تنک - Narrow

 

نبشتہ کار: اُزیر مھرؔ

ھُردُکیں ٹلو جان وتی مات ءُ بلک ءِ پجیگ ءَ ماں تنکیں دمکے ءَ روگ ءَ اَت۔ دیمی نیمگ ءَ ناکو بیبگر آیگ ءَ اَت۔اِے دمک انچو تنک اَت کہ اگاں یک سرے ءِ مردم چرے دمک ءَ گْوست گڑا دومی نیمگ ءِ مردم ءِ سر ءَ ھژدری اَت کہ ودار بہ کنت۔

" اماں اِے چینچو تنکیں دمکے ۔"

کسانیں ٹلو جان ءَ گوں وتی مات ءَ گْوشت۔

" اِے دمک تنک اِنت پرواہ نیست مئینچو، بس مئے دل تنک مہ بنت ۔"

ناکو بیبگر ءَ چہ دمک ءَ گْوزگ ءَ پیسر پہ ساکِمی درّائینت۔