پیاپیں ٹَوک (ھبدھمی بھر)

 

رجانکار: اُزیر مھرؔ

۱۔اگاں آ زالبول سکیں بے اگل ءُ نابودے بیتگ کہ گوں تو سانگ ئےِ کتگ، گڑا آ ھرچیز ءِ سر ءَ ستک ءُ یکین کت کنت۔

۲۔ما وت ءَ را آ پیم ھجبر نہ چار اِیں انچوش کہ مارا دگہ مردم چار اَنت۔

اولیور ھارڈی

 

۱۔وتی درد ءُ زِھماں دانائی ءِ تہ ءَ بدل بہ کن۔

۲۔ترا زندگی  ءِ تہ ءَ درست رس اِیت بلے یکیں وھد ءَ اِنّاں۔

۳۔وھدے کہ تو گھتر زان ئے تو گھتر کار ءَ کت کن ئے۔

۴۔درستاں چہ مستریں ھترناک ءُ  دِلیریں کار کہ تو کت کن ئے آ وتی وابانی زندگی ءِ گوازینگ اِنت۔

۵۔ھرکس گوں تو لیموزین گاڑی ءَ سواری کنگ لوٹ اِیت بلے تو اِے لوٹ ئے کہ کسے گوں تو بس ءِ سواری ءَ بہ کنت ھردیں کہ لیموزین پرش اِیت ءُ ھراب بیت۔

۶۔منی بیسہ ھمیش اِنت کہ ھرچیزے پہ سببے ءَ بیت ما تری اینچو دانا ءُ زانتکار مہ بئیں کہ ایشی ءَ را بہ گند اِیں۔

۷۔ھرچند  گیشتر کہ تو وتی زندگی  ءِ ستا ءُ شاتکامی ءَ کن ئے، تئی زندگی ءِ تہ ءَ پہ شاتکامی کنگ ءَ دو امینچو چیز باز بیت۔

۸۔ھرچی کہ تئی گور ءَ ھست آئی ءِ منتوار بہ بئے، ترا چدوگیشتر رس اِیت۔تو اگاں وتی ھیال ءُ انان ءَ ھما چیزانی سر ءَ کن ئے کہ تئی گور ءَ انی نیست اَنت، گڑا تو ھجبر ھم منتوار بیت کت نہ کن ئے ءُ بِھ سیر نہ بئے۔

۹۔ساہ کشّ، ھرچی بیت ءَ یل اِش بہ دئے، ءُ وت ءَ را اِے گپّ ءَ یات بہ دئے کہ تھنا ھمے انیگیں دمان ءُ ساھت تئی گور  ءَ سدکی ءَ ھست اِنت۔

۱۰۔وت ءَ را  تھنا ھما مردمانی دیوان ءُ مجلسانی بھر بہ کن  کہ ترا گھتر ءُ شرتریں مارشت دے اَنت ءُ برُزی ءَ بر  اَنت۔

۱۱۔اگا ں یکیں دُوا ءُ ابابت کہ تو کتگ 'منّتوار آں' بیتگ گڑا اِے گنج اِنت۔

۱۲۔ھر روچ پتو ساہ کشّگ، روگ ءُ ترگ، ءُ سھبت ءُ ناچ کنگ ءِ موھے کار اِیت۔

۱۳۔ ترا زندگی ءِ تہ ءَ ھرچی رس اِیت اگاں تئی گور ءَ لوٹگ ءُ زیرگ ءِ ھمت ءُ توکل ھست۔

۱۴۔جیڑہ ءُ جنجال ھما گواچی اَنت کہ مارا نوکیں جاہ ءُ مکامے گِرگ ءِ ھاتر ءَ مجبور کن اَنت۔ گوں ایشاں مہ مڑ، بس یک نوکیں راھے بہ شوھاز کہ اوشتات کت بہ کن ئے۔

۱۵۔تو آ مردم جوڑ نہ بئے کہ تو  لوٹ ئے، تو ھما مردم جوڑ بہ ئے کہ ھما ستک ءُ یکین ءَ  دار ئے۔

۱۶۔ھما کار ءَکہ تو کن ئے آئی ءَ را  ارزشت نہ دئے، گڑا دنیا ھم  تراارزشت نہ دنت کہ تو کے ئے۔

۱۷۔ھرروچ  پتو بے اپسوز ءَزند گوازینگ ءِ، بے کساس وشی ، مزاک ءُ کندگ ءِ   کہ تو سگ اِت ئِے کت کن ئے موھے کار اِیت۔

۱۸۔ما  ھچّ نہ کنگ ءُ ھمے پیمی ءَ آ مردم جوڑ بیت کت نہ کن اِیں کہ مارا بیگ لوٹ اِیت۔

۱۹۔وتی شرپ ءُ اِزت وتی ھساب ءَ دنیا ءِ مانا کنگ ءُ دگرانی پیسلہ ءُ شورانی  نہ منگ ءِ  لائکی ءَ چہ کیت۔

۲۰۔منی ستک ءُ یکین ھمیش اِنت کہ مئے زندگی ءِ ھر کسہ ءُ واکیہ یک موھے کہ ما ترس ءِ بدل ءَ مھر ءَ گچین بہ کن اِیں۔

 

اوپرا ونپری

 

۱۔اِے جست ءَ مہ کن کہ تو پہ وتی ملک ءَ چی کت کن ئے۔اِے جست ءَ بہ کن کہ سُبارگ چی اَنت۔

۲۔ھدّ ءُ سیمسرانی  نہ  بیگ اِزم ءِ دژمن اِنت۔

۳۔ما ایوک ءَ ودی بئیں، ایوک ءَ زند گوازین اِیں، ایوک ءَ مر اِیں۔ ما تھنا  وتی مھر ءُ دوستی ءِ سبب ءَ ھمے سھت ءُ دمان ءَ اِے نیمون ءُ پریب ءَ جوڑ کن اِیں کہ ما تھنا نہ اِیں۔

۴۔تو اگاں وشّ ءُ شرّیں آسرے لوٹ ئے، گڑا ھتمن اِے گپ ءَ گوں بندوک اِنت کہ تو وتی کسہ ءَ کجا ءَ دارئے ءُ آسر کن ئے۔

۵۔من ءَ وھد ءِ ھمرائی ءِ ھیال ءِ سر ءَسک ءَ زھر کیت۔منی ھیال ءَ یک ازمکارے ءَ چہ وتی وھد ءَ گستا ءُ دور بیگ لوٹ اِیت۔

۶۔یک ندکارے ءَ ندے لوٹ اِیت، یک ازمکارے ءَ بروشے لوٹ اِیت بلے یک تامر ساچے ءَ یک لشکرے لوٹ اِیت۔

۷۔پیری ھما  ایوکیں نادراھی اِنت کہ چرآئی ءَ تو دراہ بیگ نہ لوٹ ئے۔

 

اورسن ویلس

 

۱۔اگاں ما دراھیناں اِے گمان ءِ سر ءَ کار کتیں کہ ھرچی راست منّگ بیتگ آپھک ءَ راست اِنت گڑا دیمروئی ءِ تُشے امیت بیتگ اَت۔

۲۔اراں اِے بھمانگی گپے نہ اِنت کہ اِے سجھیں راز ءُ اسرار سالانی سال ایر بیتگ اَنت داں کہ ما ایشاں در بہ جن ءُ بہ پول اِیں۔

 

اورویل رائیٹ

 

۱۔وت وتی جند بہ ئے، دگہ ھرکس چہ  پیسر ءَ زیرگ بیتگ۔

۲۔من سکیں شیواریں مردمے آں کہ برے برے من وتی گشتگیں یک لبزے اوں سرپد نہ باں۔

۳۔وتی دژمناں مدام پھل بہ کن،ھِچّ چیزّ آھاں چو پریشان ءُ سربتگ نہ کنت۔

۴۔ما دراہ گٹر ءِ تہ ءَ اِیں بلے مئےتھا لھتیں مردم اِستاراں چارگ ءَ اَنت۔

۵۔ماں دنیا ءَ زندگی کنگ جوان ءُ بے بھائیں چیز اِنت ۔گیشتر مردم ھست ءُ وجود دار اَنت، گپّ بس ھمیش اِنت۔

۶۔ھرچی کہ تو وتی دزھورکیں وھد ءَ وانگ گچین کن ئے، تو ھما مردم جوڑ بئے۔

۷-اگاں کسے کتابے ءِ باربار وانگ ءَ وشنود بیت کت نہ کنت ءُ دوست ئِے نہ بیت، گڑا آ کتاب ءِ وانگ ءَ آئی ءَ را ھچّ پائدگ ءُ نپ نہ رس اِیت۔

۸-زَگر ءُ سادگیں راستی کزا زَگر ءُ ھجبر سادگ نہ بیت۔

۹-ھر مردمے کہ وتی ازباب ءُ متاھانی پابند بیت، آ َ ھیال ءُ جیڑگ ءِ کمی ءِ آماچ بیت۔

۱۰-گیشتر مردم دگہ مردم اَنت۔ آھانی ھیال ءُ لیکہ دگہ مردمانی ھیال ءُ لیکہ اَنت، آھانی زندگی یک گیگانے، آھانی جوزگ یک گُشتنے۔

۱۱-ھما کتاب کہ دنیا  ھراب ءُبے ادب اِش گوش اِیت ھما کتاب اَنت کہ دنیا ءَ آئی ءِ جند ءِ لجّ ءُ شرم ءَ پیش دار اَنت۔

۱۲من اینچو جوان نہ آں کہ درستیں چیزاں بہ زان آں۔

۱۳۔یک شّریں دوستے ترا مدام دیم ءَ کارچ ءُ کنجر جنت۔

۱۴-زالبول پہ  پھمگ ءَ  نا مھر کنگ ءَ ودی کنگ بیتگ  اَنت۔

۱۵-تو مدام من ءَ را دوست دارئے۔ من تئی دیم ءَ وتی درستیں کنشاں  پیش کناں کہ تئی تہ  ءَآھانی کنگ ءِ ھمت نہ  بیتگ۔

۱۶-کسے ءِ  پہ نیمونے مرگ آئی ءَ را ھک ءُ راست پدر کت نہ کنت۔

۱۷-دل پروشگ ءِ ھاتر ءَ جوڑ کنگ بیتگ۔

۱۸-کُتہ کاری ایوک ءَ نام ِنت کہ مردم وتی ردیاں دے اَنت ئِے۔

۱۹-بے باوریں مردم ھما اِنت کہ آ ھرچیز ءِ نِھاد ءَ زانت ءُ ھِچّ چیز ءِ بستار ءُ ارزشت ءَ نہ زانت۔

۲۰-مردم  دیم  پہ دیم ءُ تچک ءَ وت ءَ اسل پدر نہ کنت، آئی ءَ پوش ءُ دبوکھے بہ دئے، آ ترا راستی ءَ گُش اِیت۔

۲۱-زانت ءُ زانشت یک ستاکرزیں چیزے، بلے اِے گپ مدام یات کنگی اِنت کہ ھما چیز زانگ کرز اِیت، آ وانینگ نہ بیت۔

۲۲-من وتی رودپتر ءَ ابیدھجبر سپر نہ کن آں۔ مردم ءِ کر ءَ باید اِنت پرمارشت ءُ پر جوزگیں چیزے پہ وانگ ءَ بہ بیت وھدے کہ آ ریل ءِ سر ءَ سپر کنت۔

۲۳-کجام مھر کتگیں مردم نیزگار اِنت؟

۲۴-من ءَ وتی  مجگ ءِ سوھوی ءُ زانتکار ی ءَ ابید ھچ چیز پدر کنگ ءُ درانگازکنگی نہ اِنت۔

۲۵-ھِچ شریں کار پہ بے ڈنڈ ءُ شزا نہ بیت۔

۲۶-مھر ءِ اسل جوھر ءُ بنزہ  نہ زانگ ءُ موجری  اِنت۔

۲۷-وتی مھر کنگ مجتی مھر ءُ دوستی ءِ بندات اِنت۔

 

آسکر وائلڈ

 

۱-اِے یک بنکی گپّے  سرپد بیگ لوٹ اِیت کہ:اَنا (مند) باید اِنت چُنبال ءَ بئیت اِنت، مھکم ءُ توانا بہ بیت، اِے سلامتی ءُ شری ءِ جاہ  ءَ سر بہ بیت تھنا ھما وھد ءَ    تو ایشی ءَ را ھلاس کت کن ئے۔

۲-رودراتک ءَ دراھیں  نیکراہ بے انائی ءِ (Egolessness)کلوہ ءُ پیگام ء َ دے اَنت۔ پمیشکا رودراتک ءَ ھرکسے چہ بندات ءَ انا (مند) ءِ بگیر ءَ اِنت۔

۳-ھردیں کہ یک روبرکتی شوھازکارے اِے پھم اِیت کہ انا (Ego) جیڑہ ءِ بنیاد اِنت، آ ایشی ءَ را آسانی ءِ گون ءَ چہ رودراتکی  شوھازکارے ءَ گیش ھلاس کت کنت۔

۴-تئی اندری دنیا ءِ وتی  چاڑ ءُ کیپے، وتی بوہ ءُ باسے، وتی رُژن ءُ آسے ءُ آ بیرگ ءَ بے توار ءُ ھاموش اِنت۔

۵-جُھل ھیال ءُ پگر کنگ(Meditation) پتو آزگ سمائی کار اِیت، گوں دنیا ءَ سیالی ءِ یک مزنیں سنچ ءُ سمایے کار اِیت۔اِے مئے دنیا اِنت- استار مئیگ اَنت ءُ ما اِد ءَ درآمد نہ اِیں۔ ما ایشی ءِ بھر اِیں، ما ایشی ءِ دل اِیں۔ھمے آزگی ءُ سنگینی  پتو  نوکیں دوستی  ودی کنت-دوستی گوں ، درچکاں،مرگاں، گوں ساھدار ءُ دلوتاں، گوں کوہ  ءُ کوراں، گوں دریا ءُ استاراں۔ امینچو کہ مھر گیشتر  بیت ءُ ودّ اِیت، زندگی ازگار ءُ  جوان تر بیان بیت۔

۶-تو اگاں  ھیال ءُ پگر کن ئے(Meditate)، تو آسر ءَ مھر ءِ در ءَ کائے ءُ سر بئے۔تو اگاں جُھل تِر ھیال ءُ پگر بہ کن ئے،  تو وتی اندر ءَ ودی بیوکیں مزنیں مھرے ءِ مارگ ءَ بندات کن ئے کہ تو پیسر ءَ  ھجبرنہ زانتگ۔

۷-ترا ھما مھر لوٹ اِیت  چہ  پگر ءُ اِنان ءَ ودی بیتگ آ مھر اِنّاں کہ چہ مجگ ءُ سسا ءَ ودی بیتگ۔

۸-کسے جوڑ بیگ ءِ ھیال ءَ یل بہ دئے پرچا کہ تو چہ ساری ءَ یک شاھکارےئے۔ تو گھتر بیت کت نہ کن ئے۔ ترا بس ھمے راستی ءَ آیگ ءُ سر بیگی اِنت، زانگی اِنت، مارگی اِنت۔

۹-گواچن دوست ءُ راستی دوستے بہ بئے: کرامتے بہ ساز۔

۱۰-منی پگر ءُ ھیال کنگ سادگ اِنت۔ پریشی ءَ ھِچ گرانیں کار ءُ کنشے درکار نہ اِنت۔ اِے سادگ اِنت۔ سوت جنگ ءُ سھبت کنگ اِنت، ھاموش ءُ بے برمش نندگ اِنت۔

۱۱-ھِچّ مردم ءَ اِے ھاٹیگ ءُ زور مان نیست کہ دوگام پجّیگ ءَ جت بہ کنت؛تو یک وھدے تھنا یک گامے جت کت کن ئے۔

۱۲-ھستانک ءِ تہ ءَ ساچشتکاری مستریں پساد ءُ سرکشی اِنت۔

۱۳-تو وتی کوھنیں دوست ءُ ھمبل ءَ   باھینگ نہ لوٹ ئے-بزاں باز بزگی ءُ واری ءَ- ردیں کار ءُ شناس ءِ تہ ءَ تو سک باز  جکانسری ءُ تکانسری کش اِتگ- بزاں پدر ءُ سھرا بیگ ءِ تُرس، راست ءُ تچک بیگ ءِ تُرس-وتی اسل ءُ بند ری دروشم  ءَ بیگ  ءِ تُرس کہ تواسل ءَ ھست ئے۔

۱۴-تو اگاں پِت یا ماتے ئے گڑا پہ وتی زھگ ءَ ناشُناس ءُ نا آشنائیں کِشک ءُ راھانی دروازگاں پچ بہ کن دانکہ آ  بہ پول اِیت ءُ بہ شوھاز اِیت۔چہ درنہ جتگ ءُ نزانتگیں راہ ءُ کِشکاں آئی ءَ مہ تُرسین، آئی ءِ ھمکوپگ ءُ باسک بہ  بئے۔

۱۵-پہ شوھازگ ءُ پولگ ءَ مردمے  ءَ بس کمے شیوار بیگی اِنت : زند گی بندر ءَ یک  مزنیں کازماسی کندگے۔

۱۶-جست باز دربرگ ءِ بابت ءَ نہ اِنت بلکیں جست باز شموشگ ءُ پراموش کنگ ءِ  بابت ءَ اِنت۔

اوشو

۱-منی مات ءَ من ءَ گُشتگ، 'تو اگاں یک سپاھیگے ئے، گڑا تو یک روچے یک جنرلے جوڑ بئے۔تو اگاں یک درویشے ئے گڑا تو یک روچے  مزنیں پادری یے (Pope)جوڑ بئے'۔ بلے من یک اکسکارءُ نکشکارےبیتگ آں ، پمیشکا پکاسو جوڑ بیتگ آں۔

۲-کمپیوٹر بے پائدگ اَنت، آ بس ترا پسو دات کت کن اَنت۔

۳-من چیز ءُ ازبابانی نکش کشی ءُ اکس کشی ءَ  ھما وھد ءَکن آں وھدے کہ من آھاں جیڑآں نئیکہ ھما وھد ءَ کہ من اِش گندآں-

۴-کار ءُ کنش  درستیں سوبمندیانی بنکی کلیت اِنت۔

۵-اِزم ھمروچیگیں زند ءِ ھاک ءُ دنزاں چہ ارواہ ءَ دیر کنت۔

۶-ما درست زان اِیں کہ ازم راستی نہ اِنت۔اِزم ھما دروگ اِنت کہ مارا راستی ءِ مارشت ءُ سما ءَ دنت۔

۷-ھر یک چُکے ازمکارے۔جیڑہ ھمیش اِنت کہ یک برے ما مزن بئیں چتور وت ءَ را ازمکار بہ دار اِیں ۔

۹-جوان بیگ ءَ مزنیں وھدے پکار اِنت۔

۱۰-رنگ چو دروشم ءُ گوناپ ءَ جزبگانی  بدلی ءِ رندگیری ءَ کن  اَنت۔

۱۱-ساچگ ءُ جوڑکنگ ءِ  کار اول سر ءَ پروشگ ءُ تباہ کنگ ءِ کار اِنت۔

۱۲-من گوں بازیں زر ءُ کلداراں چو گریبیں مرد ءَزند گوازینگ لوٹ آں۔

۱۳-دگرانی گیگان گرگ ھژدری اِنت بلے وتی گیگان گرگ دلسوچی ءُ دلگیری اِنت۔

۱۴-ھرچیز ءَ را کہ تو ھیال ءُ جیڑ اِت کت کن ئے، آ راست ءُ گواچن اِنت۔

۱۵-دگراں دیست کہ چی یے ءُ جست اِش کت پرچا۔ من دیست چی بیت کت کنت ءُ جست کت پرچا مہ بیت۔

۱۶-ھژدری کاراں ساری ءَ  پیلو ءُ سرجم بہ کن بے ارزشت ءُ کم ارزشتیں کاراں تری ماٹو بہ کن۔

۱۷-من مدام ھما  کار ءَ کنگ ءَ آں کہ من کت ئِے نہ کن آں دانکہ من در بہ بر آں کہ اِے کار چتور کنگ بیت۔

۱۸-کار بہ کن ھُل ءُ جوزہ  وت ترا شوھاز اِیت۔

۱۹-جنین تھنا دو داب ءِ ھست: یک مڑاھداریں بانک دومی  پاد ءِ چیر ءِ پازوار۔

پابلو پکاسو

۱-بے تُرسی وتی  ءُ ھداوند ءِ سر ءَسِتک ءِ برورد اِنت۔

۲-ابابت  ءِ مانا تھنا  ھُداند ءِ توسیپ ءُ ستا ، آئی ءِ شان ءِ درشان کنگ نہ اِنت نئیکہ پہ آئی ءَ روچگ دارگ ءُ ھیرات کنگ اِنت۔ابابت زندگی ءُ ھستانک ءِ نیمگ ءَ یک ھاسیں روشتے ءِ نام اِنت۔

۳-ابابت یک چاگردی زور ءُ تاکتے۔

۴-ھُداوند پہ  تئی ھاتر ءَ کار نہ کنت بلکیں گوں تو کار کنت۔

۵-کار بید ءزانت ءُ زانشت ءَ،   زانشت بید ء کار ءِ کالب ءُ گوناپ ءِ زیرگ ءَ بے سیت اَنت دوئیں وھد ءِ چکاس ءَ داشت کت نہ کن اَنت۔

۶-زانت، کار ءُ کنش، ابابت یک دگر ءِ سرجم کنوکیں بھر اَنت۔

۷-زندگی ءِ گون ءَ تھنا ھما مردم مھر کنت کہ آ  اڑ ، جیڑہ ءُ جنجالاں منّ اِیت۔

۸-راستی ءِ زور ءُ توان مھر ءِ تہ ءَ اِنت ءُ مھر ءِ زور ءُ توان راستی ءِ تہ ءَ اِنت۔

۹-درستاں چہ مستریں روشت منتواری ءِ روشت اِنت۔

۱۰-بنی آدم ءِ دیمروئی مجگ ءُ زانت ءِ دیمروئی اِنت۔

۱۱-ھما مردم کہ نہ دیستگین ءَ  گند اَنت آ نہ بیتگین ءَ کت کن اَنت۔

پانڈورنگ شاستری آتھاولے

 

سرشون:

Brilliant Quotes – An App from Google Play Store