جھان ءَ بدل مہ کن

 

رجانکار: اُزیر مھرؔ

 

یک وھدے ءِ گپّ اِنت کہ یک بادشاھے ماں وژھال ءُ آسودگیں مُلکے ءَ واجھی کنگ ءَ اَت۔ یک روچے آ پہ سیل ءُ سواد ءِ ھاتر ءَ وتی مُلک ءِ دوریں ھند ءُ جاھے ءَ شُت۔ وھدے کہ آئی ءَ وتی شاھی کلات ءَ واتر کُت گڑا آئی ءَ ھمے گِلگ کُت کہ منی پاد زھمیگ اَنت پرچا کہ اِے اولی رند بیتگ بادشاہ اینچک دْراجیں سات ءُ سپرے ءِ ھاتر ءَ درآتکگ ءُ چہ ھما دگ ءَ بادشاہ گْوستگ آ یک سِنگ ءُ ڈل ءِ چوٹیں دگے بیتگ۔ آئی ءَ پد ءَ وتی کاردار پرمان دات اَنت کہ مُلک ءِ ھر یک دگے ءَ گوں پوست ءَ مان پوش اِت۔

 

پہ اِے کار ءِ کنگ ءَ ھتمن ھزاراں گوکی پوست درکار اَت ءُ مزنیں کساسے ءَ زر ھرچ بیتگ اَت۔ گڑا بادشاہ ءِ دانائیں ءُ شیوّاریں وزیراں چہ یکے ءَ بادشاہ ءِ گْوشگ ءِ ھمّت کُت:

 

" پرچا مُپت ءَ بے پائدگ ءَ اینچک زر ھرچ کن ئے؟ تو پرچا پوست ءِ ٹُکُّرے کپّ نہ کن ئے ءُ وتی پاداں نہ پوش ئے؟ "

 

بادشاہ اجکّہ بوت بلے رند ءَ گوں وزیر ءِ شَور ءَ تپاک ئِے کُت کہ پہ وت ءَ جُتکے کَوش جوڑ بہ کنت۔  

 

 

درونت: پہ اِے دنیا ءَ زند گْوازینگ ءِ ھاتر ءَ گُلباگ جوڑ کنگ ءِ واستا گھتر ھمیش اِنت تو وت ءَ بدل بہ کن وتی دل ءَ بدل بہ کن جھان ءَ بدل مہ کن جھان وت بدل بیت۔

 

سَرشون:

Don’t change the world

From the book 100 Moral Stories

Compiled by: Akramulla Syed

   http://www.islamicoccasions.com