ماھکجیں ماہ

  لچّہ کار: رام چندراسرائی

رجانکار: اُزیر مھرؔ

 

  او  ماھکجیں ماہ!

چہ سباہ ءَ مہ تُرس کہ مارا جِتا کنت

وھدے کہ جھان انسریت

ما  الّم پد ءَ دُچار کپیں

اِے تئی رُژن ءِبرکت اِنت کہ منی زِرد بود کنت

روچ ءِ رُژن ءَ من گِندگ نباں

بُلبُلانی وشّیں سوت ءُ الھانانی  سر ءَ ما  

 چو ساھگ ءَ ناچ ءُ سُھبت کنیں

ما  چو ساھگ ءَ انچو ھور ءُ ھوار کپیں انچوش کہ نیم  شپ ءُ روچ ھوار کپ اَنت

او  ماھگونگیں ماہ!

چہ سباہ ءَ مہ تُرس کہ مارا جِتا کنت

ما  الّم پد ءَ دُچار کپیں

وھدے کہ جھان انسریت