آزمانک: مارشت
رجانکار:
اُزیر مھر
نبشتہ کار: کدوس سھبائی
بدرُو، بد شِکل ءُ
تگارلاپیں جاگیردار چہ باگ ءَ گِستا یک کنِکّے ءَ پچیں چاپڑہ ءِ چیر ءَ گوں بوپ ءُ
بالشتاں تِکو اَت ءُ چِلیمّ کَشّگ ءَ اَت۔
لھتے گامانی دوری ءَ
یک پیرزالے کہ آئی ءِ بدن ءِ سر ءَ گردو پوش اِتگ اَت۔۔۔۔۔۔۔۔۔۔۔۔ ءُ آئی ءِ دیم
گُژن، پیری ءُ بگندئے مِرگی درا بُوگ ءَ اَت۔۔۔۔۔۔۔۔ کپتگ ءُ ساہ دیگ ءَ اَت۔
وھدے کہ جاگیردار ءِ
چمّ آئی ءَ کپت اَنت گڑا دھکان کار کالو توار جنَگ ءُ لوٹائینگ بوت۔
” ھاں، بگْوش باریں
!“
” اِے بدشِکل چتور
باگ ءِ تہ ءَ آتکگ؟“
” من نہ زان آں۔“
” شَرّ اِنت، ایشی ءَ
چِداں کَشّ۔“
” جی واجہ۔“
” زیت کن۔“
نوجوانیں دھکان کار
آئی ءِ نیمگ ءَ جُنز اِت۔ چِلّ ءُ لیگار ءُ بدبوءَ چکاریں پیرزال ءِ کِرّ ءَ رس
اِت کہ آ ساھکندن یا گُژن ءِ سبب ءَ بے ھوش ءُ بے سار اَت۔
” اڑے ! اِے وَ مِرگی
اِنت “۔۔۔۔۔۔۔۔۔۔۔۔۔۔۔۔۔۔۔۔۔ آئی ءَ ھاموشی ءَ گوں وت جَوڑ اِت ۔
پد ءَ انچو ھاموش بوت
ءُ اوشتات گُشئے زاناں سیاھیں سِنگ ءِ بُتے اَت۔
” چے کنَگ ءَ ئے
ھرامزادگیں کالو !
ایشی ءَ کَشّ اِت نہ
کن ئے۔۔۔۔۔۔۔۔۔۔۔۔۔۔۔۔“
کالو ءَ پیرزال کوپگ
دیان ءَ چست کُت ءُ چہ باگ ءَ درکپت۔
شپ ءِ ادار دو ءَ
پیرزال کالو ءِ کوٹی ءِ تہ ءَ گندلانی سر ءَ نِشتگ اَت ءُ چاریں
آتراپاں روک روک ءَ چارگ ءَ اَت ءُ کالو ءِ لوگبانک ءَ آئی ءِ دیم ءَ گلاسے شیر
گون اَت ءُ اوشتاتگ اَت۔
سرشون:
آزمانک ءِ نام: احساس
کتاب ءِ نام : نئے خاکے
نبشتہ کار: قدوس صہبائی
تاکدیم: 12۔13
0 Comments