پیاپیں ٹَوک (سینزدھمی بھر)

 

  

رجانکار: اُزیر مھرؔ

 

 ۱۔ تئی زند ءِ وشّی تئی ھیالانی شَرّی ءَ گوں بندوک اِنت۔

۲۔ زند ءِ زیبائی ءِ سر ءَ دوار بہ کن۔ اِستاراں بِچار ءُ وت ءَ آھانی ھمراھی ءَ تچگ ءَ بہ گِند۔

۳۔ مئے زند ھمیش اِنت ھرچی کہ مئے ھیال ئِے جوڑ کن اَنت۔

۴۔ زند ءِ مول ءُ مراد اِے نہ اِنت کہ مُچّی ءِ نیمگ ءَ بہ بئے، بلے ھردیں کہ وت ءَ را ھوڈانی درجگ ءَ گندئے بہ تچ۔

۵۔ ھما چیزاں کہ تئی تالِہ گوں تو ھمگرنچ کنت آھاں بہ مَنّ ءُ ھما مردماں کہ تالِہ تئی گْور ءَ کار اِیت آھاں گوں مھر بہ کن بلے اِے کاراں گوں دل ءِ سِتک ءَ بہ کن۔

۶۔ مردم باید اِنت چہ مَرگ ءَ ناں بلکیں آ ھجبر زند ءِ بِندات نہ کنگ ءَ چہ بہ تُرس اِیت۔

۷۔ اِے گپّ ءُ باوست ءَ گیشتر وھد زیان مہ کن کہ یک شَرّیں مردمے چتور بہ  بیت۔ وت یک شَرّیں مردمے بہ بئے۔

۸۔ وھدے کہ تو سُھب ءَ پاد کائے ھمے بہ جیڑ کہ چونیں وَشّیں نَپے زندگ بیگ، جیڑگ، وشّنود بیگ ءُ مھر کنگ۔

۹۔ ھرچیز کہ ما اِش کُنیں آ یک ھیالے راستی یے نہ اِنت۔ ھرچیز کہ ما گِندئے آ یک ندارگے گواچنے نہ اِنت۔

 ۱۰۔ اولی راھبند ھمیش اِنت کہ ایمنیں ارواھے بہ دار۔ دومی راھبند ھمیش اِنت کہ چیزانی دْروشم ءَ ھما پیم ءَ بہ چار ھما پیم ءَ کہ آ ھست اَنت۔

۱۱۔ یک وژھالیں زندے جوڑ کنگ ءَ باز کم چیز پکار اِنت۔ اِے دْراہ تئی اندر ءَ اِنت، تئی ھیال ءُ جیڑگ ءِ داب ءِ تہ ءَ اِنت۔

 ۱۲۔ جْوان تِریں بیر ھمیش اِنت کہ ھما مردم ءِ پیم ءَ مہ بئے کہ زِھم ءُ ٹپ ئِے داتگ۔

۱۳۔ ھرچیز کہ تئی تالِہ ءِ اوتاگ ءَ گْوپگ بیتگ آئی ءَ بہ مَنّ بِلے پتّو کیت۔ چہ ایشی ءَ گیشتر دگہ چی پہ تئی زرورتاں شرّ تر بیت کُت کنت؟

۱۴۔مردم یک دگرے ءِ ھاتر ءَ وجود ءَ اتکگ اَنت۔ پمیشکا یا وَ آھاں بہ وانین یا آھانی اوپار کنگ ءَ در بہ بر۔

۱۵۔ چیزے ءِ ساڑایگ ءُ ایرجنگ ءَ آ چیز ھراب تِر ءُ شَر تِر نہ بیت۔

 

 

 

مارکِس اوریلییس

 

۱۶۔ ھر یک زالبولے کہ لوگے چلائینگ ءِ جیڑھاں زانت آ یک مُلکے ءَ بیوکیں جیڑھانی سرپد بیگ ءِ نزّیک ءَ رس اِت کنت۔

۱۷۔ سوبمندی ھما کار ءَ کہ تو کنگ ءَ ئے آئی ءِ بودشت دارگ ءِ نام اِنت ءُ اِے زانگ ءِ نام اِنت کہ اینچو بس نہ اِنت ترا گیشتر جھد کنگ لوٹ اِیت ءُ وتی مول ءُ مرادے ءِ سما بیگ لوٹ اِیت۔

۱۸۔ ترا بگندے چہ یک رندے ءَ گیش مِڑگ لوٹ اِیت دانکہ تو بہ کَٹّ ئے۔

 

 

مارگریٹ تھیچر

 

 

۱۹۔ لھتیں انچیں مردماں کہ تو بدل کُت اِش نہ کن ئے۔ باید اِنت یا وَ تو آھاں بہ مَنّ انچوش کہ آ ھست اَنت یا تھنا یلہ اِش بہ دئے۔

۲۰۔ بنی آدم ءِ ارواہ اندری آسے۔ یک چراگے کہ دنیا ھُپ ئِے کنت بلے ھجبر کُشت ئِے نہ کنت۔

 

مارگو آسکِویت

 

۲۱۔ دانکہ مردمانی جند مزن نہ بنت ھیال داں ھما وھد ءَ مزن جوڑ نہ بنت۔ گوں ھمّت ءُ تاکت ءِ کارمرزی ءَ ایشی ءَ را جوڑ بہ کن۔

۲۲۔ وانینوک ءِ ھاتر ءَ اِے بس نہ اِنت کہ آ گوں زھگ ءَ مھر بہ کنت۔ آ باید اِنت پیسر ءَ جھان ءَ مھر بہ کنت ءُ سرپد بہ بیت۔ آ باید اِنت وت ءَ را تیار بہ کنت ءُ ھمے کار ءِ سر ءَ دلپھکی ءَ کار بہ کنت۔

۲۳۔ دائمی ایمنی ءِ برجاہ دارگ زانشت ءُ وانگ ءِ کار اِنت۔ ھما کاراں کہ سیاست  کُت کنت آ کار مارا چہ جنگ ءَ دیر دارگ اِنت۔

۲۴۔ یک چُکّے ءَ ھما کار ءِ تہ ءَ ھجبر کمک مہ کن کہ آ ھما کار ءِ تہ ءَ سوبمند بیگ سما کُت کنت۔

۲۵۔ باندات ءِ تالِہ چُکّانی تہ ءَ اِنت۔

۲۶۔ ھِچّ چاگردی جیڑہ اینچو جھانی نہ اِنت اینچو کہ چُکّے ءِ سر ءَ زُلم۔

۲۷۔ ھما نکش ءُ نِگاراں کہ یک چُکّے وتی باتِنی زندگی ءِ لھمیں پردہ ءِ سر ءَ جوڑ اِش کنت آھاں کور مہ کن۔

۲۸۔ یک چُکے ءِ بود ءُ تاکت ءَ آجو کن گڑا بزاں تو آئی ءَ را یک دنیایے ءِ تہ ءَ بدل کُت۔

۲۹۔ تالیمی راھبند ءِ شَرّی ءِ یک چکاسے چُکے ءِ وژھالی اِنت۔

۳۰۔ اولی ھیال کہ یک چُکّے باید اِنت در بہ بارت ئِے آ شَرّی ءُ ھرابی ءِ میان ءَ تپاوت اِنت۔

 

 

ماریا مانٹیسری

 

۳۰۔ مئے مستریں تُرس اِے نہ اِنت کہ مئے تہ ءَ کارے کنگ ءِ کمّی ھست۔ مئے مستریں تُرس ھمیش اِنت کہ ما چہ وتی کساس ءَ گیش تاکت ور اِیں۔

۳۱۔ چُکّ شادان اَنت پرچا کہ آھانی مجگ ءِ تہ ءَ اِے پائل نیست کہ نام اِنت ئِے دْراھیں چیز ھراب بیت کُت کن اَنت۔

۳۱۔ ءُ مارا کس گوش نہ دار اِیت داں وھدے کہ ما وت وت ءَ را گوش مہ دار اِیں۔

۳۲۔ مارا گْوستگیں زمانگ ءَ نہ رستگیں مھر ءَ پابند نہ کُتگ بلکیں ھستیں وھد ءَ تلان نہ کُتگیں مھر ءَ بندیگ کُتگ۔

۳۳۔ وشّی ھمیش اِنت کہ گوں ما چی بیت وھدے کہ ما وت ءَ را شُناسگ ءِ اِے موکل ءَ دے اِیں کہ بندر ءَ چیز چینچو شَر اَنت۔

۳۴۔ مھر ءِ نہ بیگ ءَ ما کم کم ءَ بلے الّم پْرُشگ بندات کن اِیں۔

۳۵۔ ھرچیزے کہ ما کن اِیں مئے کار ءِ تہ ءَ ھما زکت پیوست اِنت کہ گوں ھمائی ءَ ما کار ءَ کن اِیں۔ اگاں ما دیوانگ اِیں، گڑا زند دیوانگ بیت۔ اگاں ما ایمن اِیں، گڑا زند ایمن بیت۔ ءُ گڑا ھرجاورے ءِ تہ ءَ مئے مول ءُ مراد اندری ایمنی بیت۔

۳۶۔ دنیا ءِ دْراہ کنگ ءِ ھاتر ءَ پھل کنگ ءِ کار مئے درستاں چہ مستریں دھش اِنت۔

۳۷۔ سوبمندی ھمیش اِنت کہ ما شپ ءَ رو اِیں وپس اِیں گوں اِے ھیال ءَ کہ مئے بود ءُ لائکی یک انچیں وڑے ءَ کارمرز بیتگ اَنت کہ دگرانی ھزمت اِش کتگ۔

۳۸۔ ما گوں مھر ءَ ودی بیتگ اِیں۔ تُرس ما چہ دنیا ءَ دربُرتگ۔ ارواھی سپر تُرس ءِ شموشگ ءِ نام اِنت ءُ مئے دلانی تہ ءَ دوبر مھر ءِ منّگ ءِ نام اِنت۔

۳۹۔ ارواھی دیمروئی چہ زھرناکی ءَ دْراہ بیگ ءِ نام اِنت۔

۴۰۔ بانُکے بیگ ءِ ھاتر ءَ گوں زند ءَ لیب کن۔ شھبانکے بیگ ءِ ھاتر ءَ یک سنگینیں لیبی بہ بئے۔ پہ جنین ءَ زند ءِ مراد ھمیش اِنت کہ شاھی تھت ءِ سر ءَ نند ءُ گوں دل واجھی بہ کن۔

۴۱۔ وھدے کہ یک جنینے وتی اسل زات ءِ بابت ءَ جیڑ اِیت، یک کرامتے بنا بیت ءُ آئی ءِ زند ءِ آتراپ ءَ زندگی پد ءَ بندات بیت۔

 

میریئین ولیئیمسن

 

۴۲۔ سائنسدان چیزانی سر ءَ یکین کن اَنت مردمانی سر ءَ ناں۔

۴۳۔ زند ءِ تہ ءَ چہ ھِچّ چیز ءَ تُرسگی نہ اِنت، بس سرپد بیگی اِنت۔ نی ھما وھد اِنت کہ کمے گیشتر سرپد بہ بئے دانکہ ما کم تِر بہ تُرس اِیں۔

۴۴۔ زند مئے کسّی واستا آسان نہ اِنت۔ گڑا نی چون بہ کن ئے؟ ما باید اِیں مھکمیں سگّ ءُ اوپار، یکشل ءَ گامانی دارگ ءُ چہ درستاں گیش مارا وتی سر ءَ بیسہ بہ بیت۔ ما باید اِنت اِے یکین بہ کن اِیں کہ ما پہ یک چیزے ءَ بودناک ءُ موھر اِیں ءُ ھما چیز باید اِنت دست گِرگ ءُ کٹّگ بہ بیت۔

۴۵۔ منی تیوگیں زند ءِ تہ ءَ ابرم ءِ نوکیں ندارگاں من ءَ چو زھگ ءَ وش بیگ ءِ سکین داتگ۔

۴۶۔ چہ مردماں گیش ھیالانی بابت ءَ تلب ءُ شوھازگ ءِ واھشت بہ دار۔

۴۷۔ کسے ھجبر اِے ھیال نہ کنت کہ چی کنگ بیتگ، کسے تھنا اِے چار اِت کت کنت کہ پہ کنگ ءَ چی پشت کپتگ۔

 

 

میری کیوری

 

 

۴۸۔ من وتواھے آں، بے سبرے آں ءُ کمے نزور آں۔ من ردی کن آں۔ من وت سر آں ءُ برے برے پہ سمبالگ ءَ جنجالے آں۔ بلے تو اگاں من ءَ منی گرانیں ساھتاں داشت کت نہ کن ئے، گڑا تو الم وشیں ساھتاں ھم گرک ئے من ءَ نہ کرزئے۔

۴۹۔ منی سِتک ھمیش اِنت کہ ھرچیزے پہ سببے بیت۔ مردم بدل بنت دانکہ تو یلہ دیگ در برت کت بہ کن ئے، کار ھراب بنت، دانکہ تو آھاں بہ ساڑائے ءُ کدر ءَ اِش بہ کن ئے وھدے کہ آ شر بنت۔ تو دروگانی سر ءَ یکین کن ئے دانکہ تو آسر ءَ کسی سر ءَ ناں تھنا وتی سر ءَ بیسہ کنگ در بہ برئے ءُ برے برے شریں چیز پْرُشت ءُ پروش ءِ آماچ بنت دانکہ شر تریں چیز یکجاہ ءُ ھوار بہ بنت۔

۵۰۔ ائیب زیبائی اِنت۔ گنوکی زانتکاری یے ءُ چہ بیرگ ءَ بے تام ءُ بیزار بیگ ءَ مسکرا باز بیگ گھتر اِنت۔

۵۱۔ یک دانائیں جنکے بوس اِیت بلے مھر نہ کنت، اِش کنت بلے یکین نہ کنت ءُ چہ یلہ بیگ ءَ پیش یل کنت۔

۵۲۔ من شَرّ آں بلے پریشتگے نہ آں۔ من گُناہ کن آں بلے من شیتانے نہ آں۔ اِے جُلگھیں دنیا ءَ من تھنا یک کسانیں جنکے آں ءُ کسے مھر کنگ ءِ ھاتر ءَ شوھازگ ءِ جھد ءَ آں۔

۵۳۔ تو اگاں جنکے کندینت کت کن ئے، گڑا تو آئی ءَ را ھر کار کنگ پرمات کت کن ئے۔

۵۴۔ تو اگاں دو دیمیں مردمے بیگی ئے گڑا کم ءَ چہ کم وتی یک دیمے زیبدار کن۔

۵۵۔ چہ کسے ءِ ھمراھی ءِ ناوشی ءَ ایوک ءَ ناوش بیگ گھتر اِنت۔

۵۶۔ اسل مھر کنوک ھما مردین اِنت کہ گوں تئی پیشانی ءِ بوسگ ءَ ترا جزبگے دنت یا تئی چمانی تہ ءَ بچکند اِیت یا آھانی تہ ءَ روک روک ءَ چار اِیت۔

۵۷۔ میکاپ ءِ چیر ءَ، بچکند ءِ باپُشت ءَ من تھنا یک جنکے آں کہ آ دنیا ءِ واھشت دار اِیت۔

۵۸۔ من یک مردینے ءِ دنیا ءَ نندگ ءَ ھچ وڑ داں ھما وھد دل ءَ نیار آں داں وھدے کہ من آ دنیا ءِ تہ ءَ جنینے بیت کُت کن آں۔

۵۹۔ وھدے کہ من تھنا باں من وت ءَ را شر کن آں ۔

۶۰۔ الماس جنکانی شرتریں دوست اَنت۔

۶۱۔ تو ھجبر نہ زان ئے کہ زند چہ پیم ءَ اِنت داں وھدے کہ تو ئِے گوازین ئے۔

۶۲۔ پمّن ءَ دْرستاں چہ جوان تریں چیز وپسگ اِنت آ وھد ءَ کم ءَ چہ کم من واب دیست کت کن آں۔

 

 

میرلِن مینرو

 

سرشون:

Brilliant Quotes – An App from Google Play Store