس ءَ سوبمند  ءُباجبر بیت۔

۳۔یک شریں مجگے ءُ یک شریں دلے مدام مھکمیں یکجاھی ءُ ھواری یے بلے تو اگاں ھمیشی ءَ یک وانندگیں بولی ءُ زبانے یا ندے پِر بہ کن ئے  گڑا ےتئی گور ءَ سکیں ھاسیں چیزے بیت۔

۴۔کار مدام نہ بیتگین ءُ مشکل گندگ ءَ کیت داں وھدے کہ سرجم کنگ بہ بیت۔

۵۔آجو بیگ تھنا وتی سانکلانی دور دیگ نہ اِنت بلکیں یک انچیں وڑے ءَ زند گوازینگ  ءِ نام اِنت کہ دگرانی شرپ کنگ بہ بیت ءُ آجوئی  گیشتر کنگ بہ بیت۔

۶۔من  داں ھما وھد ءَ ولی ءُ پارسایے نہ آں داں وھدے کہ تو یک انچیں گُنہ گارے ءَ پارسایے مہ لیک ئے کہ آ ھروھد جھد ءُ کوشست کنت۔

۷۔چہ پُشتی نیمگ ءَ راھشونی بہ کن  ءُ دگراں بِل کہ اِے بیسہ ءَ کن اَنت  کہ آ دیم ءَ اَنت۔

۸۔ھما زند ءِ  گوازینگءِ کہ تو توان ءُ بودشت ءَ دارئے چرا زند ءَ کمتریں زند ءِ بابت ءَ جھد ءُ جپا، سر ءُ پُر ءَ ھِچ ھُل ءُ  جوزگ مان نیست۔

۹۔جیسک ءُ کست زھر نوشگ ءِ پیم ءَ اِنت ءُ پد ءَ اِے اُمیت ءِ دارگ اِنت کہ اِے تئی دژمناں کش اِیت۔

۱۰۔وھدے کہ مردم ءَ را ھما زند گوازینگ ءِ سر ءَ ستک ءُ یکین اِنت آز ند گوازینگ ءِ ھکّ پچ گرگ بیت گڑا آئی ءِ گور ءَ بیدء یاگی جوڑ بیگ ءَ دگہ ھِچّ راہ  گچین کنگ ءَ پشت نہ کپ اِیت۔

۱۱۔ گپّ ءُ تران  کنگ ءِ وھد ءَ ، سُھل ءُ تران کنگ ءِ وھد ءَبازیں چیزانی تہ ءَ من اِےچیز ھم دربرت داں وھدے کہ من وت ءَ را بدل مہ کن آں من دگراں اوں بدل کت نہ کن آں۔

۱۲۔تو اگاں مردمے ءِ گون ءَ ھما زبان ءَ گپ کن ئے کہ آ سرپد ئِے بیت، آئی ءِ مجگ ءَ روت۔ تو اگاں مردمے ءِ گون ءَ آئی ءِ جند ءِ ماتی زبان  ءَ گپ کن ئے،آئی ءِ دل ءَ پتر اِیت۔

۱۳۔ھمت ءُ توکل ترس ءِ نہ بیگ ءِ نام نہ اِنت بلکیں مردماں اِے جزبگ ءُ سکین ءِ دیگ ءِ نام اِنت کہ چریشی ءَ سر بہ گوز ئے۔

۱۴۔ تو کُجا اوشت ئے گوں اِے گپّ ءَ بندوک اِنت کہ تو کُجا نِندئے۔

۱۵۔مزنیں کوھے ءَ سرکپگ ءَ پد مردم تھنا ھمے گند اِیت کہ دگہ چُشیں ھزاراں کوہ ءُ ماتکوھاں  کہ سرکپگ لوٹ اَنت۔

۱۶۔من وتی ارواہ ءِناھدا ءُکارمستر آں۔

۱۷۔دروشم ءُ گوناپ مانا دار اَنت ءُ بچکندگ ءَ یات بہ دار۔

۱۸۔ھِچۤ چیز سیاہ یا اسپیت نہ اِنت۔

۱۹۔انگار کنگ ءُ یل دیگ ھم راھشونی یے۔

۲۰۔ما وت ءَ را جست کن اِیں ما کے اِیں   کہ سوھو، زیبا، وشرنگ، بودناک ءُ جوان بہ بئیں؟ بُندر ءَ جست ایش کہ چریشاں کُجام اِنت کہ تو بیت کت نہ کن ئے؟

نیلسن منڈیلا

 

۱۔جنگ ھما وھد ءُ ھکّ ءُ راست اِنت وھدے کہ ھژدری اِنت۔ سلاہ ھما وھد ءَ روا اَنت وھدے کہ بیدء سلاہ دگہ اُمیت مہ بیت۔

۲۔اسل باپاری ءُ نوک سوداگر ھما مردم اَنت کہ آ زان اَنت جیڑہ ءُ موہ ءِ میان ءَ کسانیں دگری یے ھست ءُ ھمے دوئیناں وتی سیتّ ءُ نپّ  ءِ نیمگ ءَ ترینگ ءِ لائک ءُ زانتکار اَنت۔

۳۔ تو اگاں دوئیں بیت نہ کن ئے، اِے گھتر اِنت کہ چہ ترا  ترسگ بہ بیت اگاں گوں تو مھر کنگ نہ بیت۔

۴۔بنی آدماں ما لس رِد ءَ بگندئے  اڑمنج، نزور، دوتل ءُ دوپوست ءُ مال ءُ دولت ءِ لالچی گُش اِیں۔

۵۔چہ جنگ ءَ رکگ بیت نہ کنت۔ اِے تھنا دگرانی سیت ءُ نپ ءِ ھاتر ءَ ماٹو دارگ بیت کنت۔

۶۔زھر ءُ کنت چہ شرّیں کار ءِ کنگ ءَ ھمے کساس ءَرس اِت کت کنت انچوش کہ ھرابیں کار ءِ کنگ ءَ رس اِیت۔

۷۔ھر کس کہ مردماں  رد دنت ءُ ریپین اِیت آ ھما مردماں مدام گند اِیت کہ آ وت ءَ را ریپینگ ءِ موکل ءُرزا ءَ دے اَنت۔

۸۔ھما کول ءُ کرار کہ دیگ بیتگ آ گوست ءِ لوٹ بیتگ۔ ھماوادہ ءُ مسام کہ پروشگ بیتگ آ ھستیں وھد ءِ لوٹ بیتگ۔

۹۔ھترہ ءُ ترس ءَ  ابید ھِچّ مزنیں چیز دست ءَ آرگ نہ بیتگ ءُ   نہ رس اِتگ۔

۱۰۔راجکاری ءَ گوں اِکلاک ءَ سیادی نیست۔

۱۱۔چہ چیزانی نوکیں راھبند ءِ برجم کنگ ءَ ھچّ چیز سرجم کنگ ءَ مشکل ، سوبمندی ءَ شکیکگ،  رکینگ ءُ چیٹگ ءَ ھترناک ءُ ترسناک نہ اِنت۔

۱۲۔ھر کس کہ یکشل ءُ مجتی سوبمندی ءِ واھگدار ءُ تماداریں آ مردم باید اِنت وھد ءِ ھمراھی ءَ وتی روشت ءُ راہ ءُ راھبندانی تہ ءَ بدلی بیار اِیت۔

۱۳۔یک ھاکمے ءِ سوھوھی ءُ شیواری ءِ اٹکل جنگ ءِ اولی راھبند ھمیش اِنت  کہ بچار آئی ءِ کش ءُ گور ءِ چونیں مردم اَنت۔

۱۴ ۔اِے سرنام ءُ پنّام نہ اَنت کہ مردم ءَ شرپ بکش اَنت، اِے مردم اَنت کہ سرنام ءُ پنّاماں شرپ بکش اَنت۔

 

نیکولو مکیولی

 

۱۔یک رندے مھر کنگ ءُ تھنا یک رندے مھر کنگ بیت کنت، گڑا ھرچی بیت کنت۔

۲۔چوناھا دوبر ودی کتگیں مھر کسان وھد ءُ کم مدتی مھرے۔

۳۔من نہ زان آں کہ مھر بدل بیت۔مردم بدل بنت۔جاور بدل بنت۔

۴۔مھر گوات ءِ پیم ءَ اِنت۔تو دیست کت ئِے نہ کن ئے بلے ماراِت ئِے کت کن ئے۔

۵۔من گڈسر ءَ سرپد بوت آں کہ دلپھک ءُ اسیلیں مھر ءِ مانا چی اِنت۔مھر ءِ مانا ایش ءِ اِنت کہ چہ وتی وشّی ءَ  گیش ترا دگر ءِ وشّی ءِھیال ءُ انان گور اِنت اِے چیز ءَ پرواہ ءُ باکے نیست تری تو چنائیں ھم دردناک ءُ تورناکیں جاورانی دیمپان بہ بئے۔

۶۔ھما وھد ءَ کہ تو ھیال کن ئے کہ جاور چدوگیشتر ھراب تر بیت نہ کن اَنت، بیت کن اَنت ءُ ھما وھد ءَ کہ تو ھیال کن ئے کہ جاور شرّتر بیت نہ کن اَنت، بیت کن اَنت۔

۷۔تو وتی زندگی ءَ پہ دگہ مردمانی ھاتر ءَ گوازینت کت نہ کن ئے۔تو باید اِنت ھما کار ءَ بہ کن ئے کہ پتّو شرّ اِنت اِے کار تُری لھتیں مردماں بہ تورین اِیت کہ تو مھر اِش کن ئے۔

۸۔برےبرے ھما مردماں کہ تو مھر کن ئے چرآھاں گِستا بیگ لوٹ اِیت بلے اِے چیز تئی مھر ءَ پہ آھاں کمّ نہ کنت۔برے برے تو آھاں گیشتر مھر کن ئے۔

۹۔تو منی درستاں چہ شرّتریں دوست ءُ مھر کنوک ئے ءُ من نہ زان آں کہ تئی کجام چھرگ ءُ گوناپ من ءَ گیشتر وشّنود ءُ دلبود کنت۔ من ءَ تئی ھرچھرگ ءُ گوناپ انچوش دوست اِنت انچوش کہ من ءَ مئے  زند ءُیکجاھی دوست اِنت۔

۱۰۔امینچو کہ مھر مزن بیت دو امینچو آئی ءِ اندوہ مزن بیت اگاں مھر ھلاس بہ بیت۔

 

نکولس اسپارکس

 

۱۔چہ درستاں گیش من ءَ مدام ساچشت ساچگ ءِ زمہ واری ءُ ڈبہ بیتگ۔

۲۔یک اِزمکارے ءِ کار ءُ زمہ واری ھمیش اِنت کہ وتی مجگ ءَ مدام پچ ءُ پراہ بہ کنت ءُ یک انچیں جاورے ودی بہ کنت کہ آئی ءَ سرپدی ءُ سکین رس اِت کت بہ کنت۔ تو باید اِنت مدام ھمے کسانیں ساچشتی شُبینگ ءِ ھاتر ءَ جریدگ بہ بئے۔

۳۔من باز گل ءُ شادان آں کہ منی کار نبشتہ کار ءُ نکش کاراں دلبڈی ءُ سکین دنت۔ اِے درستاں چہ زیبائیں توسیپ ءُ ستا اِنت، چہ درستاں مستریں مز ءُ بکشش اِنت۔ اِزم باید اِنت مجتی ادل ءُ بدلی یے بہ بیت۔

 

نِک کیو

 

۱۔ھستیں وھد آھانی ئیگ اِنت۔ ھما باندات کہ پرآئی ءَ من مردنی کار کتگ ، آ منیگ اِنت۔

۲۔مروچیگیں سائنس زانت چہ ساپ ءُ زاھری جیڑگ ءِ بدل ءَ جھلانکی ءَ جیڑ اَنت۔ مردم باید اِنت پہ ساپ ءُ تچکی ءَ  جیڑگ ءَ ھوش ءُ سار ءَ بہ بیت بلے مردم جھلانکی ءَ  جیڑ اِت کت کنگ ءَ  پد ءَ اوں بے کساس بے ھوش ءُ بے سار بیت کنت ۔

۳۔ھما روچ ءَ کہ سائنس بے جسم ءُ نہ دیستگیں بے مادنیں ھیال ءُ ھستیانی بابت ءَ پٹ ءُ پول ءَ بندات کنت، اِے کار یک دھکے ءِ تہ ءَ  سائنس ءِ وجود ءُ گوستگیں دراھیں سدیاں گیشتر دیمروئی کار اِیت۔

۴۔مئے شرّی ءُ مئے نزوری چہ یک دومیگ ءَ گِستا بیت نہ کن اَنت انچوش کہ زور(Force) ءُ مادہ(Matter) جتا بیت کت نہ کن اَنت۔ھردیں کہ اِے دوئیں گِستا بیت اَنت گڑا مردم پشت نہ کپ اِیت۔

۵۔مردم پہ تچکی ءُ راستی ءَ جیڑگ ءَ باید اِنت ایشتم ءُ سار ءَ بہ بیت بلے مردم جھلانکی ءَ جیڑگ ءَ پد ھم بے ھوش ءُ بے سار بیت کت کنت۔

 

نکولا ٹیسلا

 

سرشون:

Brilliant Quotes – An App from Google Play Store