پیاپیں ٹَوک ( نُھمی بھر)

 

رجانکار: اُزیر مھرؔ

 

 ۱۔ وھدے کہ تو زان ئے کہ ترا چی لوٹ اِیت، ءُ بے کساس لوٹ اِیت گڑا تو آئی ءِ رسگ ءِ راھے شوھاز ئے۔

۲۔ تو شپ ءِ شپ وتی منزل ءَ بدل کُت نہ کن ئے بلے وتی کِشک ءُ آئی ءِ نیمگ ءَ بدل کُت کن ئے۔

۳۔ سوبمندی لسّ چیزانی بے کساس ھاسیں وڑے ءَ پیلو کنگ ءِ نام اِنت۔

۴۔ دگہ مردم بِلّے انچائیں ءُ پوچیں زند گْوازین اَنت بلے تو ناں۔ دگہ بِلّے کسانیں چیزانی سر ءَ اڑ ءُ کُڑ کن اَنت بلے تو ناں۔ دگہ بِلّے کسانیں زِھمانی سر ءَ گریو اَنت بلے تو ناں۔ دگہ بِلے وتی باندات ءَ دگرانی دست ءَ دے اَنت بلے تو ناں۔

۵۔ تو اگاں وتی مول ءُ مرادانی سر ءَ کار کن ئے، تئی مول ءُ مراد تئی سر ءَ کار کن اَنت۔ تو اگاں وتی مراسا ءِ سر ءَ کار کن ئے، گڑا تئی مراسا تئی سر ءَ کار کنت۔ ھر یک شَرّیں چیزے ما جوڑ کن اِیں، آ چیز آسر ءَ مارا جوڑ کنت۔ 

۶۔ ھر یک جیڑھے ءِ توجیل سازگ ءِ ھاتر ءَ اِے سَئیں جستاں وت ءَ را جست کن۔

اولی، من چی کُت کن آں؟ دومی، من چی ونت کُت کن آں؟ سیمی، من کَے ءَ جُست کُت کن آں؟

۷۔ تو اگاں وتی زندگی ءِ مراسا ءَ وت جوڑ نہ کن ئے گڑا آکبت ھمے موہ ءِ بیت کہ تو دگرے ءِ مراسا ءِ دام ءَ کپ ئے ءُ ھیال بہ کن آھاں پہ ترا چی شَور کُتگ؟ ھِچ اِش نہ کُتگ۔

۸۔ بید ءِ لوٹ ءُ زرورت ءَ واھشت وتی بِستار ءَ ببا دنت۔

۹۔ راہ ءُ راھبند تئی مول ءُ مراد ءُ سوبمندی ءِ میان ءِ پُھل اِنت۔

۱۰۔ اِے واھشت ءَ مہ دار کہ اِے کار ارزان تِر بیتیں، ھمے واھشت ءَ بہ دار کہ تو گھتر بیتین ئے۔

۱۱۔ راھشونی ءِ یک شَرّیں مول ءُ مرادے ھمیش اِنت کہ ھما ھراب کارے کنگ ءَ اَنت آھاں کُمک بہ کن کہ پہ جْوانی ءَ کار ءَ بہ کن اَنت ءُ ھما کہ شَرّی ءَ کار کنگ ءَ اَنت آھاں گیشتر گھتر کار کنگ ءَ کمک بہ کنت۔

۱۲۔ تو اگاں پہ ھاسیں کارے ءِ ھاتر ءَ مُشکلیں گامے زیرگ ءَ رازیگ نہ ئے، گڑا ترا لسّ بروردے ءَ گوں رازیگ بیگ لوٹ اِیت۔

۱۳۔ تھنا ارزانیں کِسّہ ءُ داستاناں مہ وان۔ تو بگندئے چرآھاں وشّنود بہ ئے بلے چرآھاں بِھ رودوم نہ زیرئے۔

۱۴۔ یا وَ تو روچ ءَ گوازین ئے یا روچ ترا گوازین اِیت۔

۱۵۔ چہ وتی کار ءَ گیش وتی سر ءَ جھد ءُ جپا بہ کن۔

۱۶۔ سوبمندی یک مردمے ءِ زاتی مول ءُ مرادانی ھاتر ءَ یکشلیں دیمروئی ءِ نام اِنت۔

۱۷۔ سکین ھمے چیز اِنت کہ ترا پہ کارے ءَ بندات کنگ بہ پرما اِیت۔ آدت ھمیش اِنت کہ ترا جنزگ ءَ بہ پرما اِیت۔

۱۸۔ کِردار اِے پیمیں چیزے نہ اِنت کہ ترا بوتن ءِ وھد ءَ دیگ بیتگ ءُ تو بدل کُت ئِے نہ کن ئے انچوش کہ تئی لنکُکانی نِشان اَنت۔ اِے انچیں چیزے کہ ترا بوتن ءِ وھد ءَ بکشگ نہ بیتگ ءُ تو باید اِنت ایشی ءِ جوڑکنگ ءِ ڈُبّہ ءَ بہ زیرئے۔

۱۹۔ وتی جسم ءِ ھیالداری ءَ بہ کن۔ اِے تھنا ھما جاہ اِنت کہ ترا اِد ءَ زندگی کنگی اِنت۔

۲۰۔ وشّی چُشیں چیزے نہ اِنت کہ تو باندات ءِ ھاتر ءَ مھتل ئِے دارئے؛ اِے یک انچیں چیزے کہ ترا ھستيں وھد ءِ ھاتر ءَ جوڑکنگ لوٹ اِیت۔

۲۱۔ گوں ھما مردماں ھمنیاد ءُ ھمراھی بہ کن کہ آھانی گْور ءَ گوں تو بھر ءُ بانگ کنگی چیزے ھست۔ آھانی اسر آھانی رُکست بیگ ءَ پد ھم داں دیراں تئی زندگی ءِ سر ءَ یک پیم ءَ جْوانیں اسرے یل دنت۔

۲۲۔ اِے سپر ءِ راہ اِنت گوات ءِ نیمگ نہ اِنت کہ پدّر کنت ما کجام نیمگ ءَ رو اِیں۔

۲۳۔ مول ءُ مرادے دارگ ءِ مستریں سبب ھمیش اِنت کہ ترا آئی ءِ رسگ ءِ ھاتر ءَ چی جوڑ کنت۔ ھما چیز کہ اِے ترا جوڑ کنت چہ ھما چیز ءَ گیشتر بِستار دار اِیت کہ ترا رس اِیت۔

۲۴۔ تو باید اِنت زاتی زِمّہ واری بہ زیرئے۔ تو جاوراں، موسماں یا گوات ءَ بدل کُت نہ کن ئے بلے تو وتی جند ءَ بدل کُت کن ئے۔ ءُ اِے ھما چیز اِنت کہ ترا ایشی ءِ سر ءَ واک ھست۔

۲۵۔ بے سوبی یک تباہ کنوکیں واکیھے نہ اِنت۔ تو شپی  شپ بے سوب نہ بئے۔ بلکیں بے سوبی پیسلھانی تہ ءَ لھتیں ردیاں کہ ھمروچ پہ پرّام کنگ بنت۔

 

۲۶۔ سوبمندی نَے کہ جادوئی چیزے ءُ نَیکہ پھمیانيں۔ سوبمندی یکشل ءَ کارمرز کُتگیں بُنُکی کارانی ابرمی آسرال اِنت۔

۲۷۔ تاں کد ترا جھد کنگ لوٹ اِیت؟ داں اِے وھد ءَ ۔

 

 

جِم ران

 

 

۲۸۔ من ھما آں وھدے کہ منی مِرگ ءِ وھد کیت من مِر آں گڑا من ءَ منی زندگی ءَ ھما پیم گوزینگ ءَ بِلّ کہ ھما وڑ ءَ من وتی زند ءَ گوازینگ لوٹ آں۔

۲۹۔ وھدے کہ مھر ءِ تاکت تاکت ءِ مھر ءَ باج بارت گڑا دنیا ءَ ایمنی ءَ زانت۔

۳۰۔ اِلم ءُ زانت گپ جنت بلے دانائی گوش دار اِیت۔

۳۱۔ زند ءِ کِسّہ ءَ چہ چمّ ءِ پچ ءُ نزّی ءَ گُشاد تِر اِنت، مھر ءِ کِسّہ دروت ءُ سلام اِنت، الوداع ءُ رُکست اِنت داں کہ ما دوبر دوچار بہ کپ اِیں۔

۳۲۔ ترا دیمتر ءَ جُنزگ لوٹ اِیت ءُ گنوک بیگ لوٹ اِیت۔ گنوکی بھشت ءِ پیم ءَ اِنت۔

۳۳۔ من یک انچیں کوٹی یے ءَ زند گوازینتگ کہ آ چہ آدینکاں پُر بیتگ۔ ھر جاہ ءَ نِگاہ شُتگ من بیتگ آں۔ من وتی جوش ءُ جوھر زُرتگ ءُ وتی آدینک پْروشتگ آں۔ نی تیوگیں دنیا ایش اِنت اِد ءَ منی گِندگ ءَ آمُرز اِنت۔

۳۴۔ دنیا ءِ بدل کنگ ءِ ھاتر ءَ پیسر ءَ ترا وتی مجگ نَزّ آرگ لوٹ اِیت۔

۳۵۔ سوت ءُ زیمر دروگ نہ بند اَنت۔ اگاں اِے دنیا ءِ تہ ءَ چیزے ءَ بدل بیگی اِنت گڑا آ تھنا سوت ءُ زیمر ءِ سبب ءَ بیت کنت۔

 

جیمی ھِنڈریکس

 

۳۶۔ اگاں ما انسانانی ھزمت ءُ کُمک ءِ ھاتر ءَ وت ءَ را تیار مہ کن اِیں گڑا ما کئی ھزمت ءَ بہ کن اِیں؟

۳۷۔  کْوھنیں مجگ کْوھنیں اپسانی پیم ءَ اَنت۔ تو اگاں لوٹ ئے کہ کار بہ کن اَنت تو باید اِنت آھاں کار بہ گِر ئے۔

۳۸۔ تاکت مدام جیڑ اِیت کہ آئی ءِ ارواہ چہ نِزورین ءِ پھم ءَ مزن اِنت ءُ لیکہ شاھیگان اَنت۔

۳۹۔ زانِشت دو پیم ئیگ اَنت۔ یکے باید اِنت مارا اِے ھیل بہ دنت کہ زند ءِ گُزران ءُ کمائی چون بیت ءُ دومی ھمے کہ زند چتور گوازینگ بیت۔

 

 جان آڈمس

 

۴۰۔ وتی دُژمناں پھل بہ کن بلے آھانی ناماں ھجبر بے ھیال مہ بئے۔

۴۱۔ اِے جست مہ کن کہ تئی ملک پہ ترا چی کت کنت؛ اِے جست بہ کن کہ تو پہ وتی ملک ءَ چی کت کن ئے۔

۴۲۔ وھدے کہ یک مردمے ءِ ھکاں ھترہ بیت گڑا ھر مردم ءِ ھک کمّ تر اَنت۔

۴۳۔ تو اگاں ایمنیں آشوب ءَ نہ بیتگین کن ئے گڑا تو بے ایمن ءُ بے تاھیریں آشوبے ءَ ودی کنگ ءَ ئے۔

۴۴۔ ما باید اِنت وھد بہ کشّ اِیں ءُ ھما مردمانی منتواری گرگ ءَ بہ جلّ اِیں کہ آ مئے زندگیانی تہ ءَ تپاوتے کار اَنت۔

۴۵۔ ما باید اِنت ترس ءُ بیم ءِ تہ ءَ سُھل ءُ تران مہ کن اِیں بلے ما سُھل ءُ تران کنگ ءَ بِھ مہ تُرس اِیں۔

۴۶۔ آزاتی دربرگ ءَ ابید مدام ھترہ ءِ تہ ءَ اِنت ءُ دربرگ بید ء آزاتی ءَ دائم بے کار اِنت۔

۴۷۔ کَٹّگ ءُ باج برگ ءِ ھزار پِت اَنت بلے شکست یک چورھے۔

۴۸۔ ھمائی ءَ کہ گیشتر ھکّ ءُ داد دیگ بیت چرائی ءَ گیشتر اوست ءُ امیت دارگ بیت۔

۴۹۔ راھشونی ءُ دربرگ پہ یک دومیگ ءَ ھژدری اَنت۔

۵۰۔ یک مردمے بلکیں بیران بیت، راج بگندئے سوبمند بنت ءُ پْرُش اَنت بلے یک لیکہ ءُ ھیالے دائم برجاہ مان اِیت۔

۵۱۔ ما اگاں انّی وتی پرک ءُ پیراں ھلاس کت نہ کن اِیں کم ءَ چہ کم ما دنیا ءِ جتائیں رنگ ءُ دْروشم ءِ سلامتی ءِ دارگ ءَ آئی ءَ را کمک کت کن اِیں۔

۵۲۔ دروگ توری چینچو ھم مزن بہ بیت یکّوئی پرّام پہ پرّام گُشان ئِے کن ءُ مھلوک راست ئِے منّ اِیت۔

 

۵۳۔ یک ھراب ھیل داتگیں چُکّے یک گاریں چُکّے ءِ پیم ءَ اِنت۔

۵۴۔ آسودگیں زند ءِ ھاتر ءَ دوا مہ لوٹ پہ مھکمیں مردم جوڑ بیگ ءَ دوا بہ لوٹ۔

 

 

جان اِیپ کینڈی

 

  ۵۵۔ تو بگندئے اِے گْوش ئے کہ من یک واب گِندوکے آں۔ بلے اِے تھنا من نیاں۔ من ءَ امیت اِنت یک روچے تو ھم گوں ما ھوار کپ ئے ءُ دنیا یک پیم ءَ زندگی کنت۔

۵۶۔ چوناھا ھر ھوڈیں مردم ءِ با پُشت ءَ یک مزنیں جنینے بیت۔

۵۷۔ ھما واب کہ تو ایوک ءَ ئِے گندئے تھنا وابے۔ ھما واب کہ تو یکجاہ ءَ ئِے گِندئے آ راستی یے۔

۵۷۔ وتی اُمر ءَ وتی دوستانی ھساب ءَ شُمار بہ کن نَے کہ سالانی۔ وتی زند ءَ بچکندانی ھساب ءَ شُمار بہ کن نَے کہ ارسانی۔

۵۸۔ اگاں ھرکس ءَ دگہ ٹی وی سیٹ ءِ بدل ءَ ایمنی لوٹ اِتیں گڑا ایمنی بیتگ اَت۔

۵۹۔ من امینچو گیش تِر گِند آں ھتمن کمّ تِر زان آں۔

۶۰۔ گوں بندیں چمّاں زندگی کنگ آسان اِنت۔

۶۱۔ اگاں کسے ءِ ھیال ءَ ایمنی ءُ مھر انچائیں لبزاں کہ شستمی دھک ءِ وھداں ھتمن پُشت ءَ یلہ دیگ بیتگ اَنت، اِے یک جیڑھے۔ ایمنی ءُ مھر ابدمان اَنت۔

۶۲۔ راستی ھیال ءُ پگر ءِ سر ءَ بازیں سانے یلہ دنت۔

۶۳۔ وھدے کہ تو اندر ءَ پدرد ئے تو ھِچّ چیز چیر دات نہ کن ئے۔

۶۴۔ بے کساس ابدمانیں مھر منی آتراپاں انچو جلشکگ ءَ اِنت انچوش کہ لکّھانی کساس ءَ روچ من ءَ کازماس ءِ نیمگ ءَ یک پیم ءَ توار پر جنگ ءَ اَنت۔

۶۵۔ مھر پُلّے ءِ پیم ءَ اِنت ترا بس رودینگ لوٹ اِیت۔

۶۶۔ من چہ وتی دوستانی کمک ءَ وتی گُزران ءَ کن آں۔

۶۷۔ مھر یک اھد ءُ مُسامے، نشانی یے، یک برے کہ دیگ بوت بِھ شموشگ نہ بیت۔ ایشی ءَ ھجبر گار ءُ گُمسار بیگ ءَ مئیل۔

۶۸۔ من دیمتر ءَ چتور شت کن آں وھدے کہ من نہ زان آں من وتی دیم کجام نیمگ ءَ کتگ ءُ سر گپتگ آں؟

۶۹۔ مئے چاگرد ءَ گنوکیں مردم گنوکیں مول ءُ مرادانی ھاتر ءَ دیم ءَ برگ ءَ اَنت۔

 

 

جان لِنن

 

 

۷۰۔ تھنا زانشتی نکانانی وانگ مجگ ءَ سمبھین اِیت ءُ تیار کنت؛ بلے اِے جیڑگ اِنت کہ مئے ونتگیں نکاناں گوناپے دنت۔

۷۱۔ نوکیں ھیال ءُ لیکھانی سر ءَ دائم شکّ کنگ بیت، لسّ جاوراں بید ء منّانک ءَ مردم ایشانی بگیر ءَ بنت پرچا کہ اِے لسّ چیز نہ اَنت۔

۷۲۔ راستی ءَ راستی ءِ ھاتر ءَ دوست دارگ اِے دنیا ءِ تہ ءَ انسانی سرجمی ءِ بنکی راھبند اِنت ءُ دْراھیں شَرّیانی ھُنڈال اِنت۔

۷۳۔ اِد ءَ ھِچّ انسان ءِ زانت ءُ اِلم چہ آئی ءِ کُتہ کاری ءَ بُرز تِر شُت نہ کنت۔

۷۴۔ بلے تھنا یک چیزے ھست کہ مردماں یاگی ئیں شور ءُ پساد ءِ تہ ءَ یکجاہ کنت ءُ آ زُلم اِنت۔

۷۵۔ دْراھیں بنی آدم الّم ءَ ردی کن اَنت ءُ گیشتر مردم گیشتر جاھاں وتی جزبگ ءُ ھُبّ ءِ چیردستی ءُ ھدوناکی ءَ چوش کن اَنت۔

۷۶۔ سجّھیں مال ءُ مڈّی جھد ءُ جپا ءِ برورد اِنت۔

۷۷۔ وانینوکے ءِ ھاتر ءَ ھُکم دیگ چہ وانینگ ءَ ارزان تِر اِنت۔

۷۸۔ مات ءُ پِت جیڑ اَنت کہ باريں پرچا چمّگ ءِ آپ زھر اِنت، وھدے کہ آھاں وت چمّگ ءِ آپ زھر مان کُتگ۔

 

جان لاک

سرشون:

Brilliant Quotes – An App from Google Play Store