پیاپیں ٹَوک (ھشتمی بھر)

 

رجانکار: اُزیر مھرؔ

 

۱۔ باندات آیوکیں چیزانی دْروشم اِنت۔

۲۔ مروچیگیں بدھالی باندات ءِ وژھالی اِنت۔

۳۔ انسان ءِ راجدپتر بُن اسل ءَ ھیالانی راجدپتر اِنت۔

۴۔ تو اگاں زی کپتگ ئے گڑا مرچی پادا۔

۵۔ سپر ءَ وتی راہ ءَ گار کنگ بدبھتی یے، بلے وتی سپر ءِ مراد ءَ گار کنگ چدومستریں ھرابی یے۔

 

 

ایچ۔جی ویلز

 

 

۶۔ زند یک کتابجاھے ءِ پیم ءَ اِنت کہ نبشتہ کار آئی ءِ واھند اِنت۔ آئی ءِ تہ ءَ لھتیں کتاب انچین اَنت کہ آئی ءَ وت نبشتہ کُتگ اَنت بلے گیشتر ھما اَنت کہ آئی ءِ ھاتر ءَ نبشتہ کنگ بیتگ اَنت۔

۷۔ من ءَ انچیں دنیایے ءَ زند گْوازینگ وشّ تِر بیت کہ اسراراں پیڑاھتگ چہ ھما دنیا ءَ کہ سکّ کسان اِنت ءُ منی مجگ ئِے پھم اِیت۔

۸۔ ھما مردم کہ راھے ءِ بندات ءَ گچین کنت، آ ھما جاہ ءَ گچین کنگ ءَ اِنت کہ آئی ءَ ھمود ءَ بارت ءُ سرکنت۔

 

 

ھیری پاسڈِک

 

۹۔ وھدے کہ وشّی ءِ یک درے بند بیت، دگہ یکے پچ بیت بلے ما گیشتر بندیں در ءِ نیمگ ءَ انچو چار اِیں کہ ھما در پمّا پچ بیتگ آئی ءَ نہ گِند اِیں۔

۱۰۔ رُژناھیالی ھما سِتک اِنت کہ سوبمندی ءُ دیمروئی ءِ نیمگ ءَ بارت۔ بید ء امیت ءُ بیسہ ءَ ھِچ کنگ نہ بیت۔

۱۱۔ ایوک ءَ ما کمّے کار کُت کن اِیں، پجّیگ ءَ ما مزنیں کساسے ءَ کار کُت کن اِیں۔

۱۲۔ چہ کور بیگ ءَ ایوکیں ھراب تِریں چیز ایش اِنت کہ چمّاں روک مان بہ بیت بلے دیدانک اِش مہ بیت۔

۱۳۔ دنیا ءِ تہ ءَ جْوان تِریں ءُ دْرستاں چہ زیبا تِریں چیز ھما اَنت کہ گِندگ نہ بنت نَے کہ دست جنگ بنت۔ آ باید اِنت گوں دل ءَ مارگ بہ بنت۔

۱۴۔ دوستے ءِ ھمرائی ءَ تھاری ءَ روگ چہ ایوک ءَ رُژنائی ءَ روگ ءَ گھتر اِنت۔

۱۵۔ چہ ھما چیز ءَ کہ ما یک رندے وشّنود بیتگ اِیں، ما آئی ءَ بِھ یل دات نہ کن اِیں۔ ھر ھما چیز ءَ گوں ما جھلانکی ءَ مھر کن اِیں آ مئے بھرے جوڑ بیت۔

۱۶۔ کسّ ءَ اِے ھکّ نیست کہ وشّی ءِ کِشگ ءَ ابید آئی ءَ را ھرچ بہ کنت۔

۱۷۔ اِلم ءُ زانشت ءِ مستریں برورد سگّ ءُ اوپار اِنت۔

۱۸۔ تئی سوبمندی ءُ وشّی تئی جند ءِ دست ءَ اَنت۔ شادھی ءُ وشی ءَ برجم بہ دار کہ اِے گْرانیں ساھتاں پتّو پھمیانیں اسپر بنت۔

۱۹۔ زند درونتانی یک یکشلی یے کہ باید اِنت پہ آھانی پھمگ ءَ گوازینگ بہ بیت۔

۲۰۔ سِتک یک انچیں تاکتے کہ چرآئی ءِ سبب ءَ پْرُشت ءُ پْروشیں دنیایے یک رُژنے ءِ تہ ءَ پیداور بیت۔

۲۱۔ زند یا وَ کبیھ ءُ پُرگپچلیں کارے یا ھِچّے نہ اِنت۔ رکّگ ءُ سلامتی یک وھمے۔ اِے ابرم ءِ تہ ءَ وجود نہ دار اِیت۔

۲۲۔ وتی دیم ءَ روچ ءِ رُژن ءِ نیمگ ءَ بہ کن ءُ تو بِھ ساھگ ءَ نہ گندئے۔

 ۲۳۔ داں ھما وھد ءَ کہ ھاسیں دوستیں بیلانی یات منی دل ءِ تہ ءَ اَنت من گْوش آں کہ زندگی وشّ اِنت۔

۲۴۔ مردم جیڑگ ءَ دوست نہ دار اَنت۔ اگاں کسے جیڑ اِیت گڑا باید اِنت آسرھالاں سر بہ بیت۔ آسرھال مدام جْوان نہ بنت۔

۲۵۔ من لوٹ آں کہ یک مزن ءُ بوھیریں کارے پیلو بہ کن آں بلے اِے منی بنکی ڈُبّہ اِنت کہ کسانیں کاراں انچوش پیلو بہ کن آں گْوش ئے کہ پمنّ ءَ مزن ءُ بوھیریں کار اَنت۔

۲۶۔ وت رھمی مئے دْرستاں چہ ھراب تِریں بدواہ اِنت ءُ ما اگاں وت ءَ گوں ایشی ءَ بندوک کُت گڑا ما اِے دنیا ءِ تہ ءَ ھجبر یک دانائی کارے کُت نہ کن اِیں۔

 

۲۷۔ اگاں دنیا ءِ تہ ءَ تھنا وشّی بیتین اَت گڑا ما بِھ دلیر ءُ سبر کنوک بیگ در نہ بُرتگ اَت۔

 

 

ھیلن کیلر

 

۲۸۔ چینچو بے کاریں کارے کہ تو پہ نبشتہ کنگ ءَ بہ نند ئے وھدے کہ تو پہ زندگی کنگ ءَ پاد نیتکگ ئے۔

۲۹۔ ھرچی کہ مئے پُشت ءَ ءُ دیم ءَ ھست کسانیں چیز اَنت چہ ھما چیز ءِ دیم پہ دیمی ءَ کہ مئے باتن ءَ ھست۔

۳۰۔   مردم باید اِنت زمستان ءِ میان ءَ ھم گرماگ ءِ تُشے رنگ بہ دار اِیت۔

۳۱۔ گپ اِے نہ اِنت کہ تو چی چارئے ، بلکیں ایش اِنت کہ تو چی گندئے ارزشت دار اِیت ۔

۳۲۔ مئے زندگی وچّوراں لگانڈو کُتگ۔ آسان کنان کن، پرّیچان کن۔

۳۳۔ مھر ءِ بدل ءَ ، زَرّ ءِ بدل ءَ ، وشّنامی ءِ بدل ءَ من ءَ راستی ءَ بہ دئے۔

۳۴۔ ھجبر پُشت ءَ چک مہ جن ءُ مہ چار داں وھدے کہ تو آ نیمگ ءَ روگ ءِ شَور کنگ ءَ نہ ئے۔

 

 

ھینری ڈیوڈ تھرو

۳۵۔ توری تئی ھیال ءَ تو کارے کُت کن ئے یا نہ کن ئے، تو راست ئے۔

۳۶۔ ھرکس کہ دربرگ ءَ یل دنت، آ پیر اِنت۔ توری بیست سالی یے بیت شَر یا ھشتاد سالی یے بیت شر۔ ھرکس کہ دربران کنت آ جوان بیت۔

۳۷۔ بے سوبی اسل ءَ یک موھے کہ دوبر بندات بہ کن، اِے رندی گوں گیشتر شیوّاری ءَ ۔

۳۸۔ اڑاند ھما تُرسناکیں چیز اَنت کہ تو اِش گندئے وھدے کہ تو وتی نگاھاں چہ وتی مول ءُ مراداں ترّین ئے۔

۳۹۔ منی دْرستاں چہ شَرّ تریں دوست ھما اِنت کہ منی تہ ءِ شَرتریں چیز ءَ من ءَ پدّر کنت۔

۴۰۔ جیڑگ دْرستاں چہ گران تِریں کار اِنت بگندئے ھمے سبب اِنت کہ باز کم مردم ایشی ءِ تہ ءَ گیڑ بنت۔

۴۱۔ ایب مہ شوھاز، توجیلے شوھاز۔ گِلگ ھرکس کُت کنت۔

۴۲۔ اِے منی اِنان ءُ جیڑگ اِنت کہ گیشتر مردم ھما وھد ءَ دیم ءَ رو اَنت وھدے کہ آ دگہ مردم ھمے وھد ءَ زیان کنگ ءَ اَنت۔

۴۳۔ اسل ردی بس ھمیش اِنت کہ چرآئی ءَ ما ھچ در نہ بر اِیں۔

۴۴۔ وتی داراں وت بہ گُڈّ کہ اِے ترا دو امینچو باپ کن اَنت۔

۴۵۔ ھِچّ چیز ھاسیں شِکل ءَ گران نہ اِنت تو اگاں آئی ءَ کسانیں کارانی تہ ءَ بھر ءُ بانگ بہ کن ئے۔

۴۶۔ وھدے کہ تو مارئے کہ ھرکار تئی بگیر ءَ روگ ءَ اِنت، گڑا یات بہ دار کہ بالی گراب گْوات ءِ دیم ءَ بال کنت نَے کہ آئی ءِ ھمرائی ءَ ۔

۴۷۔ یکجاہ بیگ بندات اِنت۔ یکجاہ برجاہ دارگ دیمروئی اِنت۔ یکجاہ کار کنگ سوبمندی اِنت۔

۴۸۔ دْرستاں چہ مستریں اسراراں یکے کہ مردم پد ئِے جنت، دْرستاں چہ مستریں بھمانگی یے ھمیش اِنت کہ مردم اِے گپّ ءَ بہ زانت کہ چہ ھما کار ءِ کنگ ءَ

کہ آ پیسر ءَ تُرس اِتگ اَنت کہ ما کُت ئِے نہ کن اِیں، آ ھما کار ءَ کُت کن اَنت۔

۴۹۔ گیشتر مردم جیڑھانی توجیل شوھازگ ءِ بدل ءَ زیات وھد ءُ تاکت آھانی کِرّ ءُ گْوراں ترّگ ءَ گوازین اَنت۔

۵۰۔ دیدانک کارے ءِ پیلھی ءَ ایبد تھنا پریب ءُ وھمے۔

۵۱۔ سوبمندیں زندمانے ءِ سرجمیں راز ھمیش اِنت کہ کسے ءِ بھت ءُ تالہ ءَ پہ کنگ ءَ چی ھست ءُ پد ءَ ھما ءَ کار ءَ بہ کنت۔

۵۲۔ تو دربرجاہ ءَ اِے دربرت کُت نہ کن ئے کہ دیم ءِ سال ءَ دنیا چی کنت۔

۵۳۔ اگاں ھرکس ھمرائی ءَ دیم ءَ جنزان اِنت گڑا سوبمندی وتی ھیال ءَ وت دار اِیت۔

 

 

ھینری پورڈ

 

۵۴۔ من ھما وھد ءَ دیمتر ءَ دیست کُت کُتگ اَت کہ من دیھہ ءُ بلاھانی کوپگانی سر ءَ اوشتاتیناں۔

۵۵۔ من آسمان ءِ ماہ ءُ کلکشان ءِ سُر ءُ پُرانی کچ ءُ کساس ءَ کُت کن آں بلے مردمانی گنوکی ءِ ناں۔

۵۶۔ ھرچی کہ ما زان اِیں آ یک تْرمپے، ھرچی کہ ما نہ زان اِیں آ یک شھشنابیں دریایے۔

۵۷۔ یک مردمے بگندئے انچیں چیزانی گمان ءَ کنت کہ راست نہ اَنت بلے آ تھنا ھما چیزاں سرپد بیت کُت کنت کہ راست اَنت۔

۵۸۔ ابرم ءَ سادگی وشّ بیت ءُ ابرم نکلی یے نہ اِنت۔

 ۵۹۔ من اگاں کدی یک انچیں گْرانبھائیں کار ءُ پٹ ءُ پولے کتگ گڑا آ کار چہ دگہ بودشتاں گیش اوپاری اِنان ءِ برورد بیتگ۔

۶۰۔ ھرچیز کہ بُرز ءَ روت، آئی ءَ جھل ءَ آیگی اِنت۔

۶۱۔ راستی مدام سادگی ءِ تہ ءَ شوھازگ لوٹ اِیت نَے کہ چیزانی مُچّی ءُ اڑمنجی ءِ توک ءَ ۔

۶۲۔ منی نِزّ ءَ منی درور چو ھما زھگ ءَ اِنت کہ تیاب دپ ءَ لیب ءَ اِنت ءُ آئی ءِ دیم ءَ پد نہ جتگیں راستی ءِ شاھیگانیں دریایے چول جنگ ءَ اِنت۔

 

 

 

اساک نیوٹن

 

۶۳۔ مردم باید اِنت اِے چیز ءَ در بہ بارت کہ آ چیزانی ھکم دات کُت نہ کنت بلکیں آ وت ءَ ھکم دنت؛ آ دگرانی نیتّاں شَرّ کُت نہ کنت بلے وتی نیت ءَ تچک کنت ءُ واجہ بیت کنت: ءُ چیز ھمائی ءِ ھزمت ءَ کن اَنت ھما کہ راستی ءِ ھزمت ءَ کنت؛ مردم چہ ھما مردم ءَ راھشونی لوٹ اَنت کہ آ وتی واجہ وت اِنت۔

۶۴۔ بُندر ءَ مردم ھما چیز اِنت کہ ھما چیز آ جیڑ اِیت۔

۶۵۔ مردمے داں ھما وھد ءَ شرّی سر ءَ گیگ ءُ گور نہ اِنت داں وھدے کہ آ گل نہ اِنت، دْراہ نہ اِنت ءُ وژھال نہ اِنت؛ ءُ وشّی، جان سلامتی ءُ وژھالی مردمے ءِ تہ ءُ ڈنّ ءِ پجّیگ ءَ چاگرد ءِ لسونیں بروبری ءِ برورد اَنت۔

۶۶۔ باز زیت یا دیر مردمے سھیگ بیت کہ آ وتی ارواہ ءِ باگ ءِ مالی اِنت، وتی زند ءِ سوجکار اِنت۔

۶۷۔ دْرستاں پیش یک مول ءُ مرادے بہ دار؛ پہ وت ءَ کانودی ءُ سیتّمندیں مکسدے  بہ دار ءُ وت ءَ را آئی ءِ ھاتر ءَ دلپھکی ءَ ندر بہ کن۔

۶۸۔ ھر کار ءَ کہ تو وتی زند ءِ تہ ءَ سرجم کن ئے یا کنگ ءَ بے سوب بہ ئے آ تچک ءَ تئی ھیالانی برورد اِنت۔

۶۹۔ جاور مردم ءَ جوڑ نہ کن اَنت، آ مردم ءَ پدّر کن اَنت۔

۷۰۔ واب گِند بوھیریں ءُ تنگھیں واب ءُ وھدے کہ تو واب گِندئے گڑا تو ھما مردم جوڑ بہ ئے۔ تئی دیدانک تئی سوگند اِنت کہ تو یک روچے ھما مردم جوڑ بہ ئے؛ تئی ھیالی درور ھما چیز ءِ شُبین اِنت کہ تو آسر ءَ سھرا ئِے کن ئے۔

۷۱۔ وشّی یک زھنی بروبری یے؛ ناوشّی یک زھنی نابروبری یے۔

۷۲۔ شَرّیں ھیال شَریں نیبگ کار اَنت، ھرابیں ھیال ھرابیں نیبگ کار اَنت۔

۷۳۔ ھما مردم کہ کمّے سوبمندی لوٹ اِیت آ باید اِنت کمّے کُربانی بہ دنت؛ ھما مردم کہ باز سوبمندی لوٹ اِیت آ باید اِنت باز کُربانی بہ دنت؛ ھما مردم کہ سک باز سوبمندی لوٹ اِیت آ باید اِنت بے کساس کُربانی بہ دنت۔

۷۴۔ مردم وتی جاورانی گھتر کنگ ءِ ھاتر ءَ پریشان اَنت بلے وتی جند ءِ گھتر کنگ ءِ ھاتر ءَ رازیگ نہ اَنت؛ پمیشکا آ یکیں جاہ ءَ بندوک بنت۔

۷۵۔ مردم وتی جوڑ کنوک ءُ کروجوک وت اِنت۔ گوں شَرّیں پیسلہ ءِ گچینی ءَ آ بُرز روت۔ پہ تاکت، سوھوی ءُ مھر ءِ جھت ءَ، وتی ھیالانی واجھی ءِ جھت ءَ، آئی ءِ گْور ءَ ھر جاور ءِ کلیت ھست بیت۔

۷۶۔ ھِچّ کار چہ شُگر ءُ منتواری ءِ واتر دیگ ءَ المّی نہ اِنت۔

۷۷۔ ھِچّ زْرمبشت ءُ لالچ مردم ءَ وتی نیمگ ءَ نہ چِک اِیت ءُ نہ بارت داں وھدے کہ مردم ءِ دل ءِ تہ ءَ آئی ءِ نیمگ ءَ روگ ءِ واھگے مہ بیت۔

 

 

جیمس الین

 

 

۷۸۔ بیرگیں ھاموشی ملوری ءِ نیمگ ءَ بارت۔ اِے مَرگ ءِ چھرگ اِنت۔

۷۹۔ سبر ءُ اوپار تھل اِنت بلے نیبگ ئِے شیرکن اِنت۔

۸۰۔ ھِچ مردم ءَ وتی ھمبلیں مردمانی سر ءَ ھِچ ابرمی واک نیست۔

۸۱۔ شرم ءُ ھیا پہ مردین ءَ بِلّے توری ابرمی چیزے، پہ چُکّاں اِے ابرمی چیزے نہ اِنت۔ شرم ءُ ھیا تھنا ھما وھد ءَ بندات بیت وھدے کہ مئے گور ءَ ھرابی ءِ زانشت بیت۔

۸۲۔ چوناھا ھما مردم کہ باز کم زان اَنت، آ مزنیں گپّی ئیں مردم اَنت بلے ھما مردم کہ باز زان اَنت، آ کم گپ جن اَنت۔

۸۳۔ انسان آجو ودی بیتگ بلے آ ھرجاہ ءَ زمزیلاں مان پتاتگ۔

۸۴۔ من بگندئے چہ دگراں گھتریں مردمے نہ یاں بلے کم ءَ چہ کم من جتا آں۔

۸۵۔ زند گْوازینگ تھنا ساہ زیرگ ءِ نام نہ اِنت؛ کار ءُ کُنش کنگ ءِ نام اِنت؛ وتی اھزھانی، ھوش، بودشت ءُ شَرّیانی کار گِرگ ءِ نام اِنت۔۔۔ وتی دْراھیں اندام ءُ بھرانی کار گِرگ ءِ نام اِنت کہ مارا وجود ءِ مارشتے بکشا اَنت۔

۸۶۔ شَرّیں کانود ءُ راھبند شَرّ تِریں کانودانی جوڑ کنگ ءِ نیمگ ءَ بر اَنت؛ ھرابیں کانود ھراب تِریں کانود ودی کن اَنت۔

۸۷۔ وَشّی یک شَرّیں بنک ءِ اکاونٹے، یک شَرّیں ورگ گرادے ءُ یک شَرّیں ھزم بیگے۔

۸۸۔ ھما مردم کہ سک سُست کول ءُ وھدہ کنت، آ وتی کِردگار ءِ تہ ءَ سک باز ایماندار اِنت۔

۸۹۔ دْرستاں چہ وژھال تِریں مردم ھما اِنت کہ باز کم درد ءُ تورشت ءِ آماچ بیتگ؛ دْرستاں چہ وار ءُ بزّگ تِریں مردم ھما اِنت کہ چہ وشّی ءَ باز کم وشّنود بیتگ۔

 

 

جان جاک روسو

 

 

 

۹۰۔ بہ لوٹ ءُ چیز ترا دیگ بیت؛ بہ شوھاز ءُ چیز ترا رس اِیت؛ بہ ٹُکّ ءُ دروازگ پتّو پچ بیت۔

۹۱۔ آ چیز مردم ءِ چہ کار ءَ کیت کہ چمائی ءِ سبب آئی ءَ سرجمیں دنیا بہ رس اِیت بلے وتی ارواہ ءَ ببا بہ دنت۔

۹۲۔ پہ دگراں ھما مھروانی ءُ شَرّی ءِ کار ءَ بہ کن کہ تو پہ وتی ھاتر ءَ ھما شَرّی ءِ واھگ ءَ دار ئے۔

۹۳۔ما پہ سِتک ءِ گام ءَ جُنز اِیں نَے کہ دید ءِ گام ءَ ۔

۹۴۔ ھرکس کہ وت ءَ را بُرز ءُ بلندی ءَ کار اِیت، آ آجز بیت، ءُ ھرکس وت ءَ را آجز کنت، آ بُرز ءُ بلند بیت۔

۹۵۔ ھو من مدام تئی ھمراہ آں، وھد ءِ گُڈّسر ءَ ھم تئی ھمراہ باں۔

۹۶۔ شَرّیں مردم وتی دل ءِ تہ ءَ جم کُتگیں ایریں شَرّیاں ڈنّ ءَ کار اِیت ءُ ھرابیں مردم وتی دل ءِ تہ ءَ جم کُتگیں ایریں ھرابیاں ڈنّ ءَ کار اِیت۔ پرچا کہ دل ءِ سرّیچی ءِ سبب ءَ آئی ءِ زبان گپّ جنت۔

۹۷۔ کس چراگے روک نہ کنت ءُ انچیں جاھے ءَ ایرئِے نہ کنت کہ اندیم بہ بیت

یا کشکول ءُ ڈبّہ ءِ چیر ءَ ایرئِے کنت۔ بلکیں آ چراگ ءَ آئی ءِ جاہ ءَ ٹنگ اِیت دانکہ ھما مردم کہ تہ ءَ کاینت بگندئے رُژن ءَ گِند اَنت۔

۹۸۔ گوں ھداوند ءَ مھر بہ کن وتی ھداوند ءَ گوں تیوگیں جزبگ، دُوا ءُ سوھوی ءَ مھر بہ کن۔ دگراں ھم انچوش مھر بہ کن انچوش کہ تو وت ءَ را مھر کن ئے۔

 

 

مھتر عیسی علیہ السلام

 

۹۹۔ دوست ھما اِنت کہ ترا تئی جند بیگ ءِ سرجمیں آزاتی ءَ بہ دنت۔

۱۰۰۔ وت ءَ را وتی مستریں تُرس ءِ دیم ءَ پدّر کن؛ چرائی ءَ پد تُرس ءَ ھِچ ھاٹیگ مان نہ بیت، ءُ تُرس ءِ آزاتی نِزور ترّان کنت ءُ ھلاس بیت۔ پد ءَ تو آزات ئے۔

 

 

جِم مورِیسن

سرشون:

Brilliant Quotes – An App from Google Play Store