کِسّہ بندات بیت

 

نبشتہ کار: سیّد اسد علی

رجانکار: اُزیر مھرؔ

 

" ھر یک مردمے یک ھاسیں ءُ پھمیانیں کِسّھے"

"ھر یک مردمے یک ھاسیں ءُ مانگیشّ اِتگیں کِسّھے"

 

 

کِسّہ انسان ءِ نپری (انفرادیت) ءَ بُنگپّ جوڑ کنگ ءَ گوں نبشتہ کنگ بیت۔ کِسّہ کار ءِ ایرت چار ءُ نازُرکیں نِگاہ یک مردمے ءِ تہ ءَ یک ھاسیں گپّے ءَ یک ھاسیں نگاھے ءَ چار اِیت ءُ چریشی ءَ پد آئی ءَ بید ء نبیسّگ ءَ سھتے نہ بیت۔ جْوانیں کِسّہ کار کِسّہ ءَ یک ھاسیں چاگردے ءِ یا یک ھاسیں ٹَکّ ءُ کُٹمے ءِ جھاگیر جوڑ نہ کنت بلکیں آ گوں یک جتائیں رسانکے ءِ ھمرائی ءَ یک بُنگپّ  یا یک چاگردے ءَ نوکیں دْروشمے ءَ نبیسّگ شَر تِر لیک اِیت۔

 

زندگی ءِ رَشت ءُ رپتار وَ ھما اِنت کہ ھزاراں سال یکشل ءُ یک پیم ءَ بوان اِنت ءُ پیداک اِنت البت ھیال بدل بنت ءُ ھیالانی پجّیگ ءَ جاوراں ھم بدل بیگ کپ اِیت۔ اِزمکار چہ ھیال ءُ جاورانی تہ ءَ ودی بیوکیں ڈَکّر ءَ نوکیں جاور ءَ گْوست، ھست ءُ باندات ءِ نِگاہ ءَ ایرکنان ءَ اِے کار ءُ کُتہ کاری ءَ مار اِیت۔ آسرالاں کَشّ اِیت۔ درشانداب ءِ زور ءَ دگراں بھمانگ ھم کنت ءُ وتی ھم ھیال دی جوڑ کنت۔   

 

" بلے من چوش کُت نہ کن آں۔ منی پیم ءَ دگہ بازیں مردمے اِے پیم کُت نہ کنت پرچا کہ ما کار ءُ بار کنگ ءَ نہ اِیں ما وَ ساچشتکار اِيں۔ ازلی راستیانی شوھاز ءُ پد جنَگ ءِ ایرکپگ ءِ مَنّوگِر اِیں۔ وھدے کہ ما نِھاد ءِ سر ءَ وتی نِگاہ ءَ ایر کن اِیں ءُ وتی ساچشتاں جوڑ کن اِیں گڑا ما اِزمکار نہ بئیں دکاندار جوڑ بئیں۔"

 

 

To Him I’m a vessel آزمانک:

تاکدیم: ۱۴  

 

 

"ساچشت ءِ سیالی گوں تماشہ چاروکاں نہ اِنت۔ ساچشت ءِ سیادی وَ اَچ مئے دنیا ءَ ھم نہ اِنت۔ ساچشت ءِ سیادی گوں مئے ارواہ ءَ اِنت۔ ارواہ کہ اِے مادی دنیا ءِ تہ ءَ دگہ دنیا یے ءِ واب ءِ پیم ءَ اِنت۔"

 

To Him I’m a vesselآزمانک:  

تاکدیم: ۱۹

 

 

 

سرشون: 

شہرِ حقیقت میں کہانی لکھنا