وھدے کہ تو پیر بہ ئے

 

  

 لچّہ کار: ویلیم بٹلر ییٹس

بلوچی رجانکار: اُزیر مھرؔ

 

وھدے کہ تئی زُلپ ماش ءُ کنگ بنت

ءُ چمّ گوں واب ءَ ھُمار بنت

تو

آسدان ءِ گْور ءَ سر ءَ جھل بہ کن ءُ بہ نند

 ءُ اِے کتاب ءَ بہ نویسّ

ءُ پد ءَ میزان میزان ءَ بہ وان لبزاں

ءُ پد ءَ بہ جیڑ ھما نازرکیں گوناپ ءَ

کہ تئی چمّانی دنیا ءَ سبز اِتہ بیتگ

ءُ ھما رُژنا ءُ لُنجیں چمانی بابت ءَ

 

 

تو چینچو ساھت گْوازینتگ

ماں زیبائیں مارشتاں

ءُ کَے کے ءَ تئی ھُسن ءِ شَرپ کُتگ

 

چینچو مردماں ترا لوٹ اِتگ ءُ ساڑا اِتگ

مھر اِش راست اَت یک دروگ اَت

 

 

 

ھو بلے ھما مردم

کہ تئی پاکیں ارواہ ءِ شیدا اَت

ھو بلے ھما مردم

رنج ءُ گم ءِ چولاں تئی ھمراہ اَت

 

 

 

 

آچش ءِ  تپتگیں آھنانی گْور ءَ

درد ءِ میچلّ اِتگیں الوتانی تہ ءَ تران بہ کن

 

تو بہ جیڑ کمّے مونجائی ءَ

چتو دْراھیں نِدارگ پنا بوت اَنت

چتور آ مھر ھشیمانی کش ءَ گار بیتگ

کد آ گوناپ استالانی تہ ءَ واب کپتگ