Colonel Sanders | Kentucky Fried Chicken

رجانکار: اُزیر مهر

یک رندے پیریں مردکایے هست اَت، لنگڑ ءُ نیزگار اَت- آ یک کسانیں لوگے ءُ کْوهن ءُ کلنڈیں گاڑی یے ءِ واهند اَت- آئی ءِ گُزران چاگرد ءِ تہ ءَ جاگهے ءَ مردمانی چارگ ءُ نگهپانی کنگ ءَ چہ رس اِتگیں زرّ 90$ بُوّگ ءَ اَت- 65 سال ءِ سِند ءَ مرد ءَ همے شَور کُت کہ پمّن ءَ جاورهال باید اِنت بدل بہ بنت- آئی ءَ پِگر ءُ سسّا کُت کہ من چِہ چیزے دنیا ءِ مردمانی دیم ءَ بْیارآن ءُ پیش بکن آں- آئی ءِ دوزواهاں باز رپٹ اِتگ ءُ کوکّار ءُ جاک کُتگ کہ ایشی ءِ گْور ءَ مُرگ ءِ ورگ (Chicken)اڈ کنگ ءُ گْرادگ ءِ بے مٹّیں راهبند ءُ نمونگے (recipe)هست-

پیر مرد ءَ همے سوڑگ کُت کہ اے منی جْوانیں گامگیجے بیت چریشی ءِ سبب ءَ من بدلی یے آؤرت کن آں-

آ پہ وتی ورگ گرادگ ءِ نمونگ ءِ بها کنگ ءِ جهد ءَ چہ ( Kentucky ) ءَ درآتک ءُ جِتا جتائیں هلک ءُ دمگ گول اِت اَنت ئِے-

آئی ءَ ورگ جاه ءُ هوٹلانی واهند گْوشت اَنت کہ منی گْور ءَ دپ آپ دیوکیں مُرگ گرادگ ءِ رهبند ءُ نمونگے هست-

پیر مرد ءَ همے نمونگ ورگ جاه ءُ هوٹلانی واهنداں مُپت ءَ دات تهنا یک کسانیں کساسے زرّ لوٹ اِت ئِے کہ اگاں شُمئے هوٹل ءِ ورگ بها بیت اَنت گُڑا منی چار ءُ گُزار ءَ بکن اِت-

انچوش سما بیت کہ شرّیں سودایے گِندئے ؟

بدبهتی ءَ گیشتر ورگ جاه ءُ هوٹلانی واهنداں پیر مرد ءِ اِے سودا نہ منّ اِت ءُ نہ زُرت- کساس هزار رند ءَ گیش مرد رَد کنگ بوت بلے اینچک ڈالچار بُوّگ ءَ پد هم آئی ءَ وتی جهد یلہ نہ کُت، دل ایکیم نہ بوت-

آ سدّک اَت کہ آئی ءِ مُرگ ءِ گرادگ ءِ رهبند ءُ نمونگ باز جْوان ءُ بے درور اِنت-

آ اولی رند ءَ " هو" گْوشگ ءَ پیسر یک هزار ءُ نُه‍ رند ءَ " اِنّاں" گْوشگ بوتگ-

(Colonel Harland Sanders)

کلنل هارلینڈ سینڈرس ءِ همے سوبمندی ءِ سبب ءَ بدلی یے آؤرت مروچی امریکہ ءِ مردم وشتامیں مُرگ ءِ گْوشت ءَ وراَنت همے مرد ءِ جُهدانی برورد اِنت کہ

(Kentucky Fried Chicken)

کہ ( KFC) ءِ نام ءَ زانگ بیت، جوڑ بوت-

یات بکن ! مُدام وتی سر ءَ اوست ءُ باور بکن توری تو امینچک رند ءَ رَد کنگ ءُ ڈالچار کنگ بہ بئے