مُرواردیں گال

 

 

 

 

رجانکار: اُزیر مھرؔ

 

۱۔ وتی گْوست ءِ ساھگ ءَ مئیل کہ تئی باندات ءِ دروازگ ءِ دپ ءَ تھار بہ کنت۔ پھل بہ کن ءُ شموش۔

 

 

۲۔ مھکم ءُ توانائیں مردم آ نہ اَنت کہ مئے دیم ءَ وتی زور ءُ تاکت ءَ پیش دار اَنت بلکیں ھما اَنت کہ انچیں جنگاں باج بر اَنت کہ ما آھانی بابت ءَ ھِچّ سھیگ نہ اِیں۔ 

 

۳۔ ما بار بار بے ھیال بہ اِیں کہ وشّی چہ ھما چیز ءِ رسگ ءَ نئیت کہ مئے گْور ءَ نیست اِنت بلکیں ھرچی مئے گْور ءَ ھست آئی ءِ کدر ءِ کنگ ءَ کیت اِنت۔

 

۳۔ تُرس مدام چہ بے سوبی ءَ گیشتر واباں کُش اِیت۔

 

۴۔ کارے ءَ گوں جزبگاں بہ کن یا وَ مہ کن ئِے۔

۵۔ اُمیت چہ تُرس ءَ ایوکیں مھکم تِریں چیز اِنت۔

 

۶۔ زند سکّ کسان اِنت کہ گوں ھرابیں مردماں گْوازینگ بہ بیت۔

 

۷۔ یک شَرّیں اِشکنوکے بہ بئے تئی گوش ترا بِھ گپچلے ءَ دور نہ دے اَنت۔

پرینک ٹائیگر

 

  ۸۔ وھدے کہ دگہ مردمے ءِ وشّی تئی وشّی اِنت، مھر ءُ مھبت ھمیش اِنت۔

 

۹۔ گُڈّسر ءَ مارا وتی دشمنانی گپّاں یات نیا اَنت بلکیں وتی دوستانی ھاموشی یات کیت اِنت۔

مارٹن کِنگ لوتھر جے آر

 

۱۰۔ زانشت ھمیش اِنت کہ بہ زان ئے چی گْوشگی اِنت دانائی ھمیش اِنت کہ بہ زان ئے ھمے گپ گوشگی اِنت یا ناں۔

 

۱۱۔ سوبمندی مدامیگی یے نہ اِنت ءُ بے سوبی نہ کُش اِیت۔

مائیک ڈِٹکا

 

۱۲۔ بید ء واباں ما ھِچّ جاہ ءَ نہ رس اِیں، بید ء مھر ءَ ما ھِچّ نہ مار ايں، بید ء ھُداوند ءَ ما ھِچّ نہ اِیں۔

 

۱۳۔ ھاموش بہ بئے یا وتی گالاں شکسا کہ چہ ھاموشی ءَ گیشتر بستار دار اَنت۔

پیسا گورس

 

۱۵۔ اَے ھُداوند منی راھدربری ءَ بہ کن دانکہ من دگرانی راھدربری ءَ بہ کن آں۔

 

۱۶۔ ما دْراھیناں گٹر ءِ تہ ءَ شھار داتگ بلے مئے تہ ءَ لھتیں مردم استارانی نیمگ ءَ چارگ ءَ اَنت۔

 

آسکر وائلڈ

 

۱۷۔ ازگار تِریں مردم آ نہ اِنت کہ آئی ءِ گْور ءَ گیشتر مال ءُ متا ھست اِنت بلکیں ھما اِنت کہ آئی ءَ کمتر پکار اِنت۔

 

۱۸۔ ھُداوند وتی گْران تِریں جنگاں وتی مھمکم ءُ توانا تِریں سپاھیگاں دنت۔

 

۱۹۔ وشّی ءِ اسرار ھمیش اِنت کہ وھدے دگہ مردم وتی اڑ ءُ جنجالاں گیش کنگ ءَ آں تو وتی داد ءُ رھمتاں ھساب بہ کن۔

 

۲۰۔ سوبمندیں مردمانی رس اِتگیں سوبمندی ھدائی داد ءُ آھانی زاتی بودشتے نہ اِنت آھاں تھنا جھد ءُ مھنت کُتگ ءُ پد ءَ وتی مول ءُ مراد ءَ سوبمند بیتگ اَنت۔ 

 

جی کے نیلسن

 

۲۱۔   برے برے ھاوند تئی جاور ءَ بدل نہ کنت پرچا کہ آ تئی دل ءِ بدل کنگ ءِ جھد ءَ اِنت۔

 

۲۲۔ زند ءِ تہ ءَ بژن اِے گپّ ءِ نہ اِنت کہ وتی مول ءُ مراد ءُ مکسد ءَ سر نہ بہ ئے بلکیں ھمے گپّ ءِ ئیگ اِنت کہ سربیگ ءِ ھاتر ءَ مول ءُ مراد ءِ جند مہ بیت۔

 

بینجمن مئے

 

۲۳۔ ھُداوند مردماں جُھل آپ ءَ کار اِیت آھانی بُکّینگ ءِ ھاتر ءَ ناں بلکیں ھمے ھاتر ءَ دانکہ آھاں پاک ءُ پلگار بہ کنت۔

جان اگی

 

۲۴۔شاہ ءِ نیمگ ءَ روگ ءَ مہ تُرس پرچا کہ اِے ھما جاہ اِنت ترا نیبگ رس اَنت۔

ایچ جیکسن براؤن

 

۲۵۔ اگاں تئی وشی گوں ھمے چیز ءَ بندوک اِنت کہ دگرے چی کنت گڑا منی ھیال ءَ ترا جیڑھے ھست۔  

 رِچرڈ باک

 

۲۶۔ مھر ءِ اولی دژمن جیسک ءُ نپرت نہ اِنت بلکیں تُرس اِنت۔ اِے تئی کسے ءِ سر ءَ بیسہ کنگ ءِ زِکت ءَ برباد کنت۔

 

۲۷۔ وتی مجگ ءَ گوں راستی ءَ، وتی دل ءَ گوں مھر ءَ ءُ وتی زند ءَ گوں ھزمت ءَ پُر بہ کن۔

 

۲۸۔ تُرس مارا دْراھیں دراجیں شپ ءَ بے واب کنت بلے سِتک مارا یک سرجاھے ءِ سر ءَ اشکام بکش اِیت۔

 

۲۹۔ مھکم تِریں مردم مدام ھما مردم نہ اَنت کہ باج بر اَنت بلکیں ھما مردم اَنت وھدے کہ آ شِکست ور اَنت وتی جھد ءَ یلہ نہ دے اَنت۔

 

۳۰۔  سوبمندی گوں کار ءُ سُر ءُ پُر ءَ ھمگرنچ گندگ ءَ کیت۔ سوبمندیں مردم جُنزان کن اَنت۔ آ ردی کن اَنت بلے آ بِھ کار ءَ یل نہ کن اَنت۔

کانرڑ ھیلٹن

 

۳۱۔ مھر ایوکیں تاکت اِنت کہ یک دُژمنے ءَ دوستے ءِ تہ ءَ بدل کُت کنت۔

مارٹن کِنگ لوتھر

 

۳۲۔ یات بہ دار کہ مستریں بے سوبی جھد ءُ کوشست نہ کنگ اِنت۔

 

۳۳۔ چیزے ءِ واب بہ گِند، سِتک بہ دار، ھاسل ئِے بہ کن۔

 

۳۴۔ وتی اولی تاکدیم ءَ گوں دِگرے ءِ بیستمی تاکدیم ءَ دیم پہ دیم مہ کن۔

 

۳۵۔ ھر چیز ءِ ترا تُرس اِنت ھمائی ءَ بہ کن تُرس وت ھلاس بیت۔

 

۳۶۔ سوبمندی ءِ کِلّیت ھمیش اِنت کہ زند ءِ ھر تک ءُ پھنات ءَ (زھنی، اروائی ءُ جسمانی) ردوم بہ زیر۔ ( 

جولی ایس اروِنگ

۳۷۔  ھر مِلٹے ءِ تہ ءَ تو زھر ئے تو وشّی ءِ شَست کَترہ ببا دئے۔

 

رالپ والڈو ایمرسن

 

۳۸۔ اگاں تو اُمیت مہ دار ئے تو زانت نہ کن ئے کہ تئی اُمیتاں آ دیم چی ھست۔

ایس ٹی کِلیمینٹ

 

۳۹۔ وتی بچکند ءَ بِلّ کہ جھان ءَ بدل کنت بلے جھان ءَ ھجبر مئیل کہ تئی بچکند ءَ بدل بہ کنت۔

 

۴۰۔ اگاں تو لوٹ ئے کہ دنیا ءِ تہ ءَ دگری یے بیار ئے ترا چہ دنیا ءَ جِتا بیگ لوٹ اِیت۔

 

۴۱۔ پسّو مئے وتی اندر ءَ اِنت۔ اگاں ما وتی تہ ءَ ایمنی ءُ وشّی درگیتک نہ کن اِیں اِے چہ ڈَنّ ءَ آھگی نہ اَنت۔

ٹِنزِن پلمو

 

۴۲۔ دوست ھما اِنت کہ تئی ھاتر ءَ ساڑی اِنت وھدے کہ آئی ءَ دگہ جاھے ءَ بیگی اَت۔

نیل کاپمین

۴۳۔ سِتک ھما درمان  اِنت کہ دْراھیں جیڑہ ءُ جنجالاں وَشّ کنت۔ بید ء سِتک ءَ ھِچّ اُمیت ءُ مھر نیست۔

 

۴۴۔ بِھ سکّ دیر نہ گْوستگ۔ سکّ دیر نہ گْوستگ کہ کارے دوبر بندات بہ کن ئے۔ سکّ دیر نہ گْوستگ کہ گَل ءُ شاداں بہ بئے۔

جین پانڈا

 

۴۵۔ اگاں دنیا ءَ تھنا وَشیّ بیتین اَت ما دِلاور ءُ اوپارکنوک بیگ بِھ در نہ بُرتگ اَت۔

ھیلن کیلر