شیر ءَ چکاریں تلَاوگ

 

 

رجانکار: اُزیر مھرؔ

 

یک رندے یک بادشاھے ءَ ھمے شَور کُت کہ وتی لھتیں کارندھاں گْوشت ئِے کہ یک تلاوَگے ءِ ھاتر ءَ کَڈّے گْوج اِت۔ وھدے کہ آھاں کڈّ گْوتک، گڑا بادشاہ ءَ وتی اُلسّ ءِ دیم ءَ جار پِرّینان ءَ درّائینت کہ:

 

 "چہ شما ھر یک مردمے چہ وتی لوگ ءَ شپ ءَ گلاسے شیر بیار اِیت ءُ اِے تلاوگ ءِ تہ ءَ مان بہ ریچ اِیت دانکہ تاں سُھب ءَ اِے تلاوگ شیر ءَ سرّیچ بہ بیت۔"  

 

اِے پرمان ءِ گْوشدارگ ءَ پد ھر یک مردمے دیم پہ وتی لوگ ءَ شُت۔ شپ کہ بوت گڑا یک مردے ءَ وتی دل ءَ ھمے سَوَڑگ کُت کہ ھر یک مردمے کہ شیر کار اِیت گڑا من چیرکائی تھنا گلاسے آپ بر آں ءُ تلاوگ ءِ تہ ءَ مان ریچ آں پرچا کہ شپ سیاہ تھار بیت ءُ کسّ اِے نیمگ ءَ اِنان ءَ گْور نہ کنت۔

 

گڑا آ زیتّ شُت ءُ آپ ئِے ماں تلاوگ ءَ مان ریتک اَنت ءُ واتر بوت۔ سھب ءَ وھدے کہ بادشاہ تلاوگ ءِ چارگ ءَ آتک تہ آ بھمانگ بوت پرچا کہ سرجمیں تلاوگ آپ ءَ چکار اَت۔

  درونت: مئے تہ ءَ ھر یک مردمے دومی مردم ءِ پیم ءَ ھمے ھیال کنت کہ من ءَ شیر مان ریچگ نہ لوٹ اِیت من ءَ اِے شَرّی ءِ گام چِست کنگ نہ لوٹ اِیت بِلّے دگرے کیت ءُ اِے کار ءَ کنت۔ پمیشکا مئے تلاوگانی تہ ءَ مُجّتی آپ مان اِیت بلے شیر بِھ نہ مان اِیت۔

 

سَرشون:

A Pond Full of Milk

From the book 100 Moral Stories

Compiled by: Akramulla Syed

   http://www.islamicoccasions.com