تو اگاں بیائے

 

لچّہ کار: آڈری لورڑ

بلوچی رجانک: اُزیر مھرؔ

 

تو اگاں انچو کرار کرار ءَ بیائے

انچوش کہ گْوات ماں دْرچکانی شم ءَ

تو بلکیں اِش کُن ئے ھرچی کہ من اِش کُن آں

گِندئے اندوہ ءُ گماں

 

تو اگاں انچو نرم نرم ءَ بیائے

انچوش کہ یکشلیں پیڑاپ ءَ

من ترا پہ شادھی زیر آں

چتّو گیش ھِچّ نہ لوٹ آں

 

تو بلکیں منی کش ءَ نِند ئے

مِسل ء نپس ءَ ھاموش بئے

تھنا ھما کہ مَرگ ءِ زانسراں جَلّ اَنت

مَرگ ءَ یات کن اَنت

 

 

 ءُ تو اگاں بیائے من بے تِرک ءُ توار باں

تُرندیں لبزاں گوں تو گپّ نہ کن آں

من ترا انّی جست نہ کن آں کہ پرچا

ءُ چتو ءُ چی تو کن ئے

 

ما اِد ءَ مدان مدان ءَ نِند اِیں

دو جتائیں سالاں کم

ءُ مئے میان ءَ ازگاریں زمین

مئے ارساں تِنگّ اِیت