مئے راه ءِ سـر ءِ گَٹّ ءُ گَر

                    

      

                                                                                                                                            رجانکار: اُزیر مِھر 

کِسّہ کن اَنت کہ یک باز ازگارین ءُ شیواریں بادشاهے هست اَت- یک روچے بادشاه ءَ دگ ءِ میانجی ءَ مزنیں گولیں سِنگے تیلانک دیان ءَ آؤرت ءُ ایر کُت، پد ءَ آ وت نزّیک گْور ءَ جاگهے ءَ چیر بوت همے چار اِت ئِے کہ باریں کَے اے مزنیں سِنگ ءَ چہ دگ ءَ یک کِرّ ءَ کنگ ءِ جهد ءَ کنت-

اولی مردم کہ چہ آ دگ ءَ گْوزوک اِت اَنت آ بادشاه ءِ دربار ءِ سیر تِریں باپاری ءُ درباری اِت اَنت، سِنگ ءِ سُرینگ ءُ راه ءَ چہ دور کنگ ءِ بدل ءَ آیاں وتی راه گِپت ءُ گْوست اَنت، آیانی تہ ءَ لهتے ءَ دگانی شرّی سر ءَ جوڑ نہ کنگ ءُ نہ ساٹگ ءِ سبب ءَ بادشاه میاریگ ءُ ملامت کُت، آیانی تہ ءَ کسّ ءَ توکّل نہ بوت کہ مزنیں 

سِنگ ءَ چہ راه ءِ سر ءَ دیر بہ کنت-

گُڈسر ءَ یک جٹّیں دهکان کارے اوں چہ همے راه ءَ گْوزگ ءَ اَت- آئی ءِ دست چہ سبزی ءَ پُرّ اِت اَنت-

وهدے کہ آ سِنگ ءِ نزّیک ءَ رس اِت، آ دگرانی وڑ ءَ دیم پہ وتی راه ءَ رهادگ بوگ ءِ بدل ءَ دهکان ءَ وتی اُرد ءُ سامان جهل ءَ ایر کُت اَنت ءُ سِنگ دگ ءِ آ دست ءَ برگ ءِ هاتر ءَ سُرینگ ءِ جهدئِے کُت، دهکان ءَ اے 

کار کنگ ءَ باز زور ءُ زِکت جت بلے گُڈسر ءَ سوبین بوت-

دهکان ءَ وتی اُرد ءُ سامان یکجاه کُت اَنت ءُ دیم پہ وتی راه ءِ روَگ ءَ ساجو اَت کہ اناگت ءَ دیست ئِے کہ همود ءَ مزنیں گولیں سِنگ ایربوتگ بٹوایے راه ءِ سر ءَ کپتگ-

دهکان ءَ بٹوا پچ کُت، بٹوا اشرپی ءَ پُرّ اَت ءُ یک کاگدے چہ بادشاه ءِ نیمگ ءَ مان اَت ئِے- بادشاه ءِ نبشتگیں کاگد ءِ سر ءَ نبشتہ اَت کہ اے بکشش ترا مزنیں سِنگ چہ دگ ءَ دیر کنگ ءِ سبب ءَ بادشاه ءِ نیمگ ءَ دَیَگ 

بیتگ-

♢ بادشاه ءَ دهکان ء‍َ را اِے پیش داشت کہ مئے تہ ءَ گیشتر مردم هجبر نزانت ⇩‌:

" هر یک اڑ ءُ جنجالے مارا موه دنت کہ ما وتی جاورهال ءَ شرتِر بکن ایں"۔

سرشون:

"The Obstacle In Our Path".

Compiled book name

Motivational stories

(Source:Internet)