پیاپیں ٹَوک (اولی بھر)

 

 

 

  

رجانکار: اُزیر مھرؔ

 

۱۔ دربرگ ساچشتکاری دنت، ساچشتکاری سسّا کنگ ءُ جیڑگ ءِ نیمگ ءَ بارت، سسّا کنگ زانت ءُ زانشت دنت ءُ زانشت ترا مزنیں مردمے جوڑ کنت۔

 

۲۔ زند یک گْرانیں لیبے۔ تو تھنا ھما وھد ءَ باج برت کن ئے وھدے کہ تو مردمے بیگ ءَ وتی ودی بیگ ءِ ھَکّ ءَ برجاہ بہ دار ئے۔  

 

۳۔ چیزے ءِ ٹُلّ ءَ سربیگ ءِ ھاتر ءَ زور ءُ تاکت پکار اِنت آ توری ایورِسٹ کوہ ءُ ماتکوہ ءِ چُنبال بہ بیت یا توری تئی زندکار ءِ چُنبال بہ بیت۔

 

۴۔ مردم ءَ گرانی ءُ جنجالانی زرورت اِنت پرچا کہ اِے سوبمندی ءَ چہ وشّنود بیگ ءِ ھاتر ءَ الّمی اَنت۔

 

۵۔ پہ وتی مول ءُ مراد ءَ سوبمند بیگ ءِ ھاتر ءَ باید اِنت تو یک نیمگے وتی دماگ ءَ مکسد ءِ ھاتر ءَ ندر بہ کن ئے۔

 

۶۔ مزنیں واب گِندوکانی مزنیں واب مُجّتی بُرز ءُ بلند رَو اَنت۔

۷۔ ھما مردم گوں دلپھکی ءَ کار کُت نہ کن اَنت آھاں بید ء ھورک ءُ بے جوزگیں سوبمندی ءَ ھِچّ نہ رس اِیت کہ ھر گْور ءَ تھلی رودین اِیت۔    

 

۸۔ واب آ نہ اِنت کہ تو ماں واب ءَ ئِے گِندئے بلکیں واب ھما اِنت کہ ترا واب ءَ نئیل اِیت۔

 

۹۔ ما باید اِنت وتی جھد ءَ یلہ مہ کن اِیں ءُ وتی جیڑہ ءُ جنجالاں مئیل اِیں کہ مارا پْروش بہ دے اَنت۔

 

 

اِے پی جے ابدالکلام

 

 

 

۹۔ اگاں تئی تہ ءَ یک کارے ءِ کنگ ءِ ھاٹیگ ءُ بود مان اِنت بلے تو پہ زور چرآئی ءِ کنگ ءَ وت ءَ را کمّ لیک ئے ءُ گیشتر جھد نہ کن ئے، تو وتی سرجمیں زند ءَ ناشاد بہ ئے۔

 

۱۰۔ یک سازگرے باید اِنت ساز ءُ سوتے بہ جنت، یک اِزمکارے باید اِنت نکش ءُ بُت کَشّی یے بہ کنت، یک لچّہ کارے باید اِنت نبشتہ بہ کنت، اگاں چرآئی ءِ کنگ ءَ آ وت ءَ را بیرگ ءَ ایمنی ءُ تاھیرے دات کنت۔ اگاں یک مردمے چیزے بیت کنت باید اِنت بہ بیت۔

 

۱۱۔ اگاں تئی گْور ءَ ازباب تھنا یک کُدینّگے، تو ھر جیڑہ ءَ کیلّہ ءِ چمّ ءَ چار ئے۔

 

 

ابراھم ھیرولڈ ماسلو

 

۱۲۔ دوست ھما اِنت کہ آئی ءَ تئی دژمنانی پیمیں دژمن ھست۔

۱۳۔ یک لوگے  لوگ ءِ جند ءِ تہ ءَ بھر ءُ بانگ کتگ داشت نہ کنت۔

۱۴۔ من مرچی ھرچی آں ءُ بیت کُت کن آں دْراہ منی پریشتگیں مات ءِ منّتواری اِنت۔

۱۵۔ اِے گپّ ءَ مدام وتی مجگ ءِ تہ ءَ یات بہ دار کہ تئی جِند ءِ سوبمند بیگ ءِ مھکمیں ارادہ چہ دگرانی ارادھاں گیشتر ارزشت دار اِیت۔  

 

۱۶۔ اِے گپّ ءَ پکّا بہ کن کہ تو وتی پاداں راستيں جاہ ءَ ایر کن ئے ءُ پد ءَ مھکمی ءَ اوشت ئے۔

 

۱۷۔ کِردار یک دْرچکے ءِ پیم ءَ اِنت ءُ نامداری ءُ وَشّنامی ساھگ ءِ پیم ءَ اِنت۔ ھرچی کہ ما آئی ءِ بابت ءَ جیڑ اِیں آ ساھگ اِنت؛ اَسل چیز دْرچک اِنت۔

 

 ۱۸۔ من پابند نہ آں کہ باج بہ بر آں بلے من پابند آں کہ راست بہ بہ آں۔ من پابند نہ آں کہ سوبمند بہ باں بلے من پابند آں کہ کہ ھما رُژن منی گْور ءَ ھست گوں آئی ءَ زند بہ گْوازین آں۔ ھرکسے کہ راستی ءُ ھکّ ءِ ھاتر ءَ اوشت اِيت باید اِنت من گوں ھمائی ءَ بہ اوشت آں ءُ داں ھما وھد ءَ بہ اوشت آں دانکہ آ مردم راست ءُ ھکّ ءِ سر ءَ اِنت۔ وھدے کہ آ رَدیں راہ ءَ روت گڑا چرآئی ءَ گِستا بہ بہ آں۔

 

۱۹۔ من مدام ھمے دیستگ کہ رَھم چہ تْرُندیں اِنساپ ءَ گیشتر نیبگ ءُ بَر کار اِیت۔

 

۲۰۔ من سُست گام جنوکے آں بلے من پُشتی نیمگ ءَ بِھ پَچّ نہ تَرّ آں۔

 

۲۱۔ اگاں یک دْرچکے ءِ گُڈّگ ءَ منی گْور ءَ ھشت کلاک بوتیں گڑا من شش کلاک ءَ وتی تَپر تیز کُتگ اَت۔

 

۲۱۔  چہ دپ ءِ پچ کنگ ءَ ءُ دْراھیں شَکّانی ھلاس کنگ ءَ اِے گھتر اِنت کہ ھاموش بہ بئے ءُ ھوڈئے لیکگ بہ ئے۔

 

۲۲۔ یک دژمنے ءِ تباہ ءُ برباد کنگ ءِ جْوان تِریں وڑ ھمیش اِنت کہ دوست جوڑ کنگ بہ بیت۔

 

۲۳۔ کساس دْراھیں مردم سَکّی ءُ جنجال سَگّ اِت کُت کن اَنت بلے اگاں تو یک مردمے ءِ  کِردار ءَ چَکّاسگ لوٹ ئے گڑا آئی ءَ تاکت ءُ واجھی بہ دئے۔

 

۲۴۔ آسر ءَ تئی زند ءِ تہ ءَ سال نہ اَنت کہ ارزشت دار اَنت بلکیں تئی ھمے سالانی تہ ءَ زند اِنت کہ مانا دار اِیت۔

 

ابراھم لنکن

 

۲۵۔ مھروانی کارے آ توری ھرچُنت کسان بہ بیت بِھ زیان نہ بیت۔

۲۶۔ دوستے ءَ دگا دئے،  ءُ تو ھر وھد ھمے گندئے کہ تو وتی جند برباد کُت۔

۲۷۔ یک شَکیّگیں دوستے چہ سدّکیں دشمن ءَ گیشتر ھراب تِر اِنت۔ مردم ءَ بِلّ کہ اولیگ بیت یا کہ دومیگ ءُ پد ءَ ما زان اِیں کہ ما گوں آئی ءَ چتور دوچار بہ کپ اِیں۔

۲۸۔ اڑ ءُ جنجالاں کپتگیں مردم ءِ پنت ءُ نسیتانی سر ءَ ھجبر بیسہ مہ کن۔

۲۹۔ دروگ بند ءِ سر ءَ باور کنگ نہ بیت آ توری راست ھم بہ گْوش اِیت۔

۳۰۔ امینچک مردم ءِ مجگ کسان بیت امینچک مردم گروناک ءُ وتواہ بیت۔

۳۱۔ شوکیں پوشاک بگندئے چیر بہ دے اَنت بلے تِرّنیں گپّ ھوڈے ءَ پدّر کن اَنت۔

۳۲۔ ایمن ءُ سلامتیں پندے ءَ بھادر بیگ آسان اِنت۔

۳۳۔ سجّھیں مردماں وَشّ ءُ رازی بہ کن، پد ءَ ھم تو کسّ ءَ وَشّ ءُ رازی نہ کن ئے۔

۳۴۔ تپاک بئیں ما برجاہ مان اِیں، بھر ءُ بانگ بئیں ما گار ءُ بیگواہ بئیں۔

۳۵۔ زرورت جوڑشت ءُ ساچشتکاری ءِ مات اِنت۔

۳۶۔ اڑ ءُ جنجال دوستانی دلپھکی ءَ چکّاس اِیت۔

۳۷۔ ما گیشتر وت وتی تباھی ءُ بربادی ءِ ازباباں وتی دژمناں دے اِیں۔

۳۸۔ دانائیں مردم ھترناکیں وھداں ھِچّ نہ گْوش اَنت۔

۳۹۔ شِکل ءُ سورت باز براں مردم ءَ  پریب دے اَنت۔

 

ایسُپ

 

۴۰۔یک ماتے ءِ مھر پہ وتی چُکّ ءَ یک انچیں چیزے کہ دنیا ءِ تہ ءَ دگہ ھِچّ چُشیں چیز نیست۔ اِے مھر ءُ دوستی ھِّچّ کانود ءُ راھبند، ھِچّ رھم ءُ بزّگی نہ زانت۔ اِے مھر دْراھیں چیزانی کنگ ءِ توکل ءُ ھمّت ءَ دار اِیت ءُ ھرچی ایشی ءِ راہ ءِ اڑاند بیت آئی ءَ را بے دردی پامال کنت ءُ شِیرّچین اِیت۔

 

۴۱۔ اگاں تو وتی سرگ ءَ شیر ءِ دپ ءَ دئے، گڑا یک روچے تو گِلگ کُت نہ کن ئے اگاں آ تئی سرگ ءَ جاہ اِیت ءُ وارت۔

۴۲۔ یک مردمے بُندر ءَ وتی زند ءِ تہ ءَ  پُر ارزشتیں ساھت ءُ دماناں پجّا نیار اِیت داں وھدے کہ سکّ دیر مہ بیت۔

۴۳۔ جبلت یک اجبیں چیزے۔ اِے نہ کہ درشان ءُ بیان کنگ بیت نَے کہ ڈالچار کنگ بیت۔

۴۴۔ زند ءِ تہ ءَ پریشان ءُ ملور کنوکیں چیز ھما اَنت کہ مردم یات اِش کنت۔

۴۵۔ جوانیں مردم لیک اَنت کہ پیریں مردم اھمک ءُ ھوڈ اَنت بلے پیریں مردم زان اَنت کہ جوانیں مردم بے اکل ءُ ھوڈ اَنت۔

۴۶۔ وھد جْوان تِریں کُشوک اِنت۔

۴۷۔ شَرّیں پنت ءُ نسیت ھتمن ڈالچار کنگ بیت بلے اِے گپّ ءَ ھِچّ سبب نیست کہ پنت دیگ مہ بیت۔

۴۸۔ من گوں کینگی ءُ سرزوریں مردماں اڑ ءُ کُڑ نہ کن آں بلکیں من آھانی بگیر ءَ کار کن آں، وتی کِرد ءَ پیلو کن آں۔

 

آگاتھا کِرسٹی

 

۴۹۔ اگاں کدی یک چُشیں روچے اتک کہ ما یکجاہ بیت نہ کن اِیں، من ءَ وتی دل ءَ جاگہ بہ دئے۔ من اود ءَ مُجّتی جلّ آں۔

۵۰۔ لھتیں مردم بے کساس ھیالداری کن اَنت۔ منی ھیال ءَ مھر ھمیشی ءَ گْوش اَنت۔

 

ایلن اے مِلن

۵۱۔ سِتک یک دلپھکی یا بیسھے ءِ جاور اِنت۔

۵۲۔ لُڑیں آپ ءِ ساپ بیگ ءِ جْوان تِریں وڑ ھمیش اِنت کہ پہ سنگرگ ءَ یل دیگ بہ بیت۔

۵۳۔ زندگی ءِ اسل راز ھمیش اِنت کہ اِد ءَ انّی تو ھرچ کار ءَ کنگ ءَ ئے سرجم ءَ گوں ھمائی ءَ گیروشگ بہ بئے۔ ھمے چیز ءَ کارے گْوشگ ءِ بدل ءَ، یک لیبے بہ مار۔

۵۴۔ تو ھُداوند ءِ چارگ ءِ ھاتر ءَ آزمان ءِ نیمگ ءَ نہ چارئے بلکیں تو وتی اندر ءَ چارئے۔  

 

ایلن واٹس

 

۵۵۔ منی پُشت ءَ گام مہ جن، من بگندئے راھدربری ءَ کُت مہ کن آں۔ من دیم ءَ روان مہ کن، من بگندئے رندگیری ءَ مہ کن آں۔ تھنا گوں من ھمگام بہ بئے ءُ منی دوست بہ بئے۔

۵۶۔ تو بِھ وشّ ءُ شاد نہ بئے اگاں تو یکشل ءَ بہ شوھاز ئے کہ وشّی چہ چیزّ ءَ جوڑ بیت۔ تو ھجبر زند نہ گْوازین ئے اگاں تو زند ءِ مانا ءَ شوھازگ ءَ ئے۔

۵۷۔ انسان تھنا یکیں مھلوک اِنت ھما چیز کہ آ ھست اِنت وتی بیگ ءِ اِنکار ءَ کنت۔  

۵۸۔ زمستان ءِ جُھلانکی ءَ من گُڈسر ءَ دربُرت کہ منی اندر ءَ یک تمرد ءُ بے ایرموشیں گرماگے ھست اِنت۔

۸۹۔ یک نبشتہ کارے ءِ مول ءُ مراد ھمیش اِنت کہ یک دودمانے ءَ وتی جند ءِ تباہ کنگ ءَ بہ رکّین اِیت۔

۶۰۔ دْراھیں زیبائی ءِ دلبند ءَ یک سنگدلی ءُ بے رھمی یے ھست اِنت۔

۶۱۔ مردم مدام وتی راستی ءِ شِکار اِنت۔ یک رندے آ اگاں بہ مَنّ اِیت اِش، آ وت ءَ را چہ آھاں جتا کُت نہ کنت۔

۶۲۔ پِکشن ھما دروگ اِنت چمائی ءِ سبب ءَ ما راستی ءَ گْوش ايں۔

۶۳۔ من نہ زان آں چی منی ھاتر ءَ ودار کنگ ءَ اِنت، یا چی بیت اِنت وھدے کہ اِے دْراہ ھلاس بنت۔ اِے ساھت ءَ من اِے زان آں کہ بازيں نادْراھیں مردم ھست اَنت ءُ آ اِلاج لوٹ اَنت۔

۶۴۔ بے کار ءَ سرجمیں زند مردار ءُ زوال اِنت، بلے وھدے کہ کار بے ارواہ ءُ بے جان اِنت، زند دمتوس بیت ءُ مِر اِیت۔

 

 البرٹ کامیو

 

 

 ۶۵۔ ازبابانی سرجمی ءُ مول ءُ مرادانی اڑمُنجی مئے دو مستریں جیڑہ گِندگ ءَ کاینت۔

۶۶۔ ھما مردم ءَ کہ بِھ ردی یے نہ کُتگ، آئی ءَ ھجبر نوکیں چیزے نہ چکّاس اِتگ۔

۶۷۔ دْراھیں مزھب، اِزم ءُ سائنس یکیں دْرچک ءِ شاہ اَنت۔

۶۸۔ یک شُدلاپیں مردمے یک شَرّیں سیاسی سوج دیوک ءُ راھدربرے نہ اِنت۔

۶۹۔ ھما مردم کہ بے کساس وان اِیت ءُ وتی مجگ ءَ سک باز کم کارمرز کنت، آ

جیڑگ ءِ سُستیں آدتاں کپ اِیت۔

۷۰۔ ھما مردم کہ کسانیں گپ ءُ کارانی تہ ءَ راستی ءَ سنگینی ءَ نہ زیر اِیت، آ مردم مزنیں کارانی تہ ءَ اوں بیسہ کنگ نہ بیت۔

۷۱۔ من نہ زان آں کہ سیمی جھانی جنگ گوں کجام سلاھاں مِڑگ بیت بلے چارمی جھانی جنگ گوں لَٹ ءُ سِنگاں مِڑگ بیت۔

۷۲۔ من ھجبر باندات ءِ بابت ءَ نہ جیڑ آں، اِے سکّ زیت کیت ءُ سر بیت۔

۷۳۔ پِگر ءُ سسّا چہ زانت ءَ گیشتر ارزشت دار اِیت۔

۷۴۔ جیڑگ ءُ سسّا ھرچیز اِنت۔ اِے زند ءِ آیوکیں دِلکشّی ءُ چاڑانی  پیش ندارگ اِنت۔

۷۵۔ ایمنی زور ءُ زبردستی گِرگ نہ بیت؛ اِے تھنا چہ پھمگ ءُ سرپدی ءَ رس اِت کنت۔

۷۶۔ بے اکلی ءُ اکل مندی ءِ میان ءَ تپاوت ھمیش اِنت کہ اکل مند وتی ھَدّ ءُ کِساساں زانت۔

۷۷۔ دانائی وانینگ ءُ ھیل دیگ ءِ برورد نہ اِنت بلکیں سرجمیں زند ءِ کُتگیں جھد ءُ کوسشت ءِ برورد ءَ مردم ءَ رس اِیت۔

۷۸۔ بے اکلی یکّیں کار ءَ بار بار کنگ ءُ جتائیں آسرالانی اُمیت ءِ دارگ اِنت۔

۷۹۔ سوبمندی ءِ بامردے بیگ ءِ جھد ءَ مہ کن بلکیں ارزشت ءُ بِستار ءِ بامردے بہ بئے۔

۸۰۔ من ھما دُراھیں مردمانی منّتوار آں کہ ھماھاں من ءَ گْوشتگ ناں تو کُت ئِے نہ کن ئے پرچا کہ اِے ھماھانی سبب اِنت من اِے کار وت کُتگ۔

۸۱۔ چہ زیکّیں روچ ءَ در بہ بر، مرچیگیں روچ ءَ زندگی بہ کن، باندات ءِ ھاتر ءَ اُمیت بہ دار۔

۸۲۔ زندگی پرپٹ تاچگ ءِ پیم ءَ اِنت۔ اگاں تو گُش ئے من مہ کپ آں ءُ وت ءَ را شَرّی سر ءَ برجاہ بہ دار آں، گڑا باید اِنت تاچان بہ کن۔ 

 

۸۳۔ تھنا دو چیز بے گواز ءُ بے کساس اَنت۔ یکے جھان ءُ دومی انسان ءِ اھمکی ءُ من اولی ءِ بابت ءَ جزم ءَ گْوشت نہ کن آں۔

 

۸۴۔ ما وتی جیڑھاں گوں ھما یکّیں ھیال ءَ توجیل کُت نہ کن اِیں کہ وھدے کہ ما آھانی جوڑکنگ ءِ وھد ءَ کارمرز کُتگ۔

 

۸۵۔ ساچشت کاری ءِ راز ھمے زانگ اِنت کہ چتور وتی سبباں چیر بہ دئے۔

 

۸۹۔ وتی زند ءِ گْوازینگ ءِ تھنا دو وڑ ءُ پیم اَنت۔ یکے ھمیش اِنت کہ گْوش ئے زاناں ھِچّ کرامتے نہ اِنت۔ دومی ھمیش اِنت کہ گُوش ئے زاناں ھرچی کرامتے۔

 

۹۰۔ رَوِشت ءِ نِزوری کِردار ءِ نِزوری بیت کنت۔

 

۹۱۔ کمےّ اِلم ءُ زانت یک ھترناکیں چیزے۔ ھمے پیم ءَ مزنیں مزنیں زانت ءُ زانگ۔

 

البرٹ آئن اسٹائین

 

 

 

 

سرشون:

Brilliant Quotes – An App from Google Play Store