پیاپیں ٹَوک (ششمی بھر)

 

 

رجانکار: اُزیر مھرؔ

 

۱۔ چہ راستی ءَ ھِچّ مستریں تاکت نیست ءُ باز براں چریشی ءَ ھِچّ اجبیں چیز نیست۔

۲۔ ھما مردم کہ پہ دگراں کارے کنت ءُ مردم پرآئی ءَ ھِچّ نہ کن اَنت، اِے چیز آ مردم ءَ ابدمانی بکشا اِیت۔

۳۔ دانائی آسر ءَ بندات بیت۔

۴۔ من ھر ھما مردم ءِ پیسلہ ءِ سر ءَ بیسہ نہ کن آں انچیں جاورے ءِ تہ ءَ کہ گوں آئی ءِ جند ءِ واھشتاں بندوک اِنت۔

 

 

ڈینیل ویبسٹر

 

 ۵۔ پہ سببے ءَ وَشّ بیگ پریشانی ءِ دومی شِکل اِنت پرچا کہ ھما سبب ھر وھد اَچ ما رُکست بیت کنت۔

۶۔ اگاں تو اسل ءَ روھانی مردمے ئے تو باید اِنت چہ دنیا ءِ شَرّ ءُ ھرابیں ھیالاں وت ءَ جتا بہ دار۔۔۔۔۔۔ تو باید اِنت وتی سر ءَ بیسہ ءُ یکین بہ کن ئے۔

۷۔ تاں اِے وھد ءَ امینچو سیاد ءُ مردم تو وتی زند ءِ تہ ءَ شیدا کُتگ ءُ آورتگ، اِے پھک ءَ ھما اَنت کہ ترا تئی زند ءِ تہ ءَ اِے ساھت ءَ پکار اَنت۔ دْراھیں واکیاتانی پژدر ءَ یک پھمیانیں مانایے ھست ءُ اِے پھمیانیں مانا تئی ردوم ءِ زرورتاں سرجم کنگ ءَ اِنت۔

۸۔ توری ھما وھد ءَ وھدے کہ تو جیڑئے کہ من وتی زند ءِ بابت ءَ سَوڑگ ءُ مراسا کُتگ، ھما کار بنت کہ تئی تالِہ ءَ انچیں وڑے ءَ جوڑ کن اَنت کہ تو بِھ گمان اوں نہ کُتگ۔

۹۔ ھر یک ارادھے بدلی ءِ ودی کنوک اِنت۔

۱۰۔ تو باندات ءِ ھاتر ءَ چیزانی جتا بیگ ءِ ھاتر ءَ واھشت کُت کن ئے بلے ھستیں وھد ءِ تہ ءَ ترا چیز ھما پیم منّگی اَنت انچوش کہ آ ھست اَنت۔

۱۱۔ ترا وتی اندر ءَ ھما جاہ شوھازگ لوٹ اِیت کہ اود ءَ ھِچّ چیز نہ بیتگین نہ اِنت۔

۱۲۔ ھر وھد تو یکیں کْوھنیں وڑ ءَ وتی کاراں پدر کن ئے، وت ءَ را جست بہ کن کہ تو گْوست ءِ بندیگ بیگ لوٹ ئے یا باندات ءِ راھدربر۔

 

 

دیپک چوپڑا

 

 

۱۳۔ انسان ھرجاہ ءَ ابرم ءُ تالہ ءَ ملامت کنت بلے آئی ءَ تالہ گیشتر آئی ءِ کِردار، جوزہ، ردی ءُ نِزوریانی پدگوانک اِنت۔

۱۴۔ بازیں مزنیں وانندگیں مردماں ھِچّ ھوشمندی ءُ سوھوھی نیست۔

۱۵۔ کمّے چیزے ءِ لوٹ ءُ واھگ کنگ ءَ مردم وت ءَ را ازگار کنت۔

۱۶۔جھان ءِ تہ ءَ موجودیں ھرچیز موہ ءُ زرورت ءِ برورد اِنت۔

۱۷۔ پہ دانا ءُ شَریں مردماں سرجمیں زمین آھانی پِت ءُ پیرُکی ھنکین اِنت۔

۱۸۔ دْراھیں مردمانی سر ءَ بیسہ مہ کن، بلے ھما کہ مردم کہ بیسہ ءُ یکین کنگ کرز اَنت آھانی سر ءَ بہ کن۔ دْراھیں مردمانی سر ءَ بیسہ کنگ بے اکلی کارے، بلے بیسہ کرزیں مردمانی سر ءَ بیسہ کنگ دانائی ءِ چیدگ اِنت۔

۱۹۔ شَرّی ءِ مانا تھنا اِے نہ اِنت کہ ھرابی کنگ مہ بیت، بلکیں ھرابی ءِ واھگ ءُ ارادہ ھم کنگ مہ بیت۔

۲۰۔ ھِچّ تاکت ءُ ھِچّ ھزانگ چہ مئے زانت ءُ زانشت ءِ شاھیگانی ءَ گیشتر کدر ءُ ارزشت داشت نہ کنت۔

۲۱۔ اِے لبّ ءُ لالچے کہ دْراھیں گپّاں بہ کن ئے بلے تُشے اوں گوشدارگ مہ لوٹ ئے۔

۲۲۔ دوا ءُ دارو جسم ءِ نادْراھیاں وشّ کنت، دانائی چہ جوزگاں ارواہ ءَ آجو کنت۔

۲۳۔ بے کساس ءُ بے سریں واھگ یک زھگے ءِ چیدگ اِنت نَے کہ مزنیں مردمے ءِ۔

۲۴۔ اِلم ءُ زانت پہ وژھالیں مردمے ءَ سھت ءُ زیورے پہ بدھالیں مردمے ءَ پناھے۔

۲۵۔ گوں واھشت ءُ واھگے ءَ مِڑگ گران اِنت بلے آئی ءَ گِر ءُ دار کنگ یک سوھویں مردمے ءِ چیدگ اِنت۔

 

 

ڈیموکرائیٹِس

 

 

۲۶۔ ھرابی بِلّے توری یک دمانے ءَ وشّی ءُ دلجمی یے دنت، شَرّی ءِ سوگات تاں تیوگیں زند ءَ گیش بُورّ ءُ بَرّ کار اِیت۔

۲۷۔ تو ھرکجاہ ءَ ئے کسانیں ھم شَرّیں کارے گوں تو بیت آئی ءَ را بہ کن؛ اِے ھمے کسانیں شَرّیانی برورد اِنت کہ یکجاہ بنت ءُ دنیا ءَ بدل کن اَنت۔

۲۸۔ پرک ءُ تپاوت پہ اِے ھاتر ءَ نہ اَنت کہ مارا جتا ءُ گِستا بہ کن اَنت۔ ما بروبری ءَ جتا اِیں دانکہ یک دومیگ ءِ زرورت ءَ بہ مار اِیں۔

۲۹۔ یک مردمے ھمے ھاتر ءَ مردمے پرچا کہ آ دگہ مردماں مردم زانت۔

۳۰۔ چُکّ جْوانیں گواچی اَنت۔ آھانی گْور ءَ مزنیں بودشتے ھست کہ آ چیزانی اندر ءُ باتن ءَ چار اَنت ءُ نکلی، وتگڑیں سُر ءُ پُر ءُ کارانی تہ ءِ مکر ءُ پریباں پاشک کن اَنت۔

۳۱۔ وتی توار ءَ بُرز مہ کن، وتی منّانکاں گھتر کن۔

۳۲۔ زبان سک زورآور اِنت۔ زبان تھنا راستی ءَ درشان نہ کنت۔ زبان درشان بیوکیں راستی ءَ جوڑ کنت۔

۳۳۔ اگاں تو نا اِنساپی ءُ ناروائی ءِ جاوراں بے اسر بئے ءُ یک نیمگے ءَ وت ءَ را دار ئے، تو زالم ءِ ھمزیل ءُ ھمراہ ئے۔ 

 

 

ڈِزمنڈ ٹوٹو

 

 

  ۳۴۔ ھر وڑیں زیبائی وتی گُڈی ردوم ءِ تہ ءَ مدام نازُرکیں مردم ءِ دل ءَ بلین اِیت ءُ ارسیگ کنت ئِے۔

۳۵۔ ھر چیز کہ ما گِند اِیں یا مار اِیں آ ھِچّے نہ اِنت بلکیں واب ءِ تہ ءَ وابے۔

۳۶۔ من گْونڈ گِپتگیں گالانی تہ ءَ لچّہ ءِ بزانت ءَ گْوش آں، لچّہ زیبائیں گالانی ھمزیلی ءُ روانی ءَ ساچگ ءِ نام اِنت۔

۳۷۔ ھما ھَدّ ءُ سیمسر کہ زند ءَ چہ مَرگ ءَ جتا کن اَنت آ پھک ءَ دنز ءُ مُجین اَنت۔ کَے گْوش اِیت کہ چریشاں یکے کجا آسر بیت ءُ دومی کجا بندات بیت؟

۳۸۔ ما گوں مھرے ءَ چہ مھر ءَ گیش مھر کُتگ۔

۳۹۔ پمّن ءَ شائری یک مول ءُ مرادے نہ بیتگ بلکیں یک جوزگے بیتگ۔

 

ایڈگر ایلن پو

 

۴۰۔ پہ ھرابی ءِ باجبرگ ءَ تھنا یک چیزے المی اِنت ءُ آ شَریں مردمانی ھِچّ نہ کنگ اِنت۔

۴۱۔ جنین پہ دْراھیں مردمانی ساڑاھگ ءِ ھاتر ءَ جوڑ نہ بیتگ بلکیں آ یک مردمے ءِ وَشّی ءِ ھاتر ءَ جوڑ بیتگ۔

۴۲۔ وانَگ بید ء جیڑگ ءَ انچوش اِنت انچوش کہ ورگ بید ء جاھگ ءُ ھَزم کنگ ءَ۔

۴۳۔ کسّ ءَ چُشیں مزنیں ردی یے نہ کتگ اینچو کہ ھما مردم ءَ کہ ھِچّ ئِے نہ کُتگ۔

۴۴۔ مئے سبر ءُ اوپار چہ مئے زور ءُ تاکت ءَ گیشتر نیبگ کار اِیت۔

۴۵۔ ھِچّ چُشیں تاکت گوں سانمندی ءَ دماگ ءَ چہ کار کنگ ءُ جیڑگ ءِ تاکت ءَ زبھر نہ کنت اینچک کہ تُرس کنت۔

۴۶۔ ھما کہ گوں ما مَلّ میڑی کنت مئے ھمّت ءُ دلیری ءَ توانا کنت ءُ مئے ھُنر ءُ بودشتاں پلگار اِیت۔ مئے بدواہ مئے کُمّکار اِنت۔

۴۷۔ اگاں ما وتی مال ءُ متاھانی واکدار بہ اِیں، ما ازگار ءُ آجو بہ اِیں۔ اگاں مئے مال ءُ دولت مئے واکدار بنت ما ھتمن نیزگار اِیں۔

۴۸۔ زیبائی وَشّی ءِ اھد ءُ مُسام اِنت۔

۴۹۔ ما دْراہ باید اِنت بدلی ءِ مزنیں کانود ءِ پرمان ءَ بہ منّ اِیں۔ اِے ابرم ءِ دْرستاں چہ تاکت ور تِریں کانود اِنت۔

 

 

ایڈمڈ برک

 

 ۵۰۔ گوں ھوڈیں مردمے ءَ بِھ اڑ ءُ کُڑ مہ کن۔ آ ترا گِرّان کنت وتی لسون ءَ کار اِیت ءُ پد ءَ گوں کُتہ کاری ءَ ترا پروش دنت۔

۵۱۔ ھرچیز اینچو آسان نہ اِنت اینچو کہ گِندگ ءَ کیت۔

 ۵۲۔ اگاں ترا جیڑہ ءُ جنجال نیست تو زانت نہ کن ئے کہ چی بیگ ءَ اِنت۔

 

ایڈورڈ مرپی 

 

۵۳۔ ھما کار کہ مردمے ءَ کنگی اِنت چوناھا آ کنگ بیت کنت۔

۵۴۔ کردار سازی مئے درکسانی ءَ بندات بیت ءُ تاں مئے مَرگ ءَ برجاہ مان اِیت۔

۵۵۔ اگاں تو وتی کِرد ءُ بھر ءَ پیلو نہ کن ئے تو مِرئے۔

۵۶۔ زند دیگ بیتگ باید اِنت زندگی کنگ بہ بیت ءُ دْراھیں گپّ بس ھمیش اِنت۔

۵۷۔ تو مدام ھما چیز ءَ ساڑائے کہ تو آئی ءَ اسل ءَ سرپد نہ بئے۔

۵۸۔ گوں وت ءَ دوستی کنگ مزنیں ارزشتے دار اِیت پرچا کہ بید ء ایشی ءَ یک مردمے گوں دگہ کسے ءَ دوستی کُت نہ کنت۔

۵۹۔ ھما کار ءِ کنگ ءَ تو وت رازیگ نہ ئے آئی ءِ بابت ءَ دگراں جست کنگ انساپے نہ اِنت۔

۶۰۔ باندات گوں ھما مردماں سیادی دار اِیت کہ آ وتی وابانی زیبائی ءِ سر ءَ سِتک ءُ یکین کن اَنت۔

۶۱۔ اگاں ما یک آجو ءُ ایمنیں دنیایے لوٹ اِیں، اگاں ما ویراندان ءُ ریگزار گونگیں پَٹّاں سبز ءُ شاداب کنگ لوٹ اِیں ءُ مردماں مردم ءِ جھت ءَ مستریں بوھیری ءَ ردوم زیرگ ءُ دیمروی دیگ لوٹ اِیں، ما چوش کُت کن اِیں۔

۶۲۔ ترا ھاٹیگ، ھمّت، بیسہ چہ وتی ھر کُتہ کاری ءَ رس اِیت کہ آئی ءِ تہ ءَ تو تُرس ءِ دیم پہ دیمی ءَ اوشت ئے۔۔۔۔ تو باید اِنت ھما کار ءَ بہ کن ئے کہ تئی ھیال ءَ تو کُت ئِے نہ کن ئے۔

۶۳۔ منی سِتک ھمیش اِنت کہ ھر مردم چہ ترس ءَ باج بُرت کُت کنت گوں چیزانی کنگ ءَ کہ آ آھانی کنگ ءَ تُرس اِیت بَے ھمیش اِنت کہ آ یکشل ءَ ھما کاراں بہ کنت تاں کہ آئی ءَ وتی باپشت ءَ سوبمندیں کُتہ کاریانی لَڑے رس اِیت

۶۴۔ چہ ردیاں مہ تُرس بلے بَے ھمیش اِنت کہ یکیں ردی ءَ تو دوبر مہ کن ئے۔

۶۵۔ ھِچّ راھشون چہ وتی منوگراں سکّ دیر دیمتر ءَ بیت نہ کنت۔

 

 ایلینر روزاویلٹ

 

 

۶۶۔ راستی روچ ءِ پیم ءَ اِنت۔ تو یک دمانے ءِ ھاتر ءَ نوان ئِے کُت کن ئے بلے اِے چہ وتی جاہ ءَ دور نہ روت۔ 

۶۷۔ ھرچیز ءَ تو سرپد نہ بئے آئی ءَ را نگد مہ کن منی چُک۔ تو آ مردم ءِ درد ءُ گم ءِ جاورانی تہ ءَ ھجبر نہ گوستگ ئے۔ 

۶۸۔ سوت باید اِنت انچینے بہ بیت کہ ترا چہ تہ ءَ یا ڈنّ ءَ  بہ سُرین اِیت۔

۶۹۔ ھما کار ءَ بہ کن کہ پتّو شَرّ اِنت تاں ھما وھد ءَ کہ کسے ءَ تاوان مہ دنت۔

۷۰۔ ھو ھما پیم کارے ءَ بہ کن کہ ھما پیم تو مارئے۔

 

ایلوِس پریزلی

 

۷۱۔ دْرستاں چہ ھراب تِریں چیز تھنا ھمیش اِنت کہ پہ کسے ءَ وداریگ مہ بئے۔

۷۲۔ زند ءَ اِے ارادہ نہ کُتگ کہ مارا سرجم بہ کنت۔ ھرکس کہ سرجم اِنت آ کوھن کدگ ءِ تہ ءَ ایربیگ ءَ زیب دنت۔

۷۳۔ اِے سکیں اجبیں گپے کہ دنیا ءِ تہ ءَ ناوشی آروک گیشتر کلپ ءُ ردیں مردم اَنت۔

۷۴۔ زند یک نادْراھی یے، منی برات ءُ مَرگ چہ بوتن ءَ بندات بیت۔ ھر یک نپسے، ھر یک دریکگے مِرگ ءِ یک ساھتے، آسر ءِ نیمگ ءَ یک دَکّھے۔

۷۵۔ مُجتی جوانی ءِ راز شموشگ اِنت۔ مردم تھنا چہ یات ءُ تھتالانی سبب ءَ پیر بیت۔ باز یاتاں،  پہ شموشگ ءَ سکّ کم اَنت۔

 

 

ایرک ماریا ریمارک

 

۷۶۔    نبشتہ کاری ھِچّے نہ اِنت۔ ترا بس گالٹُک (ٹائپ رائیٹر) ءِ دیم ءَ نندگی اِنت ءُ ھون شانگی اِنت، اندر ءِ ھُلّ ءُ پاھار ریچگی اَنت۔

۷۷۔ یک کتابے ءِ پیمیں وپاداریں دوست ھِچّ جاہ ءَ نیست۔

 ۷۸۔ بلے مردمے پہ شکست ورگ ءِ ھاتر ءَ جوڑ نہ بیتگ، آئی ءَ درائینت۔ یک مردمے برباد کنگ بیت کنت بلے پروش دیگ بیت نہ کنت۔

۷۹۔ اِے ھِچّ مزن شانی یے نہ اِنت کہ چہ وتی ھمبل ءَ شَرّ تِر بہ بئے اسل مزن شانی چہ وتی گوستگیں جند ءَ گھتر ءُ شَرّ تِر بیگ اِنت۔

 

 

ارنسٹ ھمینگوئے

 

 

۸۰۔ تو گوں وتی لنٹاں ایمنی ءِ اکرار کنگ ءِ جار ءَ جنگ ءَ ئے ھیال بہ دار کہ تو وتی دل ءِ تہ ءَ گیشتر ایمنی دار ئے۔

۸۱۔ دنیا ءِ تہ ءِ سجّھیں تھاری یک مومے ءِ رُژنا ءَ کُشت نہ کن اَنت۔

۸۲۔ ھما کار ءِ کنگ ءَ بندات بہ کن کہ الّمی اِنت، پد ءَ ھما کہ بیت کنت ءُ اناگت ءَ تو ھما کار ءَ کنگ ءَ ئے کہ نہ بیتگین اِنت۔

۸۳۔ ھما کار کہ مرچی تو اِش کن ئے بگندئے ھما پنت ءُ واز اَنت کہ مروچی لھتیں مردم اِش کنت اِش۔

۸۴۔ ما گْوانک جنگ بیتگ اِیں کہ زِھماں وَش بہ کن اِیں، ھرچی کہ سِست ءُ سید بیتگ آھاں یکجاہ بہ کن اِیں، ءُ ھماھاں راہ گار کُتگ ءُ گسر کپتگ اَنت آھاں لوگ ءَ بیار اِیں۔

۸۵۔ اَے ھداوند من ءَ وتی ایمنی ءِ ازبابے بہ کن۔ ھرجاہ ءَ کہ نپرت ءُ جیسک اِنت من ءَ موکل بہ دئے کہ مھر کِش آں۔

 ۸۶۔ اسل دیمروئی ھاموشی ءُ یکشلی ءَ اِنان ءَ ابید جنزان کنت۔ 

 

پرانسز آپ اسیسی

 

 ۸۷۔ دژمن ترا مھکم تِر کن اَنت، دوست ترا نِزور تِر کن اَنت۔

۸۸۔ ھر ھما مردم کہ چیزے برباد کُت کنت، آ یک چیزے ءَ رکینت کُت کنت۔

۸۹۔ چینچو رند ءَ انچوش بیت کہ یک زھریں مردمے ھرچی کہ آئی ءِ اندر ءِ مردم گْوشگ ءَ اِنت ءَ آئی ءِ پہ زھری انکار کنت۔

۹۰۔ آ مردم دانایے کہ زانت یک دلجمیں مردمے بِھ نیزگار نہ اِنت ءُ یک نادلجمیں مردمے بِھ ازگار نہ اِنت۔

۹۱۔ مھروانی زالمی ءِ بندات اِنت۔

۹۲۔ ھِچّ اسل آسر نیست۔ اِے تھنا ھما جاہ اِنت کہ تو وتی کِسّہ ءِ پتّر ءَ پیچ ئے۔

۹۳۔ راستی سکّ باز ریس ءُ پریس ءِ آماچ بیت۔

۹۴۔ یک اڑ ءُ کُڑے ءِ مول ءُ مراد راستی ءِ ابرم ءِ بدل کنگ اِنت۔

 

 

پرینک ھربرٹ

 

۹۵۔ مارا چہ مئے باندات ءِ رسگ ءَ پابند کنوک مئے مروچیگیں شَکّ اَنت۔

۹۶۔ چہ تُرس ءِ جند ءَ ابید ھِچّ چیز ءَ ترسگی نہ اِنت۔

۹۷۔ وَشّی۔۔۔۔۔۔۔ یک مزنیں کارے ءِ پیلو کنگ ءِ شادھی ءِ تہ ءَ اِنت، ساچشتی جھدانی جوزہ ءِ تہ ءَ اِنت۔

۹۸۔ دیم ءَ روگ ءِ بازیں راہ ءُ در اَنت بلے یکیں جاہ ءَ اوشتگ ءِ تھنا یک راھے۔

۹۹۔ نوَد درسد وھد ءَ مردم گوں تو شَرّ پیش کاینت اگاں تو گوں آھاں شَرّ پیش بیائے۔

۱۰۰۔ راستی ھما وھد ءَ درگیجگ بیت کنت وھدے کہ مردم آئی ءِ شوھازگ ءَ آجو اَنت۔

۱۰۱۔ مردم بھت ءُ تالہ ءِ بندیگ نہ اَنت بلکیں تھنا وتی جند ءِ دماگ ءِ بندیگ اَنت۔

۱۰۲۔ سیاست ءِ تہ ءَ ھِچّ چیز ناگتی نہ اِنت۔ اگاں چیزے بیت تو بَے جت کُت کن ئے کہ اِے کار اِے پیم شَور کنگ بیتگ۔   

 

 

پرینکلن روزاویلٹ

سرشون:

Brilliant Quotes – An App from Google Play Store