گوشکند - رجانکار : اُزیر مهر

یک پیریں دهکانے ءَ وتی چُک ءَ نمدی یے نِبشت کہ آ بندیگ جاه ءَ بندیگ اَت
"منی چُک من اِے سال ءَ پنڈال ءُ بٹاٹہ نہ کِش آں پرچاکہ من نی پیر ءُ آجز آں ڈگار ءَ گْوتک نہ کن آں من زاناں اگاں تو اِد ءَ بوتین ئے تو منی کُمک کُتگ اَت چُک ءَ وتی پِت پسو دات


 " ابا ڈگار ءِ کِشت ءُ کِشار ءِ بارو ءَ هِچّ مہ جیڑ چے ءَ کہ من وتی دُز اِتگیں زَرّ ءُ مال هَمود ءَ چیر داتگ اَنت. وهدیکہ آئی جی پی ءُ هَوالدار ءَ بچک ءِ نمدی دست ءَ کپت ءُ وَنت اِش اِیشی ءَ پد بندیگ جاہ ءِ گیشتریں مردم اِے هال ءَ سَهیگ بُوت اَنت.سُهب ءَ مَهلا پولیس دهکان ءِ ڈگار ءِ سر ءَ شُت اَنت پہ زَرّ ءِ شوهاز ءَ توامیں ڈگار گوتک اِش بَلے هِچّ اِش دست نہ کپت.


دومی روچ ءَ چُک ءَ پد ءَ وتی پِت ءِ سر ءَ یک نمدی یے نبشت ءُ دیم دات " منی پِت نی تو وتی پینڈال ءُ بٹاٹهاں کِشت کن ئے. پِت ءَ وتی چُک ءِ نمدی ءِ پسو اِے پیم ءَ دات ها ها ها ! ! ! ( پِت کندگ ءَ لگّ اِت ) منی چُک هِچّ شکّ نیست کہ ترا باز زور مان اِنت تو بندیگ جاه ءَ بند ئے بلے پد ءَ هم پولیس منی واستا کار ءَ پرماتگ اَنت من باز هیران ءُ ابکہ بُوتگ آں وهدیکہ من دیستگ آئی جی پی ءُ آئی ءِ همراهیں دراهیں پولیساں شِیول ءُ ٹیکُّم دست ءَ بُوتگ.وهدیکہ رون ءِ موسم کیت من ترا 
کلوهے دیم دیاں .


کِسّہ ءِ درونت : کس تئی مجگ ءَ بندیگ کُت نہ کنت بِلِّے کہ تو بندیگ ئے.