آزمانکک: برابری

نبشتہ کار: کدوس سھبائی
رجانکار: اُزیر مھرؔ

 یک مزنیں ماهیگے ءَ لوٹ اِت کہ کسانیں ماهیگے ءَ بہ پِلکّ اِیت، کسانیں ماهیگ ءَ زھرشانی درشان کُت ءُ برابری ءِ راهبند پیش کنان ءَ درّاینت ئِے کہ:

 "مزنیں ماهیگ ءَ چُشیں هِچّ هک نیست کہ آ کسانیں ماهیگاں وتی وراک جوڑ بکنت"- مزنیں ماهیگ ءَ گْوشت: "من ءَ وڑے ناں وڑے ءَ وتی لاپ والینگی اِنت ءُ منی لاپ مزنیں لاپے، تو منی وراک ئے من اے باوست ءِ گپچل ءَ کپگ نہ لوٹ آں کہ

برابری ءِ راهبند زند ءِ راستیں راهبندے- اگاں تو مِرگ نہ لوٹ ئے گڑا من ءَ بہ کُش---------- بیا ! من ءَ پِلکّ------! "- 

کسانیں ماهیگ بے بْرمش بوت، آئی ءِ کِرّ ءَ هچ پسو نیست اَت بلے آئی ءَ یک جهدے کنَگ لوٹ اِت، آئی ءَ لوٹ اِت یا وَ آ مزنیں ماهیگ ءَ بہ پِلکّ اِیت یا بہ کُش اِیت ئِے، دوئیں جهد ناسوب بوت اَنت، گوں دل ایکیم بوگ ءَ آئی ءَ مزنیں ماهیگ رزا دات کہ آئی ءَ بہ پلکّ اِیت------------- ءُ مزنیں ماهیگ ءَ کسانیں ماهیگ پِلکّ اِت-

 " برابری زندگ بات"-

 سرشون: آزمانک نمبر: 1- (مساوات) نئے خاکے (افسانے) نبشتہ کار: قدوس صہبائی تاکدیم: 9