پیاپیں ٹَوک (سیمی بھر)

 

 

 

 

رجانکار: اُزیر مھرؔ

 

۱۔ وھدے کہ واھشت مِر اِیت، تُرس ودی بیت۔

۲۔ دوستی زند ءِ شَرّیاں گیش کنت ءُ ھرابیاں کمّ کنت۔

۳۔ یک دروگے ایمانداری ءُ راستی ءِ سرجمیں شَرپ ءُ اِزّت ءَ برباد کنت۔

۴۔ وھدے کہ تو زھر ءُ کُٹکا بئے گڑا بِھ ھِچّ مہ کن، پرچا کہ زھر ءِ تہ ءَ تو ھر کار ءَ ھراب کن ئے۔

۵۔ اسل زانت ءُ زانگ ھمے چیز ءِ تہ ءَ اِنت کہ بہ زان ئے چتور زند گوازینگ بیت۔

۶۔ بید ء ھمّت ءُ توکل ءَ دانائی ھِچّ نیبگ ءُ بَر نیار اِیت۔

بالٹسر گریشن

 

 

۷۔ ما اگاں دگہ مردمے ءِ ھاتر ءَ یا دگہ وھدے ءِ ھاتر ءَ ودار کن اِیں بدلی نئیت اِنت۔ ما ھما مردم اِیں کہ پہ ھما بدلی ءِ وداریگ اِيں۔ مئے جند ھما بدلی اِنت کہ ھمائی ءِ مارا شوھاز اِنت۔

۸۔ بدلی بندات بیت اِنت پرچا کہ لسّ مردم ھاسیں کار کن اَنت۔

۹۔  اگاں تو مادنیں کِشک ءَ روگ ءَ ئے ءُ ھمے پیم روگ ءَ رازیگ ئے گُڈّسر ءَ تو سوبمند بہ ئے۔

باراک ابامہ

 

۱۰۔ چُشیں امیت نیست کہ چہ تُرس ءَ جتا اِنت ءُ چُشیں تُرس نیست کہ چہ امیت ءَ گِستا اِنت۔

۱۱۔ اگاں تو لوٹ ئے کہ تئی ھست چہ تئی گْوست ءَ گھتر بہ بیت گڑا گْوست ءَ بہ وان۔

۱۲۔ دنیا ءَ یک گھتریں ءُ وش تِریں جاھے بیتگ اَت اگاں مردم گو ھمے گشاد ءَ ھاموش بیتین اَنت کہ ھمے گشاد ءَ آ ھبر کنگ لوٹ اَنت۔

۱۳۔ واھشت انسان ءِ اسیلیں جوھر اِنت۔

 

باروک اسپینوزا

 

۱۴۔ یکشل ءَ یک پیم ءَ گوں وتی مکسد ءُ مراد ءَ بندوک بیگ سوبمندی ءِ راز اِنت۔

۱۵۔ زند ءِ تہ ءَ سوبمندی ءِ راز پہ مردمے ءَ ھمیش اِنت کہ وھدے کہ آئی ءِ موہ کیت تیار ءُ ساجو بہ بیت۔

۱۶۔ ما دْراہ مھر ءُ مھبت ءِ ھاتر ءَ ودی بیتگ اِیں، اِے مئے وجود ءُ آئی ءِ آسر ءِ راھبند اِنت۔

۱۷۔ مردم جاورانی جوڑ کُتگین نہ اِنت بلکیں جاور مردم ءِ جوڑ کُتگین اَنت۔

۱۸۔ نگدکار ھما مردم اَنت کہ لبزانک ءُ اِزم ءِ تہ ءَ بے سوب بیتگ اَنت۔

۱۹۔ چوناھا زند ءِ تہ ءَ تھنا یک کانودے ھست کہ کسانی یک مزنیں ردی یے، جوانی یک جھدے ءُ پیری یک پشومانی یے۔

 

بنجمن ڈزریلی

 

 ۲۰۔ مھلہ وپسگ ءُ مھلہ پاد آیگ مردم ءَ جاندْراہ، ازگار ءُ دانا کنت۔

۲۱۔ ھما مردم ءِ گْور ءَ سبر ءُ اوپار ھست آئی ءِ گْور ءَ ھرچیز بیت کنت کہ آ لوٹ اِیت۔

۲۲۔ چہ مَرگ ءَ مہ تُرس کہ ما زیت  مِر اِیں، پد ءَ گیشتر ابدمان ءُ نمیران بہ اِیں۔

۲۳۔ شَرّ کُتگیں چہ شَرّ گُشتگین ءَ گھتر اِنت۔

۲۴۔ نہ زانتکار بیگ اینچکیں مزنیں پشومانی یے نہ اِنت اینچک کہ دربرگ ءَ رازیگ نہ بیگ۔

۲۵۔ نادان ءِ دل آئی ءِ دپ ءِ تہ ءَ اِنت بلے دانا ءِ دپ آئی ءِ دل ءِ تہ ءَ اِنت۔

۲۶۔ وَشّی چہ ڈنّ ءِ جاوراں گیش مجگ ءِ اندری تب ءَ گوں بندوک اِنت۔    

 

بنجمن پِرینکلن

 

 

۲۷۔ دنیا ءِ جیڑہ ھمیش اِنت کہ ھوڈیں مردم پہ کارے ءِ کنگ ءَ سدّک اَنت ءُ سوھویں مردم گوں شَکّ ءَ سربار اَنت۔

۲۸۔ جنگ اِے پدّر نہ کنت کہ کَے راست بیتگ بلکیں تھنا ھمے سھرا کنت کہ کَے پشکپتگ۔

۲۹۔ ھرچیز داں ھدّے ءَ نہ گیشّ اِتگ ءُ تو سرپد نہ ئے داں وھدے کہ تو آئی ءِ سر ءَ کار ءُ کتہ کاری مہ کن ئے ءُ شَرّ مہ کن ئے۔

۳۰۔اِے کار وتی توانائی ءِ زیان کنگ اِنت کہ گوں ھما مردم ءَ زھر بہ بئے کہ آئی ءِ رَوِشت ھراب اِنت، انچوش ھما گاڑی ءِ سر ءَ زھر ورگ ءِ پیم ءَ کہ نہ روت۔   

 

برٹرینڈ رَسل

 

 

۳۱۔ وتی سوبمندی ءِ شاتکامی کنگ شَرّیں چیزے بلے وتی بے سوبی ءِ درونتانی نیمگ ءَ اِنان ءُ ھیال ءَ گْور کنگ گیشتر ارزشت دار اِیت۔

 

بِل گیٹس

۳۲۔ دل ءِ وتی سبب ءُ نیمّون اَنت کہ سبب ءِ جند ھم نہ زانت۔

۳۳۔ تو مدام ھما چیز ءَ ساڑائے کہ اسل ءَ ھما چیز ءَ تو سرپد  نہ بئے۔

۳۴۔ پہ سِتک ءِ لوٹوکاں سِتک ءِ تہ ءَ باز رُژن مان اِنت ءُ پہ نہ منّوکاں بے کساس تھاری۔

 

بلیس پاسکل

 

۳۵۔ ھما چیز ءَ تو سرپد بیت نہ کن ئے آئی ءَ ایراد مہ گِر۔

۳۶۔ ھر زیبائیں چیز ءِ باپشت ءَ یک نہ یک دردے ھست۔

۳۷۔ ھما مردم سوبمند بیت کہ سھب ءَ پاد آیگ ءُ شپ ءَ وپسگ ءِ میان ءَ ھما کار

ءَ آ کنگ لوٹ اِیت، آئی ءَ کنت اِنت۔

۳۸۔ مردماں ھما کار ءِ تہ ءَ بیسہ اِنت آئی ءَ را باز کمّ کن اَنت ۔ آ ھما کار ءَ کن اَنت کہ آسیدگی ءُ آسانی ئِے مان پد ءَ پشومان بنت۔

۳۹۔ اگاں تو یات ءُ تھتالاں ماں دل ءَ برجاہ دارگ لوٹ ئے گڑا پیسر ءَ آھانی تہ ءَ زندگی بہ کن۔

۴۰۔ لھتیں مردم انچو سما بیت کہ زیت چہ مئے نگاھاں اندیم بنت پد ءَ وھدے کہ آ بیرگ ءَ سھرا نہ بنت گڑا انچو سما بیت کہ آ اندیم نہ بیتگ اَنت۔

 

باب ڈیلِن

 

۴۱۔ سوت ءِ یک شَرّی یے ھمیش اِنت کہ اِے یک رندے ترا زدگ کنت تو ھِچّ درد نہ مارئے۔

۴۲۔ تو کَے کہ منی زند گْوازینگ ءِ پیسلہ ءَ بہ کن ئے ءُ لنکک چست بہ کن ئے۔ من زان آں من سرجم نہ آں ءُ نَے کہ من لوٹ آں کہ من بہ باں۔ بلے تو منی سر ءَ لنکک چست کنگ ءَ پیسر ھمے چیز ءَ پکّا بہ کن کہ تئی وتی جند ءِ دست پاک ءُ پلگار اَنت۔ 

۴۳۔ بید ء مئے جند ءَ کسّ مئے مجگاں آجو کُت نہ کنت ۔

۴۴۔ گواچن ھمیش اِنت کہ ھرکس ترا درد ءُ رنج دنت۔ ترا بس ھما درد ءُ اندوہ شوھازگی اَنت کہ آ اوپار کرز اَنت۔

۴۵۔ وتی زند ءَ گوں مھر بہ کن ءُ ھما زند ءَ بہ گْوازین کہ ترا پہ آئی ءَ مھر اَنت۔

۴۶۔ لھتیں مردم ھور ءَ مار اَنت ءُ اِے دگہ تھنا میچّل اَنت۔

۴۷۔ مردمے ءِ مزن شانی اِے چیز ءِ تہ ءَ نہ اِنت کہ آئی ءِ گْور ءَ چینچو مال ءُ مڈّی ھست بلکیں آئی ءِ دلپھکی، ایمانداری، راستی ءُ وتی کِرّ ءُ گْور ءِ مردمانی سر ءَ جْوانیں سانے دوردیگ ءِ تہ ءَ اِنت۔

۴۸۔ وھدے کہ یک درے بند اِنت، تو زاناں نہ زان ئے کہ دگہ بازینے پچ اِنت۔

۴۹۔ ھما مردم کہ اِے دنیا ھراب تِر کنگ ءَ اَنت، آ یک روچے موکل نہ زیر اَنت ءُ دزّکَشّ نہ بنت گڑا من پرچا بہ باں؟

۵۰۔ کسّے ءِ بابت ءَ داں ھما وھد ءَ پیسلہ مہ دئے ءُ کِچّہ چینی مہ کن داں وھدے کہ تو وتی بارہ ءَ پیسلہ نہ کن ئے ءُ وت ءَ را نہ چکّاس ئے۔

۵۱۔ مھر مارا ھجبر ایوک ءَ یل نہ کنت۔

۵۲۔ وھدے کہ تو وتی ھاتر ءَ زندگ بئے تئی زند گُش ئے زیان اِنت ءُ وھدے کہ تو دگرانی ھاتر ءَ زندگی کن ئے تو دوبر زندگ بئے۔

 

۵۳۔ پاد ءَ،  اوشت،  پہ وتی ھکّ ءَ اوشت،  پاد ءَ اوشت، وتی جنگ ءُ جھد ءَ یلہ مہ کن۔

۵۴۔ من زاناں کہ دَگ کَڈّ ءُ کلونڈ اِنت بلے پد ءَ ھم من ءَ دوست بیت۔

۵۵۔ منی پاد منی ایوکیں ھمّت ءُ ھاٹیگ اَنت۔

۵۶۔ وتی چمّاں پچ بہ کن، بہ چار۔ ھمے زند ءَ کہ تو گْوازینگ ءَ ئے چریشی ءَ دلجم ئے۔

 

باب مارلی

 

۵۷۔ کتاب۔ من نہ زان آں کہ باريں کدی من ترا چو گْوشتگ یا نا، بلے کتاب جْوان تِریں سوگات اَنت کہ یک مردمے دومی مردم ءَ دات کُت کنت اِش۔

۵۸۔ سوت ءُ زیمر دنیا ءَ بدل کُت کنت پرچا کہ اِے مردماں بدل کُت کنت۔

۵۹۔ منی بامرد ھما مردم اَنت کہ چہ ھرابی ءَ رکّ اِتگ اَنت، آھاں ردی کُتگ بلے چرآھاں زیت دراتکگ ءُ شَرّ بیتگ اَنت۔

۶۰۔ تو امینچو کمّ زان ئے امینچو گیشتر سِتک ءُ بیسہ کن ئے۔

۶۱۔ یک مُشت ءُ تپاک بیگ یک جْوانیں چیزے بلے جتا ءُ دگرے بیگ ءِ ھکّ ءِ اِزّت کنگ بگندئے جْوان تِر اِنت۔

۶۲۔ ما ھمے ھیال کُتگ کہ مئے پسّو رد اَنت بلے اِے مئے جست اَنت کہ رد بیتگ اَنت۔

 

بونو

 

 

 

  

سرشون:

Brilliant Quotes – An App from Google Play Store