الماسیں تْران

۱۔ اگاں ما بُندر ءَ مھر کنگ لوٹ اِیں گڑا مارا پھل کنگ ھیل گِرگ لوٹ اِیت۔

مادر ٹیریسا

۲۔ یات بِدار کہ بید ء تئی رزا ءُ منشا ءَ کسّ ترا جھل جت نہ کنت۔

ایلینر روزیویلٹ

۳۔ کِردار ھمیشی ءَ گْوش اَنت کہ ھما مردم پتّو ھِچّ کُت نہ کن آں تو گوں آھاں چوں پیش کائے۔

۴۔ اگاں ما ھر ھما کار کُتگ اَنت کہ آھانی کنگ ءِ بود ءُ ھاٹیگ مارا مان بیتگ گڑا اسل ءَ ما وت ءَ را اجکّہ کُتگ۔

تھامس ایڈیسن

۵۔ وھدے کہ تو دگرانی گْور ءَ ھو کن ئے گڑا اِے گپّ ءَ ھم پکّا بہ کن کہ تو وت ءَ را ناں نہ گْوشگ ءَ ئے۔

۶۔ ھر یک مردمے ھما دْراھیں شَرّیانی کسوروار اِنت کہ آئی ءَ نہ کُتگ اَنت۔

۷۔ زھر گِرگ یک انچیں تیزآپے کہ ھما درپ ءِ تہ ءَ مان اِنت آئی ءَ را گیشتر نُکس ءُ تاوان دنت چہ ھما درپاں کہ آھانی تہ ءَ مان ریچگ بیت۔

مارک ٹوئین

۸۔ چیزے ءَ دوبر بندات کنگ ءَ مہ تُرس۔ اِے یک نوکیں موھے کہ ھر ھما چیز ءَ تو بُندر ءَ لوٹ ئے آئی ءَ را پد ءَ جوڑ بہ کن۔

۹۔ ھرکارے کہ تو کن ئے اِے یک ارزشتے دار اِیت بلے پرچا تو ھمے کار ءَ کن ئے اِے گیشتر ارزشت دار اِیت۔

۱۰۔ اُمر مزنی ءِ زامن نہ اِنت۔

لوانا بلیک ویل

۱۱۔ وتی گْوست ءَ بِلّ کہ ترا گھتر جوڑ کنت نَے کہ زپت ءُ تھل۔

۱۲۔ پروش ورگ یک دربرگی کُتہ کاری یے۔ اِے ترا آجزی ھیل دنت۔ اِے ترا سیکارین اِیت کہ گیشتر جھد ءُ ھیدریچی بہ کن ءُ اِے یک تاکت وریں جزبہ دیوکے۔

یوگی بیرا

۱۳۔ کندگ، مھر کنگ دو گْرانبھائیں گْواچی اَنت پمیشکا زند ءَ گوں جوش ءُ جزبگ ءَ بہ گْوازین۔ بہ کند ءُ مھر بہ کن امینچو امینچو کہ تو ساہ زیر ئے۔

۱۴۔ برے برے ترا ھما چیز جوٹ کنگ لوٹ اِیت کہ تو ھمائی ءِ بھرے بیگ لوٹ ئے۔

جے ری وائیٹسمین

۱۵۔ تو ھما وھد ءَ گیشتر زند گْوازین ئے وھدے کہ تو یک برے اِے مارئے کہ ھر ھما وھد بے وشّی ءُ شادھی ءَ گْوازینتگ آ زیان بیتگ۔

روتھ ای۔ رینکل

  

۱۶۔ وھدے کہ ما دگراں پھل کن اِیں گڑا ما وت ءَ را پھل کن اِیں پرچا کہ ما دْراہ یکین اِیں ءُ ھمے وَشّ ءُ شِپا دیگ ءِ کار ءِ اولی گام اِنت۔

۱۷۔ راستی ءَ بہ گْوش یا دگرے کیت ءُ پہ ترا گْوش اِیت ئِے۔

اسٹیپنی کلائِن

۱۸۔ بید ء تھاری ءَ ما بِھ استاراں دیست نہ کن اِیں۔

۱۹۔ برے برے ھما کار ءِ کنگ کہ ترا سکّ باز تُرس اِیت آئی ءِ کنگ ھم کار اِنت کہ ترا چُٹّین اِیت۔ 

۲۰۔ ما ھرچی جیڑ اِیں ما ھما اِیں۔ ھرچی کہ ما ھست اِیں مئے ھیلانی سر چِست کنگ ءِ برورد اِنت۔  ما جھان ءَ گوں وتی ھیالاں جوڑ کن اِیں۔  

۲۱۔ پہ اِے کار ءَ ھجبر سکّ دیر نہ اِنت کہ تو ھما بہ بئے کہ بگندئے تو بیت کتگ اَت۔

جارج ایلیٹ

۲۲۔ اگاں تو ازگاری مارگ لوٹ ئے گڑا ھما سجّھیں ٹیکی ءُ داداں ھساب بہ کن کہ تئی گْور ءَ ھست اَنت پہ زَر بھا ءَ گِرگ نہ بنت۔

۲۳۔ تھاری ءَ بَد ءُ رَد مہ کن  ءُ لھتیں موم روک کن۔

۲۴۔ اگاں ترا چیزے دوست نہ بیت گڑا بدل ئِے کن۔ اگاں تو بدل کُت ئِے نہ کن ئے گڑا وتی رَوِشت ءَ بدل بہ کن۔

 مایا اینجلو   

۲۵۔ گوں وتی کار ءَ، وتی لبزاں ءُ وتی دوستاں دل پھک ءُ ایماندار بہ بئے۔

ھینری ڈے وِیڈ تھورو

۲۶۔ اگاں تو بال کنگ لوٹ ئے گڑا ترا ھر ھما چیز یل دیگ لوٹ اِیت کہ ترا جھل تَرّین اِیت۔

۲۷۔ دْراھیں مزنیں کارانی ھاتر ءَ وھد پکار اِنت

مایا اینجلو

۲۸۔ زند ءِ بابت ءَ دربُرتگیں ھر چیز ءَ من سَے لبزانی تہ ءَ یکپارگی گْوشت کن آں: زند جُنز اِیت۔

۲۹۔ گیشتر دُوا کن کمّ تِر پریشان بہ ئے۔

۳۰۔ اِے مھر اِنت کہ نہ بیتگیناں بیتگین کنت۔

۳۱۔ شِکست وروک ھما وھد ءَ کار ءَ یل دے اَنت وھدے کہ آ دم بر اَنت باج بروک ھما وھد ءَ کار ءَ یل کن اَنت وھدے کہ آ باج بر اَنت۔

۳۲۔ زند ءِ مانا ھمیش اِنت کہ زند ءَ مانایے دیگ بہ بیت۔  

 ۳۳۔ منّتواری وشّی ءِ بندات اِنت۔

۳۴۔ وتی امیتانی رندگیری ءَ بہ کن نَے کہ وتی تُرسانی۔

۳۵۔ تو وتی زند ءَ بِھ بدل کُت نہ کن ئے داں وھدے کہ تو یک انچیں چیزے بدل مہ کن ئے کہ آئی ءَ تو ھمروچ کن ئے۔

مائیک مرڈاک

۳۶۔ اگاں یک کارے پہ ترا مزنیں ارزشت ءُ بستارے دار اِیت تو وڑے نا وڑے ءَ آ کار ءَ سرجم کن ئے  اگاں ناں تو یک اُزر ءُ نیمونے درگیج ئے۔

۳۷۔ تھاری ءَ ابید استار دْرپش اِت نہ کن اَنت۔

۳۸۔ ھر چیز دماگ اِنت ھرچی تو جیڑئے تو جوڑ بہ ئے۔

۳۹۔ سادگی ءِ تہ ءَ زیبائی اِنت۔

۴۰۔ وتی دیمروئی ءَ گوں دگہ مردمانی دیمروئی ءَ دیم پہ دیم مہ کن ءُ مہ ٹپّاس۔ مارا دْراھیناں وتی پندانی بُرگ ءِ ھاتر ءَ وتی وھد پکار اِنت۔

۴۱۔ تئی کُرتن ءُ تئی گُشتن باید اِنت مدام گوں یک دگر ءَ ھمدپ بہ بنت۔

۴۲۔ ھر چیزے کہ تو ببا داتگ ترا دگہ چیزے رس اِتگ۔

۴۳۔ وھدے کہ تئی دماگ گْوش اِیت کہ کارے ءَ انگار کن اُمیت الوت کنت کہ دگہ یک جھدے بہ کن۔

۴۴۔ ھرکسے کہ ھُداوند ءِ دیم ءَ جھل بیت ھرکسی دیم ءَ اوشتات کُت کنت۔

۴۵۔ وتی وَشّی ءِ کِلیتّ ءَ دگہ یکے ءِ کیسگ ءَ مان مہ کن۔

۴۶۔ کسانیں بدلی مزنیں تپاوتے کار اَنت۔

۴۷۔ وھدے کہ اسیلیں مھرے بیت گڑا وت راہ ءُ درے شوھاز اِیت۔

۴۸۔ ترا مردمانی کُمک ءُ مدت کنگ ءَ سببے ءِ زرورت نہ اِنت۔

۴۹۔ وتی سرجمیں زند ءَ میشے بیگ ءَ چہ گھتر اِنت کہ یک روچے شیرے بہ بئے۔

الیزبیتھ کینی

۵۰۔ وتی زند ءِ تہ ءَ یا وَ تو یک پسینجرے ئے یا وَ بالگِرے ئے، مرزی تئی وتیگ اِنت۔

 ۵۱۔ ترا ھما کار الّم کنگ لوٹ اِیت کہ تئی ھیال ءَ تو کُت ئِے نہ کن ئے۔

ایلینر روزیویلٹ