تو میزّاں میزّان ءَ مِرئے

 

 

لچّہ کار: پابلو نیرودا

بلوچی رجانک: اُزیر مھرؔ

 

تو میزّاں میزّان ءَ مِرئے؛

اگاں تو سات ءُ سپر نہ کن ئے،

اگاں تو نہ وان ئے،

اگاں تو زند ءِ توار ءُ برمشاں گوش نہ دارئے،

اگاں تو وت ءَ را نہ ساڑائے ءُ وتی کدر ءَ نہ کن ئے۔

 

تو کمّ کمّ ءَ مِرئے؛

وھدے کہ تو وتی جند ءِ شَرپ ءُ اِزّت ءَ باھین ئے،

وھدے کہ تو دگراں نئیل ئے کہ تئی کُمک ءُ مدت بہ کن اَنت۔

 

تو مدان مدان ءَ مِرئے؛

اگاں تو وتی ھیل ءُ آدتانی گُلام جوڑ بئے،

اگاں ھمروچ یکّیں راھاں روئے،

اگاں وتی ھمروچیگیں کار ءِ دستور ءَ بدل نہ کن ئے،

اگاں چوتاریں گُد گْور ءَ نہ کن ئے،

یا گوں ھما مردماں ھمتران نہ بئے کہ آھاں تو نہ زان اِش۔

 

تو کرار کرار ءَ مِرئے؛

اگاں تو چہ جوزہ ءُ باھند مارگ ءَ جھہ ئے،

ءُ چہ آھانی چاڑ ءُ موجیں واھگاں تچ ئے،

ھما ھُلّ ءُ مارشت کہ تئی چمّاں دْرپشین اَنت

ءُ تئی دل ءَ تیز دْریکین اَنت۔

 

    

تو میزّاں میزّان ءَ مِرئے؛

اگاں تو ھما گپچل ءَ نہ کپ ئے کہ ترا رکّین اِیت ءُ آئی ءِ آسرال زانگ نہ بیت

اگاں تو یک وابے ءِ پد ءَ نہ کپ ئے

ءُ کم چہ کم یک رندے وتی زند ءِ تہ ءَ

چہ دانائی ءُ ھوشمندی ءِ پنت ءُ نسیتاں نہ تچ ئے۔

 

 

وت ءَ را میزّاں میزّان ءَ مِرگ ءَ مئیل

گَل ءُ وژھال بیگ ءَ بے ھیال ءَ مہ بئے۔