دروگ تاوان دنت

رجانکار: اُزیر مھرؔ

کِسّہ کن اَنت کہ یک شوانگے ھست اَت۔ آئی ءَ ھر روچ میھڑ ءِ ھیال دارگی اَت ءُ آھانی پانک جنگی اَت۔ یک روچے آ بے زار ءُ تکانسُر بوت ءُ ھمے سَوَڑگ ئِے کُت کہ گوں میتگ ءِ مردماں رِپک ءُ ھُنرے کن آں۔ آئی ءَ کُوکّار کُت:

" گُرکے آتکگ، گُرکے آتکگ!"

" او بازار ءِ مردماں منی کُمک بہ کن اِت، منی میھڑ ءَ چہ گُرک ءَ رکّین اِت!"

میتگ ءِ مردماں آئی ءِ جاک ءِ توار اِش کُت ءُ دْرک بندان ءَ شوانگ ءِ کُمک ءُ مدت ءَ شُت اَنت۔ وھدے کہ مردم آئی ءِ گْور ءَ رس اِت اَنت گڑا جُست اِش کُت کہ:

" گُرک کُج اِنت؟ "

شوانگ ءَ گوں بُرزیں تورے ءَ کَند اِت:

"  ! ھا، ھا، ھا ! من شمارا دْراھیناں ریپّینتگ ءُ گوں شما تھنا مسکرایے کُتگ"

چندیں روچاں پد، شوانگیں بچک ءَ پد ءَ وتی مسکرا بازی بندات کُت۔

:آئی ءَ پد ءَ جاک ءُ سلوات کُت

" 

گُرکے آتکگ، گُرکے آتکگ، منی کُمک بہ کن اِت!" "

میتگ ءِ مردم آئی ءِ کُمک ءِ ھاتر ءَ پد ءَ دیم پہ بُرزگیں کوہ ءَ شُت اَنت ءُ آ سھیگ بوت اَنت کہ بچک ءَ مارا پد ءَ رَد داتگ۔ اِے ناشِری ءِ سبب ءَ آ بچک ءِ سر ءَ سَکّ زھر گِپت اَنت۔ پد ءَ لھتیں وھد ءِ گْوزگ ءَ پد چراگجاہ ءَ یک گُرکے آتک۔ گُرک ءَ یک میشے ءِ سر ءَ بیڑ آورت ءُ کبُند کُت ءُ پد ءَ دگہ یکے ءِ سر ءَ اُرش ئِے کُت ھمے پیم ءَ دْراھیں میش ئِے وتی ارجان کُت اَنت۔ شوانگ کُوکّار ءُ واھی کنان ءَ دیم پہ میتگ ءَ جِست۔

" کسے منی کُمک بہ کنت او میتگ ءِ مردماں ! منی کُمک بہ کن اِت ! گُرکے آتکگ، منی کُمک بہ کن اِت"

میتگ مردماں آئی ءِ جاک ءُ سلوات وَ اِش کُت اَنت بلے آھاں بچک ءِ سر ءَ کند اِت ءُ کلاگ گِپت پرچا کہ آھانی ھیال ءَ اِے آئی ءِ یک دگہ نوکیں رِپک ءُ ھُنرے۔ بچک مُچّی ءُ میڑی ءِ تہ ءَ میتگ ءِ یک مردمے ءِ نزّیک گْور ءَ شُت ءُ درّائینت ئِے:

" یک گُرکے ءَ منی میشانی سر ءَ اُرش کُتگ۔ من پیسر ءَ وَ دْروگ بستگ بلے اِے رندی من راست گْوشگ ءَ آں۔"

گُڈّسر ءَ میتگ ءِ مردماں آئی ءِ اِے گپّ مَنّ اِت ءُ ھما جاہ ءَ چارگ ءَ شُت اَنت۔ اِے رندی مُردنی راست گْوشتگ اَت ئِے۔ آھاں دیست کہ گُرک تچگ ءَ اَت ءُ بازیں مُرتگیں میشے ملگُزار ءِ سر ءَ پتار اِت اَنت۔

درونت:

ھر مردمے کہ ھر وھد ءَ دْروگ بند اِیت بیت کنت ما آئی ءِ سر ءَ باور مہ کن اِيں توری بِلّے آ مردم راست گْوش اِیت۔

سَرشون:

The Boy Who Cried ‘Wolf’

From the book 100 Moral Stories

Compiled by: Akramulla Syed

   http://www.islamicoccasions.com