پیاپیں ٹَوک (دھمی بھر)

 

 

 

رجانکار: اُزیر مھرؔ

 

۱۔ من وتی وشّی ءِ شوھاز وتی واھشتانی پیلو کنگ ءِ جھد ءِ بدل ءَ آھانی پابند ءُ دارگ ءَ در برتگ۔

۲۔ یک مردمے گوں وتی کاراں ءُ بے کاری ءَ  پہ دگراں بگندئے ھرابی ءُ تاوانے ءِ سبب بیت توری کجام ھم دوئیں جاور بہ بنت آ پھک ءَ نُکس ءُ تاوان ءِ زمّہ وار اِنت۔

۳۔ یک مردمے گوں وتی سِتک ءَ نود ءُ نُھ نپر ءِ تاکت ءِ بروبر اِنت کہ آھاں تھنا ھُبّ ھست۔

۴۔ ھر زْرُمبشت الّم چرے سئیں جاوراں گْوز اِیت: تژن ءُ ملنڈ، باوست، منّگ۔

۵۔ ھما چیز کہ بازیں مردماں چہ کمّیں مردماں جتا کنت آ ایش اِنت کہ بازیں مردمے وتی سِتک ءُ یکین ءِ رِد ءَ کار نہ کن اَنت۔

۶۔سبب اِے نہ اِنت کہ مردمانی واھشت مھکم اَنت مردم شِرّیں کار کن اَنت؛ سبب ایش اِنت کہ آھانی زِرد نِزور اَنت۔

۷۔ زند ءَ پہ ھما مردماں ھاسیں تام ءُ مِزگے ھست کہ آھاں جنگ کتگ ءُ ھرچیز ھترہ ءُ پُر گپچلیں وھد ءَ پاوان کتگ کہ اِے تام پھاز اِتگ ءُ رکینتگیں سَراں نسیب نہ بیت نَے کہ مار اِت ئِے کن اَنت۔   

۸۔ بازیں راستی یے ھست کہ آھانی مانا سما کنگ ءُ مارگ داں ھما وھد ءَ نہ بیت داں کہ زاتی کُتہ کاری آئی ءَ لوگ ءِ راہ ءُ درے پیش مہ دار اَنت۔

۹۔ دْراھیں شَرّیں چیز کہ وجود اِش ھست اسلی ءِ برورد اَنت۔

۱۰۔ دْراھیں زانتکاری باوست ءُ تراناں اگاں  آ مردم منّ اَنت اِش گڑا باوست ءِ دوئیں نیمگ راست اَنت ءُ ھر نیمگ ءِ کہ آ اِنکار کن اَنت آ رد اِنت۔

 

 

جان اسٹورٹ مِل

 

۱۱۔ ھِمّت ھمے چیز ءِ نام اِنت کہ تُرس ءَ مِرگی بہ بئے بلے پد ءَ ھم وتی پاداں مھمکی ءَ بہ دار ءُ بہ اوشت۔

۱۲۔ چہ وتی جاہ ءَ پاد بیا ءُ گوں سنگاراں ھوار بہ کپ۔

۱۳۔ دْراھیں جنگ ھما تُرسوکیں مردماں مِڑ اِتگ اَنت ءُ باج بُرتگ اِش کہ آھاں دگہ جاھے ءَ بیگی بیتگ۔ 

۱۴۔ زند گران اِنت بلے اِے چدو گران تِر بیت اگاں تو ھوڈے بہ بئے۔

۱۵۔ جھلیں توار ءَ گپّ کن، نرم نرم ءَ گپ کن ءُ باز گپ مہ کن۔

۱۶۔باندات زند ءِ تہ ءَ مزنیں ارزشتے دار اِیت۔ شپ ءِ نِپس ءَ پھک ءَ کیت۔ اِے سرجم اِنت وھدے کہ کیت ءُ سربیت ءُ وت ءَ را مئے دست ءَ دنت۔ باندات امیت دار اِیت کہ ما چہ زیکیں روچ ءَ چیزے دربرت۔

 

جان وین

۱۷۔ وتی وژنامی ءَ گیش وتی کردار ءِ بابت ءَ پِگرمند بہ بئے پرچا کہ تئی کِردار ھما چیز اِنت کہ تو اسل ءَ ھست ئے بلے تئی وژنامی تھنا ھما چیز اِنت کہ دگہ تئی بابت ءَ جیڑ اَنت کہ توئے۔

۱۸۔ تئی روچ داں ھما وھد ءَ جْوان گوست کت نہ کنت داں وھدے کہ تو ھما مردم ءِ ھاتر ءَ چیزے نہ کن ئے کہ آ ترا ھجبر آئی ءِ بدل ءَ دات کت مہ کنت۔

۱۹۔ لائکی ءُ بودشت بگندئے ترا برز ءَ بر اَنت بلے اِے کِردار اِنت کہ ترا اود ءَ دار اِیت۔

۲۰۔ ھجبر نیمّون مہ کن۔ تئی دوستاں ایشانی زرورت نہ اِنت ءُ تئی دژمن ایشانی سر ءَ یکین نہ کن اَنت۔

۲۱۔ مِڑوکیں لیبی لیب ءِ تہ ءَ بِھ پروش نہ ور اَنت آھانی تھنا وھد ھلاس بیت۔

۲۲۔ تئی گْور ءَ اگاں انّی کارے ءِ کنگ ءِ وھد نیست گڑا تئی گْور ءَ کدی وھد بیت کہ آ کار ءَ آسر کن ئے؟

   ۲۳۔ مردمے ءِ کردار ءِ اسل چکّاس ھمیش اِنت کہ آ چی کنت وھدے کہ کسّ آئی ءَ چارگ ءَ نہ اِنت ۔

۲۴۔ جْوان تِریں چیزے کہ یک پِتے پہ وتی چُکّاں کُت ئِے کنت ایش اِنت کہ آھانی مات ءَ مھر بہ کنت۔

۲۵۔ اِے اُردیں وِچّور اَنت کہ باز ارزشت دار اَنت۔ اُردیں چیز مزنیں چیزانی بیگ ءِ سبب جوڑ بنت۔

۲۶۔ تیار بیگ ءَ بے سوب بیگ بے سوبی ءَ تیار بیگ ءِ گواھی اِنت۔

۲۷۔ بودشت ھُدائی دادے۔ مشھوری مردمی دادے۔ منّتوار بہ بئے۔ گُروناکی وت داتگیں دادے۔ ھیال بہ دار۔

۲۸۔ وتی کمائی ءُ رِزک ءَ مئیل کہ ترا زندگی کنگ ءَ مئیل اِیت۔

۲۹۔ گُشاد بہ بئے بلے اِشتاپی مہ بئے۔

۳۰۔ تئی سجھیں زانگ ءَ پد ھرچی کہ تو چہ ھما چیز ءَ در برئے مانا ءُ ارزشت دار اِیت۔

 

جان ووڈن

 

۳۱۔ ھساب ءُ شمار ءِ تہ ءَ تو چیزاں سرپد نہ بئے۔ تو تھنا آھانی ھیل دار بہ ئے۔

۳۲۔ ما دْراھیں مھکمیں کاریچانی پیش گوشی ءَ کن اِیں۔ ما دْراھیں نِزرویں کاریچانی گِر ءُ دار ءَ کن اِیں۔

۳۳۔ اگاں مردم اِے یکین نہ کن اَنت کہ ھساب ءُ شمار سادہ ءُ آسان اِنت گڑا ایشی ءِ سبب ایش اِنت کہ آھاں اِے سما نہ کُتگ کہ زندگی چینچو مشکل ءُ گران اِنت۔

 

جان وان نیومن

 

۳۴۔ منی ھیال ءَ ھما کار کہ کنگی اِنت آ ھمیش اِنت کہ داں کہ تو سوار ئے چہ سواری ءَ وشّنود بہ بئے۔

۳۵۔ ھما ساھدار کہ تھنا آھاں پہ جْوانی ءَ ردوم زرتگ ءُ وتی پاک ءُ بے کچھیں مھر ءِ درانگازی ءَ کن اَنت آ کُچک ءُ نُنُّک اَنت۔

 

جونی ڈِپ

 

 

۳۶۔ تو منی سر ءَ کندئے چیا کہ من جتا آں۔ من تئی سر ءَ کند آں چیا کہ تو پھک ءَ یک پیم ءَ ئے۔

۳۷۔ اسل دوست دیم پہ دیم کنجر ءُ کاٹار جن اَنت۔

۳۸۔ من کِمار نہ کن آں کہ مردم منی بابت ءَ چی جیڑ اَنت ءُ گْوش اَنت۔ من زان آں من کَے آں۔

 

جانتھن ڈیوِس

 

۳۹۔ وانگ مجگ ءِ ھاتر ءَ انچو ھما پیم ءَ اِنت  ارزشت دار اِیت انچوش کہ ورزش جسم ءِ ھاتر ءَ۔

۴۰۔ انسانیت ءَ بچکند انچوش پکار اِنت انچوش کہ پُلّاں روچ ءِ رُژن ءُ برانز۔ اِے ھتمن کسانیں چیز اَنت بلے زند ءِ کہ راھسراں شِنگ ءُ تالان بیت اَنت، اِے امینچو شَرّی کن اَنت کہ پھم ءُ گمان ءَ در اِنت۔

۴۱۔ زند ءِ دْراھیں کِشک ءُ راھانی تہ ءَ ھِچّ چُشیں ھاسیں چیز نیست کہ ایشی ءِ ھورکیں پراھگاں پُرّ بہ کنت اینچو کہ سیتّمند ءُ دل وشّ کنوکیں نبشتہ کار کن اَنت۔

۴۲۔ مردمے ءِ اولی ھیال باید اِنت وتی جند ءِ دل ءِ تژن ءُ شَگانانی رکّینگ بہ بیت۔

۴۳۔ انسان ءِ زند ءِ شیرکن ءُ ڈولدار کنوکیں مستریں چیز دوستی اِنت۔  ایشی ءَ را وشّنودی ءِ مستریں چُنبال ءَ رسینگ ھما اسرار اِنت کہ باز کمّ مردم شوھاز اَنت ئِے۔

۴۴۔ اِے زند ءِ تہ ءَ وشّی ءِ سَے بُنکی گپّ ھمیش اَنت کہ چیزے کنگ بہ بیت، چیزے مھر کنگ بہ بیت، ءُ پہ چیزے ءَ امیت دارگ بہ بیت۔

۴۵۔ تو اگاں زند ءِ تہ ءَ سوبمندی لوٹ ئے گڑا گامانی مھکم دارگ ءَ وتی دلی دوست، کُتہ کاری ءَ وتی دانائیں سلاہ دیوک، ھُژاری ءَ وتی مستریں برات ءُ امیت ءَ وتی زانتکاریں سروک جوڑ بہ کن۔ 

۴۶۔ اسل چیز ھمّت اِنت۔ اگاں ھمّت روت دْراھیں چیز رو اَنت۔

 

 

جوسِیپ ایڈیسن

 

 

۴۷۔ ناں تھنا بے سوبی مئے سُستی ءِ سزا اِنت بلکیں دگرانی سوبمندی ھم ھوار اَنت۔

۴۸۔ سُستی دمبرگ ءَ پیسر آرام کنگ ءَ ابید دگہ ھچّے نہ اِنت۔

۴۹۔ ھر چیز ءَ کہ تو لوٹ ئے آ تئی ودار ءَ اِنت کہ تو آئی ءَ را تلب بہ کن ئے۔ ھرچیز ءَ کہ تو لوٹ ئے آ چیز ھم ترا لوٹ اِیت۔ بلے پہ آئی ءَ رسگ ءُ دست گرگ ءِ ھاتر ءَ ترا کار ءُ کُنش کنگ لوٹ اِیت۔

۵۰۔ بُندر ءَ آجوئیں مردم ھما اِنت کہ آ نیمّونے دیگ ءَ ابید یک شامے ءِ داتگیں داوت ءَ اِنکار بہ کنت۔

۵۱۔ تو اگاں ایوک بیگ ءَ تُرس ئے گڑا راست بیگ ءِ جھد مہ کن۔

۵۲۔ جنینے ءَ چوش مہ گْوش کہ تو زیبائے؛ آئی ءَ را چوش بہ گْوش کہ تئی پیمیں جنین نیست ءُ دْراھیں راہ ءُ در پتّو پچ بنت۔

۵۳۔ زمین ءِ سر ءَ بھشت نیست بلے آئی ءِ بھر ھست اَنت۔

 

 

 

جولس رینارڈ

 

 

سرشون:

Brilliant Quotes – An App from Google Play Store