پیاپیں ٹَوک (ھپتمی بھر)

 

 

رجانکار: اُزیر مھرؔ

 

۱۔ھر ھما چیز کہ من ءَ برباد نہ کنت آ من ءَ مھکم کنت۔

۲۔ گنوکی نپرانی تہ ءَ اجب اِنت، بلے دیوان ءُ گَلّاں، راج ءُ اھدانی تہ ءَ کانود اِنت۔

۳۔ ھما مردم کہ یک روچے بال کنگ دربرگ لوٹ اِیت، آ باید اِنت پیسر ءَ اوشتگ ءُ روگ در بہ بارت، تچگ ءُ سِرکپگ در بہ بارت ءُ ناچ ءُ سھبت در بہ بارت؛ کسّ بال ءِ تہ ءَ بال کُت نہ کنت۔

۴۔ اراں دیوک اِے ھاتر ءَ منتوار مہ بیت کہ رسوک ءَ چیز رس اِتگ، دیگ زاناں زرورتے نہ اِنت؟ زیرگ زاناں رھمدلی یے نہ اِنت؟

۵۔ مزنیں کار ءِ کنگ گران اِنت بلے مزنیں کارانی پرمان دیگ چدو گران تِر اِنت۔  

۶۔ اِے مزنیں مارشتانی ھاٹیگ نہ اِنت بلکیں ساھت اِنت کہ مزنیں مردم جوڑ کن اَنت۔

۷۔ راجدپتر زانت گْوستگیں اھد ءُ زمانگاں چار اِیت۔ آسر ءَ آ رپتگیں زمانگانی سر ءَ سِتک ءُ یکین ھم کنت۔

۸۔ دروگ زندگی ءِ یک جاورے۔

۹۔ ھر یک مردمے ءِ پِت کہ شَرّیں مردمے نہ بیتگ آ باید اِنت وت یک شَرّیں پِتے جوڑ بہ بیت۔

۱۰۔ یک راجکارے مردماں دو بھر ءَ بھر ءُ بانگ کنت: یکے ازباب ءُ دومی دژمن ۔

۱۱۔ ھِچّ گواچن نیست ھُشکیں پرّیچاں۔

۱۲۔ بھر ءُ بانگ کُتگیں وشّی یک دوستے جوڑ کُت کن اَنت بلے گم اِنّاں ۔ 

۱۳۔ چہ ھروڑیں مار اِتگیں وشّی ءَ مھکمیں اُمیت زند ءِ مستریں زرمبشتے بیت کنت۔

۱۴۔ مھکمیں سِتک ءُ یکین چہ دورگ ءَ گیش راستی ءِ ھترناک تِریں دژمن بنت۔

۱۵۔ ھر یک مردمے ءِ ھاتر ءَ یک چینک ءُ لبّے موجود اِنت کہ آ آئی ءِ اوگارگ ءَ چک ءُ پد نہ بیت۔

۱۶۔ بازیں مردمے ھما راہ کہ آھاں گچین کتگ گوں آئی ءِ شوھاز ءُ پد ءَ مھکمی ءَ بندوک اَنت، لھتیں مردم پہ مول ءُ مراد ءِ کِشک ءِ شوھازگ ءِ راھی اَنت۔

۱۷۔ مزنیں مردمانی ردی شَرپ دار اَنت پرچا کہ آ چہ لسّ مردمانی راستیاں گیشتر سیتّمند اَنت۔

۱۸۔ ھرابی چی یے؟ ھر ھما چیز کہ چہ نِزوری ءَ سر کشّ اِیت۔

۱۹۔ چُشیں باز زانتی کہ کم زانتی یے چریشی ءَ بے زانتی گھتر اِنت۔

 

 

 

پریڈرک نتشے

 

۲۰۔ ھرابی ءَ وت ءَ را مال ءُ مڈّی نیست اِے شَرّی ءِ چانیگوار اِنت۔

۲۱۔ وشّ تبی ھمے شَرّی اِنت کہ آ یک مردمے ءَ اِے لائک کنت کہ آ دگراں گَل ءُ وشّ بہ کنت۔ اِے کار ءِ بنگش نیم چہ زاتی شَرّی ءَ ءُ نیم چہ دگرانی زاتی شَرّی ءِ یکین ءَ بندات بیت۔

۲۲۔ برے برے مھروانیں ھُداوند ءِ لھتیں دلانی تہ ءَ آیگ ءِ ایوکیں راہ ھمیش اِنت کہ دل پروشگ بہ بنت۔

۲۳۔ تو باید اِنت اِے گپّ ءَ یات بہ دار کہ تو مردماں مھر کن ئے ءُ چیزاں کارمرز کن ئے، نَے کہ گوں چیزاں مھر کن ئے ءُ مردماں کارمرز کن ئے۔

۲۴۔ مردین ءُ جنین ءِ مھر ءِ تہ ءَ تپاوت ھمیش اِنت کہ مردین مدام مھر کنگ ءِ سبب ءُ نیمّون دنت بلے یک جنینے پہ مھر کنگ ءَ ھچّ سبب ءُ نیمّون نہ دنت۔

۲۵۔ گروناکی نِزوری ءِ منّگ اِنت؛ اِے چہ دْراھیں مرداں گیشی ءَ چیرُکائی ترس اِیت ءُ چہ دْراھیں بدواھاں بیمّ وارت۔

۲۶۔ پہ سوھویں مردمے ءَ انچائیں مردمے ءِ ستاشانی ھمیش اِنت کہ آ ھما مردم ءِ سر ءَ سُچ اِیت ءُ کست کنت۔

 

 

پُلٹن شین

 

۲۷۔ اِزمکاری تب یک نادْراھی یے کہ واھگداریں نوکباھنداں رنجور کنت۔

۲۸۔ مردم سکیں پُر ارزشتیں گپّاں مدام گوں بیرگیں درآمداں کن اَنت۔

۲۹۔ یک انچیں راھے ھست کہ ءَ آ پھم ءِ تہ ءِ روگ ءِ بدل ءَ چہ چمّ ءَ تچک ءَ دل ءَ روت ۔

۳۰۔ اندوھناکی ھمیش اِنت کہ مردم مدام پہ آ ھما چیز ءَ جھد ءُ جپا بہ کنت کہ آ چرائی ءَ زوراک تِر اِنت۔

۳۱۔ ھما دماگ کہ گنوکی جاھاں وتی راہ ءَ شوھاز اِیت آ شائرے ءِ دماگ اِنت؛ بلے ھما دماگ کہ واتر پچّ نہ تر اِیت ءُ نئیت آ یک گنوکے ءِ دماگ اِنت۔

 

 

 

جی کے چِسٹرٹن

 

۳۲۔ کتاب یک آدینکے

۲۴۔ یک درزنیں سپاھیگ مدام چہ دپ ءِ پُرے اڑ ءُ کُڑاں گھتر اِنت۔

۲۵۔  یک مردمے وتی کِردار ءَ چہ ھِچّ چیز ءَ اینچو سھرا نہ کنت اینچو کہ چہ ھما گوشکند ءَ آ زھر گیپت۔ 

۲۶۔ پہ دگہ ءَ اھدے ءَ دوست بیگ ءِ ھاتر ءَ راستی ھم نوکیں پوشاکے گْور ءَ دیگ لوٹ اِیت۔

۲۷۔ مردمانی باید اِنت تھنا ھیال ءُ لیکہ چارگ مہ بنت بلکیں اِے ھم چارگ بہ بیت کہ آھانی ھیال ءُ لیکھاں آ چی جوڑ کتگ اَنت۔

 ۲۸۔ نادْراھی بنی آدم ءِ مستریں ایب اِنت۔

۲۹۔ دْرستاں چہ ھترناکیں دروگ ھما راستی اَنت کہ کمّے بدل کنگ بیتگ اَنت۔

 

جارج سی لیکٹنبرگ

 

۳۰۔ اِے چیز ءَ وتی کانود ءُ راھبندے جوڑ بہ کن کہ ھما کتاب ءَ تو وت نہ وان ئے آئی ءَ ھجبر گْونڈوے ءَ مہ دئے۔

۳۱۔ ھما زند کہ آئی ءِ تہ ءَ ردی کنگ بیتگ نہ تھنا گیشتر شرپدار اِنت، بلکیں چہ ھما زند ءَ گیشتر سیتّمند اِنت کہ آئی ءِ تہ ءَ ھِچّ کنگ نہ بیتگ۔

۳۲۔ زند وتی شوھازگ ءِ نام نہ اِنت۔ زند وتی جوڑکنگ ءِ نام اِنت۔

۳۳۔ تو چیزاں گِندئے تو گْوش ئے، پرچا؟ بلے من چیزاں جیڑ آں کہ آ بِھ نہ بیتگ اَنت ءُ من گْوش آں، پرچا اِناں؟۔

۳۴۔ ھما مردم کہ وتی جند ءُ وتی نوبت ءِ بابت ءَ نبشتہ کنت تھنا ھمے مردم اِنت کہ دْراھیں مردم ءُ دْراھیں نوبتانی بابت ءَ نبشتہ کنت۔

۳۵۔ ھما مردم کہ وتی مجگاں بدل کُت نہ کن اَنت، آ ھِچّ بدل کُت نہ کن اَنت۔

۳۶۔ تو وتی دیم ءِ چارگ ءِ ھاتر ءَ کانچ ءِ آدینکے ءَ کارمرز کن ئے، وتی باتن ءُ ارواہ ءِ چارگ ءِ ھاتر ءَ اِزمی ساچشتاں کارمرز کن ئے۔

 ۳۷۔ زند ءِ تہ ءَ دو آپت اَنت۔ یکے ھمیش اِنت کہ وتی دل ءِ واھشت ءَ انگار بہ کن۔ دومی ھمیش اِنت کہ آئی ءَ را دست بہ گِر۔

۳۸۔ ھما مردم گْوش اَنت کہ یک کارے نہ بیت باید اِنت ھما مردمانی راہ ءِ اڑاند مہ بنت ءُ کار ءِ تہ ءَ دست مان مہ دے اَنت کہ آ کار ءَ کنگ ءَ اَنت۔

۳۹۔ منی گوشکند گْوشگ ءِ راھبند ایش اِنت کہ راستی ءَ بہ گْوش۔ اِے دنیا ءِ تہ ءَ دْرستاں چہ گیش کندینوکیں گوشکند اِنت۔

۴۰۔ من ءَ پھل کن کہ اِے نمدی سکّ مزن اِنت۔ منی گْور ءَ اینچو وھد نہ بیتگ کہ من ایشی ءَ گْونڈ تِر بہ کن آں۔

 

جارج برناڈ شاہ

 

۴۱۔ ھما مردم کہ سوت ءِ توار ءَ  اِش کُت نہ کن اَنت، آ ناچ ءُ سھبت کنوکاں گنوک لیک اَنت۔

 

جارج کارلن

 

۴۲۔ دْروھکاری ءِ وھد ءَ راستی ءِ گْوشگ یک آشوبی کارے۔

۴۳۔ مردمانی کُشگ ءِ جْوان تِریں وڑ ھمیش اِنت کہ آھاں انچوش بہ کن کہ آ وتی راجدپتر ءِ بابت ءَ مہ منّ اَنت ءُ وتی راجدپتر ءِ پھم ءُ سرپدی ءَ وت بہ کُش اَنت۔

۴۴۔ آدم زات ءِ جوھر ھمیش اِنت کہ پیلھی مہ شوھاز اِیت۔

۴۵۔ دْراھیں گُنگدام برابر اَنت بلے لھتیں گُنگدام چہ دومی گُنگداماں گیشتر برابر اَنت۔

۴۶۔ جنگ ءِ دْراھیں پلینڈی، جاک، دورگ ءُ نپرت مدام چہ ھما مردماں کاینت کہ آ جنگ ءَ نہ اَنت۔

۴۷۔ وشّی تھنا منّگ ءِ تہ ءَ وجود داشت کُت کنت۔

 

 

جارج آرویل

 

۴۸۔ زمین ءَ پہ ھما مردماں سوت ءُ زیمر گون کہ آ اِش کن اَنت۔

۴۹۔ ساری شَرّیں کارانی تہ ءَ کارمرز بیوکیں بے ساری یے۔

۵۰۔ ھما گْونڈو کہ تھنا دربرجاہ ءَ وانینگ بیتگ آ یک ناوانندگیں گْونڈویے۔

۵۱۔ چہ بے اُمیتی ءَ ھزّام ءِ مھر ءِ گرپتار بیگ ءَ پہ بدل بیوکیں مولمُاں ھدوک بیگ دماگ ءِ وشھال تِریں جاورے۔

۵۲۔ پہ وشی ءِ ھاتر ءَ تو باید اِنت وتی ھاٹیگانی گام ءَ بہ زیر ئے، وتی جزبگانی نیبگ بہ چَش ئے، ءُ دنیا ءِ تہ ءَ وتی جاہ ءَ در بہ برئے۔

۵۳۔ ھر بیوکیں چیز ءِ زانت ءُ اِلم شادھی ءِ بندات اِنت۔

۵۴۔ ھما مردم کہ چہ راجدپتر ءِ دورنتاں دربرگ ءَ بے سوب بیت آھانی سر ءَ ھمے بد دوائی ءُ ازاب اِنت کہ ردیاں پرّام بہ کن اَنت۔

۵۵۔ ترانگ باتن ءِ بے بُنیں گپے۔

۵۶۔ مھر مارا شائر جوڑ کنت، ءُ مَرگ ءِ نزّیک ءَ آیگ باید اِنت مارا شھزانت جوڑ بہ کنت۔

۵۷۔ وتی جزبگی زندگی ءَ ھجبر دگرانی نزوریانی سر ءَ مہ بند۔

۵۸۔ کھول ابرم ءِ شاھکاراں چہ یکے۔

۵۹۔ ھما مردم کہ آئی ءَ وتی ابرمی کار کتگ، مَرگ پہ آئی ءَ یک انچیں ابرمی چیزے انچوش کہ واب۔

۶۰۔ اِے بزان کہ بندر ءَ مردم چی جیڑ اَنت ءُ چی گْوشگ ءِ بدل ءَ اے چیز ءِ سر ءَ اِنان بہ دئے کہ آ چی کن اَنت۔

 

۶۱۔ الم ءُ زانشت ءِ تہ ءِ مستریں گرانی ھمیش اِنت کہ چہ ھیالاں کُتہ کاری دست بہ گرئے۔

۶۲۔ مردمے ءِ پاد باید اِنت وتی ڈیھ ءَ سکّ بہ بنت ءُ بلے آئی ءِ چمّ دنیا ءَ بہ چکر اَنت۔

 

جارج سنٹایانا

 

۶۳۔ چہ ھرابیں نیمّونے پیش کنگ ءَ گھتر ھمیش اِنت کہ ھِچّ نیمّون پیش کنگ مہ بیت۔

۶۴۔ چہ ھرابیں دیوان ءُ مجلساں ایوک بیگ گھتر اِنت۔

۶۵۔ اگاں گپّ کنگ ءِ آزاتی اَچ مہ پچ گِرگ بہ بیت، گڑا پہ گُنگی ءُ ھاموشی مئے راھدبری کنگ بیت، انچوش کہ اِیسپیت پس پہ کُشگ ءَ برگ بیت۔

۶۶۔ جھد بہ کن کہ وتی سینگ ءِ تہ ءَ آسمانی آچش ءِ ھما کسانیں شورو ءَ زندگ بہ دار کہ آئی ءِ نام زِرد اِنت۔

۶۷۔ یکشلی ءُ مھکمی ءَ اوشتگ ءُ جوش ءُ جزبگ ءِ برجاہ دارگ ءَ ھر نوبت ءُ باریگ ءَ جْوانیں برورد داتگ۔

۶۸۔ نود ءُ نُھ درسد بے سوبی چہ ھما مردماں کیت کہ آ نیمّون کن اَنت۔

 

 

جارج واشنگٹن

 

۶۹۔ ھرچ کار ءَ کہ تو کُت کن ئے یا پہ آئی ءَ واب دیست کُت کن ئے، آئی ءَ را بندات بہ کن۔ مزن دلی ءِ تہ ءَ مزنیں بودشت، تاکت ءُ جادو مان اِنت۔

۷۰۔  چُکّاں چہ وتی مات ءُ پت ءَ دو چیز زیرگ لوٹ اِیت: روتگ ءُ بانزل۔

۷۱۔ ھِچّ چیز اینچو بیمّناک نہ اِنت اینچو کہ کار ءُ کُنشانی تہ ءَ بے زانتی۔

۷۲۔ زند زندگی کنگ ءَ گوں سیادی دار اِیت ءُ ھما مردم کہ زندگ بیت پہ بدلیاں تیار بہ بیت۔

۷۳۔ امینچو زیت تو وتی سر ءَ بیسہ کن ئے، تو زان ئے کہ چتور زند گْوازینگ بہ بیت۔

۷۴۔ ھِچّ چیز چہ زورآوریں گنوکی ءَ ھراب تِر نہ اِنت۔

۷۵۔ چہ چیزے ءَ وشنود بہ بئے وھدے کہ تو بیت کُت کن ئے ءُ پاوان بہ کن وھدے کہ ترا کنگ لوٹ اِیت۔

۷۶۔ اِے مھر ءِ اسل کساس اِنت وھدے کہ ما یکین کن اِیں کہ تھنا ما ھما پیم مھر کُت کن اِیں کہ اَچ ما پیسر کس ءَ چوش مھر نہ کُتگ، ءُ اَچ ما رند کسّ چوش مھر کُت نہ کنت۔

 ۷۷۔ ھِچّ چیز اینچو مھکم نہ اِنت اینچو کہ بوھیری ءُ ھِچّ چیز اینچو بوھیر نہ اِنت اینچو کہ اسل مھکمی۔

 

 

 

گوئٹے

 

۷۸۔ زیکیں روچ گوستگ ءُ ھلاس بیتگ۔ باندات دنیگا نیاتکگ۔ منی گْور ءَ تھنا یک روچے ھست ءُ من یکیں روچ ءِ تہ ءَ گَل باں۔

 

۷۹۔ چہ دگرانی ردیاں در بہ بر۔ تو ھجبر داں اینچو دیراں زندگ بیت کُت نہ کن ئے کہ دْراھیں ردیاں وت بہ کن ئے۔

۸۰۔ اگاں ترا کارے ءِ کنگ وش نہ بیگ ءَ اِنت گڑا تو چیزے رد کنگ ءَ ئے۔

۸۱۔ وشّبھت اَنت ھما پُرشتگیں تَل کہ آ وتی تہ ءَ رُژن ءَ موکل دے اَنت۔

۸۲۔ وھد پاد ءِ پینزاں زھمیگ کنت۔

۸۳۔ ھرجاہ ءَ کہ من وتی سر ءَ جاہ دے آں، آ منی لوگ اِنت۔

۸۴۔ اسل کندگ چہ دل ایکیمی ءُ نا امیتی ءَ کیت۔

۸۵۔ گپ جنگ ءَ پیسر، باید اِنت منی گْور ءَ پُر ارزشتیں چیزے پہ گْوشگ ءَ بہ بیت۔

 

 

گروچو مارکس

سرشون:

Brilliant Quotes – An App from Google Play Store