اسیلیں مھر گار نہ بیت

 

اسیلیں مھر گار نہ بیت

رجانکار: اُزیر مھرؔ

پرانز کاپکا(1924-1883)کہ آئی ءَ داں چِل سال ءِ اُمر  ءَ زندگی کتگ اَت ءُ ھجبرسیر ءُ سانگ نہ کتگ اَت ءُ چُک ءُ چلانگ  ئِے نیست اَت، یک روچے برلن  ءِ پارک ءِ تہ ءَ گردگ ءَ اَت وھدے کہ آئی ءَ  گوں کسانیں جنکویے ءَ ڈیک وارت  کہ زار زار ءَ گریوگ ءَ اَت پرچا کہ اُردلیں جنکو ءِ دلدوستیں دُتک گار بیتگ اَت۔ جنکو ءُ کاپکا ءَ دتک پارک ءِ تہ ءَ شوھازگ ءِ باز جُھد ءُ جپا کت بلے بے سوب بوت اَنت۔ کاپکا ءَ گونڈو ءَ را گو شت کہ باندا  پد ءَ گوں من ءَ ھمد ءَ دوچار کپ، ما پدءَتئی دُتک ءَ شوھاز اِیں۔

دومی روچ ءَ وھدے کہ دنیگا آھاں دتک در نہ گیتکگ اَت، کاپکا ءَ جنکو ءَ را یک نمدی یے دات، دتک ءَ نبشتگ اَت:

"بانک  مہ گریہ شنکوں۔ من دنیا ءِ تر ءُ تاب ءُ چارگ ءَ درکپتگ آں۔ من وتی سات ءُ ساپر ءِ بابت ءَ ترا نبشتہ کن آں۔"

بس پد ءَ اِے کسّہ یکشل ءَ بندات بیتگ اَت  داں کاپکا ءِ   زند ءِ آسر ءَ ھمے پیم  روان اَت۔

کاپکا ءُ جنکو ءِ نِند ءُ نیاد ءِ میان ءَ کاپکا ءَ دتک ءِ نمدی گوں اِنان ءُ دلگوشی ونت اَنت کہ دتک ءِ سپر ءُ باوستانی  بابت ءَ اِت اَنت ءُ جنکو ءَ سک دوست بوت اَنت۔

گُڈسر ءَ کاپکا  ءَ دتک آورت (بِزاں آئی ءَ دگہ نوکیں دتکے بھا گِپت)  کہ چہ سات ءُ سپر ءَ واتر آتکگ۔

" اِے تُشے اوں منی دتک ءِ چھرگ ءَ نہ جنت"،جنکو ءَ درّائینت۔

کاپکا ءَ جنکو ءَ را دگہ یک نمدی یے دات کہ دتک ءَ نبشتہ کتگ اَت:

"منی سپر ءُ ترّ ءُ تاباں من ءَپھک ءَ بدل کتگ۔" اردلیں جنکو ءَ دتک ءَ را امباز اِت ءُ پہ وشّی وتی لوگ ءَ بُرت۔سالے ءَ پد کاپکا بیران بوت۔

بازیں سالاں پد، ھمے جنکو رُست ءُ مزن بوت آئی ءَ دتک ءِ تہ ءَ یک نمدی یے دست کپت کہ نمدی  ءِ سر ءَ گوں ایرت ءُ کسانیں لبزاں کاپکا ءَوتی دزنام نبشتہ کتگ اَت:

"ھر چیز ءَ را کہ تو مھر کن ئے ءُ دوست دارئے بگندئے  پہ ادارکی گار ءُ گُمسار بہ بیت، بلے آسر ءَ مھر دگہ یک دروشمے ءُ دابے ءَ واتر کیت ءُ پدّر بیت۔"

سرشون:

1.  https://epicureanglobalexchange.com/kafka-lost-doll-little-girl/

2.  https://www.linkedin.com/pulse/kafkas-doll-himani-s-cc

3.  https://medium.com/@mitranmiana/at-the-age-of-40-franz-kafka-who-was-never-married-and-had-no-children-was-walking-through-a-454fdb0adee6

4.  https://forums.sassnet.com/index.php?/topic/362355-franz-kafka-and-the-little-girl/

5.  https://tengritagh.org/2020/09/04/franz-kafka-and-a-little-girl/