آ بانز ءَ بال کُت - رجانکار: اُزیر مهر

یک رندے ءِ گپّ اِنت کہ یک بادشاهے ءَ دو بانز ماں ٹیکی ءَ رس اِت. آئی ءَ هجبر اِے پیمیں ڈولداریں مُرگ نہ دیستگ اَت. بادشاه ءَ دوئیں مُرگ وتی کاردار ءَ دات اَنت کہ آ آیانی هیالداری بکنت ءُ بہ ساٹ اِیت اِش. 

یک روچے کاردار ءَ بادشاه ءَ را هال دات کہ یک مُرگے سکّ باز بُرز ءَ بال کنت ءُ دومی مُرگ هما اِنت کہ آتکگ شاه ءِ سر ءَ چہ نہ سُر اِیت نَے بال کَنَگ ءِ نام ءَ زانت. بادشاه ءَ ملک ءِ دْراهیں تبیب ءُ جادوگِر لوٹائینت اَنت بلے کسّی ءَ هم آ بال دات نہ کُت. بادشاه ءَ وتی وزیرانی دیم ءَ همے جیڑه درشان کُت. بادشاه ءَ یک انچیں مردمے ءِ لوٹائینگ ءِ شَور کُت کہ آ ابرم ءَ گوں جُهلانکی ءَ واهگ دار بہ بیت.

 بادشاه ءَ وتی وزیر هُکم دات اَنت کہ یک انچیں مردمے ءَ شوهاز اِت ءُ بْیار اِت کہ آئی ءَ وتی گیشتِریں وهد ماں جنگلاں گْوازینتگ. دومی روچ ءَ وهدے کہ بادشاه ءَ بانز بادگیر ءِ باگانی تـھ ءَ بال کَنَگ ءَ دیست بهمانگ بوت. بادشاه ءَ آ مرد لوٹائینت 
کہ همائی ءَ بانز بال داتگ اَت. آ مرد بادشاه ءِ دیم ءَ آرگ بوت، بادشاه ءَ جُست کُت 

تو بانز چتور بال داتگ ؟. آئی ءَ بچکند اِت ءُ درّائینت من آ شاه بُراِتگ همائی ءِ سر ءَ بانز نشت ءَ بوتگ.

درونـت: دیم ءَ رَوَگ ءِ نیمّون باز هست بلے ما دیم ءَ روَگ ءِ جهد نہ کن ایں. ما وتی آسیدگی ءَ چہ یک گامے درنیا ایں نوکیں چکّاس ءُ نوکیں کُتہ کاری زند ءِ تـھ ءَ دیم ءَ روَگ ءِ سبب جوڑ بنت. چکّاسانی دیم ءَ چو مهکمیں کلات ءَ اوشت همے سوبمندی ءِ ایوکیں راه اِنت. هما روچ ءَ کہ ما وت ءَ پجّا کار ایں آ روچ ءَ مارا کسّ پجّا آرگ نہ لوٹ اِیت.